عرين الصياد

الفصل 38

سعاد : ليش ما تخلينه ياخذ مره

ليال : لا والله لو اطگ شكحه وتموت ما اخلي صائب يتزوج هيه شعليها بينه مو عندي ولد ثنين شتريد بعد

سعاد : يولي گايمه تحبين صائب وتغارين علي

ليال : ما احبه ولا اغار علي بس ما اخلي مره تصير عليه هيه ديالا رجلها اخذ عليها ردت اموت مو انوب اني

شبيه تا ياخذ عليه هاا اشو ايهي الي تشوفني تگلي شحلاتج وانوب نضيفه ومرتبه وذكيه وجبت توم ولد عش يتزوج صائب لو هاي لگلگه من شكحه ويستهتار

سعاد : يمه شهالسان و الحجي المعدل يمه الحمد لله يربي انطاني عمر وشفتج خوش تسولفين اي صيري اجان ودافعي عن بيتج لا تظلين فطيره

ليال : تره اني كبرت و خوش اسولف يا سعاد بس انتي مصگطه حصوتي ومجاي تعترفين بيه

سعاد : يولي مو البارحه جنتي تلعبين دعبل ويه الجهال وكسبتي جهالج خليتهم يصيحون هاي زعم انتي امهم

ليال : هاي وحد يا سعاد
ما خلوني اشبع لعب جروني من لعابتي وزوجني
بعدني اشتاگ العب ويه الجهال توسلت صائب يجيبلي لعابه وما فعل عوذا منه

سعاد : يمه شگت گلبي هاي الكلمه
گالتها ودنگت تخط بالعود ما ردتها تبجي گلت الهيها

يولي ليال اشو بطو ربعج صائب وشكحه ونضال
صارت الشمس الضهر

ليال : همه كل روحه يتأخرون بخت جدج خليهم لا يجون مرتاحه من ضيم شكحه والگرگه مال صائب

سعاد : زين هيه نضال صارت زينه يعني لو لحالهم يراجعون.بيها وطايرين

ليال : والله تبين اشوه گامت تطلع وتاكل ويانه وتسبح بنتها بس بعدها حزينه وتبجي

سعاد : الله يبرد گلبها وتگوم على حيلها لخاطر بنتها خطيه

ليال : امين
دحگي عالمعثرين جهالي راح يوصخون نفسهم

سعاد : يخايبه خلي هالجهال تلعب مي جثير وسبحيهم عود شبلاج ما تخلينهم يجوسون الگاع
الله يساعد گلبي

ليال : غدي يا سعاد اتخبل اذا اشوف وصخايه بملابسهم احسها بيه اني

سعاد : بس عوفيهم والله جهالج انضف جهال الديره يلمعون بس الضيم ضيمي دحگي ياسين شخله روحه عود هاذ الكبره

ليال : بس دحگي عمر المعثور شلون يضرب الجهال
ما يگدر اذا ما يهارش

سعاد :يولي هاذ عمر الله يستر منه بس يكبر تصرفاته جنها تصرفات ماجد الله يرحمه
عثمان فقير وعاقل ولا عبالك لايجين ابطن وحده
حت ما يتشابهون