السلام عليكم
شكراً من قلبي على تفاعلكم الحلو حتى لو جنتو قلة قليلة احبكم ومستمره علمودكم
احب اعتذر منكم اليوم ماكو بارت والسبب الوحيد اني مريضه والله
وهاي مشاهد بسيطه اتمنى تعجبكم وتصبركم احلى متابعات واحلى خوات ❤️❤️❤️
.......
المشهد 1
تعاي شفتج تحجين ويه وادي شعدكم
ــ ما عدنه شي حجي عادي
من ايمت انتي ووادي صرتو ربع وعدكم حجي
گليلي شعندج تره مصايبج جاي يلوحني منها طشار ارحميني
ــ شسويي فهميني مو بيدي يلوحج طشار من مصايبي حسوو بيه راح اموت صارلي يومين الوب گلبي يگلي عثمان بي شي
مابي شي لا تظل تفاولين وهسع گليلي شعندج ويا وادي
ــ مزالج سرگدتي تعرفين عجل اسمعي اني راح انهزم والي راح يساعدني وادي ارتاحيتييي
الله يعثرنه فوگ هالعثره انتي شبيييج تخبلتي هاذ وادي ما غيره الي يبغضج ويريد يدشرج من البيت اليوم گبل باجر
ــ وهاذ السبب الي خلاني اطلب العون. منه
نشمي ما وراه يگف ويايه وخري من دربي
اذا عرف صياد يذبحكم ثنينكم.
وزعم مقصر صياد هو ذابحني من الوريد للوريد
المشهد 2…… .
فتحت عيوني بتعب جفوني مورمه من البجي وقلة النوم جنوبي كلها توجعني من الضرب منين ما اميل اصرخ بوجع ليش ما موتتني وخلصتني ليش استاهل مو بس ضرب استاهل الموت
ذليتك وكسرتك وهنت رجولتك ليش كتفيت بس تضربني ليش ما متوتتني خلاص
شعندك جلبت بيه عندك ثلاث. نسوان
كافي عوفني عذبتك وعذبتني
خليني بضيمي بحطامي
خليني الم شتاتي وحدي اسند نفسي بنفسي
شستفاديت مني غير ذليتك وعذبت روحي
غمضت عيوني بجيت على نفسي
مهشمه
محطمه
مبعثره
بدون كرامه
بدون اهل بدون احد يسندها شلي بحياتي
فتحت عيوني زين ومسحت دموعي گمت ادحگ عالمكان اكتشفه شنهو هاذ اني وين
اشو حجره زغيره مبنيا بالطين مفروشه بحصيره
لون ازرگ
واني نايمه على جودليه ومغطيه بفروه
وبصفي صندقجة حديد خضره مصفوط عليها لحف ثنين ومخاد
واكو نجانه حديد بيها بقايا رماد مال نار
وبصفي نفاضه مصنوعه من الطين مليانه گطوف
الضاهر جان گاعد هين ويدخن
وهاي ملابسه وسلاحه عجل هو وين؟؟
شنهو هاذ المكان وين جابني
انتهيت اني بعد انتهيت ااخ يا ضيمي قرفصت
ومسحت شعري اذني توجعني گمت اشاهگ بتعب والغصه تجرح بلعومي
رجعت ادحگ عالحجره بيها عامود خشب بالنص ملعگ بي فانوص منطفي والشيشه مالته بيها فحام
وملابس معلگات بالحايط ابسامير والباب فوگا بطانيه من ينسد تغطي
نهضت من مكاني امشي بتعب اريد اشوف اني وين
بطني توجعني من الضرب ولايبه روحي ادحگ اديني مزرگات
نزلو دموعي عضيت شفتي اتأسف على حالي
سندت نفس عالعامود الي بالحجرة اجت عيني على كتابة بالعامود محفوره بسجين تلمستها وقريتها
مكتوب عرين الصياد
يتبع……… .
CZYTASZ
عرين الصياد
Akcjaقصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
