زواج مدبر🍡مكتملة🍡

🍡الجزء 64🍡

📝قــــــــــــصة رمضــــــــــــانية📝
🌷زواج مدبر🌷
💍البارتي لرابع والستين💍
🔥اول رمضان فدار راجلي🔥
_فدار_عند_ربيعة

فاقت دايخة كتموت فنعاس واخة تنعس 24 ساعة كيبقا خصها نعاس هه ناضت كتكسل دخلات لدوش قضات حاجتها غسلات وجها وخرجات لبلاكار جابدة مونو ميني فونطر كحل تاع توب لاصق مع سروال العسكر مشدود من لتحت ومزير من ليهونش رامية عليها منوطو تاع دان محلول من لقدام مارو ...مع سبرديلة ...جمعات شعرها وخرجات لقات ربيعة كتفرج لحاج مكينش ...باستها وخرجات الوكالة ...

♧#فلـــــــــــــفيلة#♧
فاقت على يديه محاوطين خصرها
عبسات مكشرة كتبعدها بحال شي حجرة ...
محمد رصاي البرهووشة
سحر حيد يدك الخرا
ضربها خفا لفمها تادمعات اهئ بعد مني ....
ناض خاسر لابد متعصب طسيلتو
دخل لدوش خرج بعد خمسة دقايق لاوي نصو ففوطة ...كانت باقة متكية دخل لدريسينغ روم جابد منو تيشرت كحل مع تجاكيط حتياط ...سروال تجينز زرق ..دار كسكيط نضاضر وخرج ...لقاك دايرا شي موصيبة غنجمع ليك تاع هاد تلتيام
ميقات فمها كتعيبو
تنهد متجاهلها على فعايلها ...خرج يشوف مو ...

جاد كي فاق مشى لشركة كيف ديماا خدم على ملفات شي صفقة وصاه عليها محمد ...دخلات عندو ريناد ..
جاد صباح الخير
ريناد صباحو واش مكاينش محمد خصني ندوي معاه
جاد فاش
ريناد شي حاجة ضرورية بليز
جاد مكاينش دابا ويقدر عند خالتي نادية
ريناد مغيجيش لشركة
جاد لا غيجي غي صبري
اك هاني مشيت دابا بسلامة
تكسل بلاصتو كيجمع الوراق تاع صفقة دوزو المحاسبة وخرج بحالو لاصانصور تلفونو فيديه كي شعل كاطغ جي طلع ليه المساج كيقرا ويتصدم ....
كيدوي مع راصو كانت هي كفاش تكلخ ومدورهاش يشوف شكون ...وهو فهم و عرفها كتجسس عليه مدارش فبالو غتكون مصيفطاا ليه ضنها غي موضفة دايزة وسمعاتو صدفة فضل يهددها جمع يديه على شكل قبضة عينيه حوومر مناويش لخير دخل لواحد لوجيسيال كيشوف بلاصتها دوز اتصال لكارد ...وجد ليا طيارة ...
قطع مكشكش
تحرك لشركة ملي شاف مو وطمان عليها تلاقات ليه ريناد فلبيرو حامية على لي فقلبها حالفة تتطلقو وتهنى من هاد دنب كتبقى ختها من لحمها ولكن اننيتها وطغيانها لي متغفرش ليها ليهم ...
محمد ياك لباس
ريناد خصني نقوليك واحد الحاجة وخصك تيقني حيت بصح وسمعتها بودني امحمد بودني والله
محمد شكاين قولي
ريناد اميرة
محمد مالها اريناد دوي
هي لي خطباتك عند ماماك ماشي سحر وملي جات قلتها ليك باش متفضحش كانت متعمدة وزادت كملاتها حتى خلات خالتو نادية فحيرة دكشي باش ستراتها وسحر معندها تا علاقة تاهي كانت مجبورة توافق على قبل واليديها وخالتو نادية لي حمقاتها سحر وبغاتها ليك
محمد تصمك كيتصنت وودنيه كيصفرو هاد الوقت كامل كان ضالمها وكيجرحها بهضرتو ...وهي مكلفات راسها تتبرر ولا تدافع على راسها
محمد ريناد عارفة اش كتقولي
والله مكنكدب اخويا سمعت كولشي عودات ليه منين سمعاتهم هي وصحبتها ناض كي لعجاجة خرج خلا الكل مستغرب ...
واقف بعيد على الوكالة تابانت ليه خارجة كتعوج وفايحة براسها هازة نيفها لسما قاطعة شانطي ...بتاسم بمكر عافط على فران تاخرج فيها وصوت روايض محكوكين فلارض....

✨يتــــــــــــــــــــــبع
😳😳😳😳😳😳😳قتلها كسيدة سمعتو تكشاااط
اجيو قولو ليا اش غيدير محمد دابا صاف غيولي يبغي سحر واش غتسمح ليه نغنغ متحمسة 😋😂😂