📝قــــــــــــصة رمضــــــــــــانية📝
🌷زواج مدبر🌷
💍البارتي التالت💍
🔥اول رمضان فدار راجلي🔥
بدا يتحط لعشا وناس بدات تشد بلايصها وكاي عرس مغريبي طبلة العريس والعروس والعائلتين ...
نكافة ولدي هز ليها شبكة ..
نادية واش متعرفش تكمل من عقلك
ربيعة عههه را رجال معندهمش مع هدشي
...ساط لهوا من نيفو هاز ليها شبكة على وجها مطولش فيها شوفة رجع كيشوف قدامو ...خداو ليهم تصاور عاد بداو لماكلة اوا وتبركيك امبوغطي دكشي كميرة اكسبريس😂
داز وقت العشا ...جات نكافة تديها تلبسها لبسة البيضة كيف طلبات سحر ...خرجاتها بزغاريت تال دار وسي لعريس رجع بلاصتو كان بدا يبان ضو وناس عياات لي حيحات تاشبعات دابا ولات كي جيفة خخخ ..
جات نكافة دات العريس باش يخرجوا بجوج داكشي لي كان خرجات بكسوة بيضة صماطي كتبري ...افزي من لفوق مع كعب عالي بيض شعرها دارو ليها مشيطة خفيفة مشدودة بتاج من جنب ...طايح عليها سر وقفوها قدام لبرزة كيصورو كل لقطة ونكافة كتوري لعريس كيف يشدها مرة من خصرها تاكعاتو كون مجاتو مراة كبيرة كون ساط فيها ...
جاو سيرفور بحلوة لكريم والعصائر والحلاوي ...دكشي على حقو...وطريقو ..
سي رشيد لي مقصرش فحق بنتو ...وقف على لعرس من طقطاق تال سلامعليكم...
وقفو يقطعوا الكاطو يديها فيديه ...تاوكلها طرف وهي كدالك ...وقف لمصور يلتاقط ليهم صورة ...
نادية ولدي بوسها فحبينها ياخد ليكم صورة
الواليدة من نيتك
نادية عافا وليدي ضحك وطبق لي قلت لك ...سحر سخانة طلعات ليها ...تافف كينفد طلب مو المصور كيصور ....
جاءت لحضة الوداع لي تقلب لعزا ...سحر لي مسخاتش بدارهم وربيعة لي غتوحش بنتها ...ورهف لي مغتلقا فيمن تشد ولا تضااد..
تعانقو وتسالمو ركبوها فلوطو لي ولات معاه راس فراس ساك مكسيري لدارو لي جهزها كيف طلبات منو مو...وصمت سيد لموقف ...وصلو قدام فيلة جنب لبحر صغيرة ونفس لوقت زوينة مبهجة حليه لكارد لباب دخل قدام لباب رئيسي .....ونطق بصوتو الحرش هبطي ..
سحر انا
(بحدة)لا سناا نززلي
نزلات بلهلا يطريه ليها كتنكر ...دخلات لفيلة عجبها تصميمها ...اما هو قلب مكسيري خالي لعجاج وراه ...
خخخ تفو هادا مالو ..دخلات كتسركل ناسية تصرفو دهلات لبيت لي لقاتو مقاد بلورد وزواق وشوميز لي حاطين ليها ...تاففات مشات جيهتهم كتشوفيهم وتفكر هضرة مها ( تصنتي لراجلك طيعيه متهزيش عليه صوتك متعصبيهش وعطيه حقو فلاول غتخافي ولكن صبري ابنتي را لمنعتيه ونعستي الملائكة تبات تنعل فيك)فلاخير هزات شوميز ودخلات لدوش جاردة راسها من كسوتها طلقات لما فالجاكوزي عمراتو بالعطر وبندوشات نتاعشات مزيان تا حسات براحة عاد خرجات ملوية ففوطة لبسات داك شوميز كحل مع سترينغ تاعو دوبياس ...خلات شعرها مطلوق كتافات بكلوص خفيف ومشات جلسات فوق نموسية مكمشة فيها وكتفكر فحياتها زوجية دابا هي مبقاتش حرة ولات مقيدة بزوج ...ولات عندها مسؤولية مبقاش غتخرج على كانتها ولا تلبس على كانتها واخة هو مناقش معاها والو من هدشي...
بقات كتفكر تاغفات غاطسة فنوم عميق ...تاحسات باباب تفرع عليه دخل بعجاجتوا وشعرو لكحل حريري هابط على وجهوا كيتخروع فلمشية...رامي على كتفو لفيست تاع لكوستار....
✨يتــــــــــــــــــــــبع✨
YOU ARE READING
زواج مدبر🍡مكتملة🍡
Romance💎مكتملة💎 #يحــــــــــــــــلل_النـــــشر_شرط لاحتفاظ_بصورة_والمــــــقدمة ♡♡ جيت بالجديد لي وعدتكم بيه قصة رمضانية نسهرو بيها شويا ونفوجو قصتنا قصة بطابع كوميدي بامتياز واخة معرفت كي كتجيكم لكوميديا تاعي ... اكيد درامــــــا 🤭وشويا الخيــــــــا...
