شهوة ملاكم 🔥

8🔥

الجزء 8🫀✨

🔥♠️شهوة ملاكم♠️🔥

غیر قربات لدار سكتات ووصاتها متقول لحد منين خداتها و لا
ثمانها
غیر دخلات طارت لبيت كتعيط لكوتر جات كتقادلها شعرها بلبلاك  دارتليها ميك اب خفیف و انیق هزات البسة لبساتها
کوتر ( كتصفر ) : واااو جيتي كتحمقي اليوم يقيمو عليك هاح على سدر خارج و طرما مطرطقا مك لاطاي موودة
اشراق : بقاتلي فصباط شنو لبس
کوتر : صبري عندي واحد صباط و بوشیط کنت مسلفاهوم على
واحد خيتي
مشات جابتهوم ليها جاو مناسقين مع اللبسة طارت كتبوسها
اشراق : نتي مامنكش جوج
کوتر : و لاتنسايش لخير نهار تخدمي
اشراق : الله اودي شوفيلي مينة فينها راه إلى شافتني خارجا هاكا بربي لاعتبت برا قاليك لبس بودي منيتها
کوتر رآها وسط دار معندك كيف ديري تسلتي ديري حاجا لوحي شال عليك تاتخرجي وحيديه .
اشراق : و فین ندیرو نبقا هازاه
كوتر : لوحيه زعما غتوحلي
اشراق : و فاش نرجع
كوتر : صونيلي نخرجلك واحد خور
اشراق : صاف مشات
هزات وراقها و غطات سدرها بديك شال خارجا كتشوف مينة كتدوي فطيل باينا مع شي كليان
اشراق : هاني مشيت
مجات تجاوبها حتى كانت طارت غير خرجات بالها طاكسي شيراتليه حیدات ساك و جبدات عكار كتعكر و تعاود تاکدات انو وجها مقاد
عطاتو عنوان شركة
عاد رتاحت
حطها طاكسي حدا شريكة نزلات كتمختر لي شوفها من بعيد يقول هیا مولات شركة الوقفا مقادا والمشيا بلعبار ... دخلات دوات مع الغيسيبسيو نعتوليها بيغو ديال السكخيطيغ و الايطاج لي تمشي ليه .
كان تعامل فالمستوى بحكم المضهر ديالها و طريقتها فالهضرة
كتخليك بسيف عليك تحتارمها و تعطيها وقت طلعات ستقبلاتها البنت لي فغيسيبسو
(الحوار بالفرنسية)
ایمان : مرحبا بيك علمني مسيو عصام بلي عندك رونديفو معاه
اشراق : ایکزاکطومو
ایمان : واخا تفضلي
دخلات اشراق مور محلات ليها الباب ايمان
اشراق بون صواغ انا اشراق جيت من طرف الأخت ديالك
بقا عصام كيطلع و يهبط كيسكانيها بعينيه
عصام : وي مرحبا تفضلي كلسي
اشراق بون باش بلا منطولو فوالا ها CV ديالي غنشرحليك كتر علاش ختاريت الشركة ديالكوم و شنو نوع الفوغما سيو لي عندي
عصام : كنضن انا لي خاص نسولك انا لي كنحدد شنو باغي نعرف
اشراق : وي مکاینش اشکال بغيت نختصر عليك الطريق كيف عرفت معندكومش بزاف ديال الوقت لي ضيعوه مع سطاجييغ
عصام : إلى كانو كاع لي سطاجيغ بحالك ماشي مشكيل
اشراق : إلى نتا معندك مشكيل انا عندي حيت الوقت لي نضيعو نقدر ندير فيه شحال من حاجا
عصام : قاصحا مع راسك
اشراق : إلى ساليتي خليني نبدا
بقات اشراق كتشرح كتجنب نضرات ديالو ليها كتهضر باحترافية و و فاطار الدراسة ديالها
عصام : شنو باليك تولي لاسيسطونط ديالي معندك مديري بشي
سطاج يولي كلشي ديالك
اشراق : كنضن البوسط لي انا باغا معندو علاقة زائد كيف ما قتليك مجیتش باش نخدم هدف ديالي نتعلم فقط .
عصام : بلعكس غدي تعلمي شلا حاجات ( غمزها) و تولي إحترافية كاع
اشراق : کنضن غلطت فالعنوان کنسحب الطلب ديالي
وقفات طالع ليها زعاف محملاتش النضرات الشهوانية ديالو و الايحاءات المنحرفة يلاه ضارت باش تمشي هوا يتحل الباب
معتز : مرحبا بيك معانا ... نجحتي فالاختبار
عصام :  كنعتادر منك مي كان لازم دوزي منو
اشراق : كيفاش مفهمتش
عصام : تفضلي كلسي
معتز : باش نحافضو على سمعة الشركة اي واحد دخل هنا كيدوز من اختبار .. الهدف ديالنا كان هو نعرفوك واش بالفعل تستحقي تخدي فرصة ولا عندك نوايا خرين
اشراق ( مصدومة) : اه بون
معتز : وي . دونك مرحبا بيك ايمان غتكلف توريك قسم الحسابات و تعرفك الى الاقسام لي كينين و من غدا تقدري تبداي
اشراق : و بالنسبة لوراق
معتز : هيا غتكلف بكلشي غير تفضلي
        
     مشات اشراق مع ایمان فرحات حيت تقبلات واخا عرفات بلي كان طیست مي واخا هكاك بالداخل ديالها ممرتاحتش لعصام  فضلات متسول على والو حاليا واخا ایمان جربات کاع التحايلات معاها باش تعرف كيفاش وافقو يقبلوها معاهوم و هوما لي كانو مانعين لي سطاجيغ
سالات الجولة الاستكشافية ديالها و خرجات رجعات لدار و عقلها
کیخطط 
دخلات مرفوعا نسات كاع قدية الشال من زهرها مكانتش مينة
فدار
کوثر : امضرا شنو درتي
اشراق (مرفوعة ) : قبلوني
كوتر : و مالك كتقوليها مفرحاناش
اشراق : لا بلعكس غير مشطونة و صاف
کوتر : علاش ملكي
بدات كتعودليها على المقابلة و طريقة تعامل
کوتر : ايوا هانتي يا ختي كون مشيتي فالخط كون ضربو بيك الطر
اشراق : مالي مريضا فراري واخا كون كان عاجبني منبغيش... شتي الرجال عزيز عليهوم الحاجا الصعيبة الحاجا لي يتحكو و يتقهرو
عاد يوصلولها
كوثر : هايهاي صدقتي مسهلاش وقرينا اختي
اشراق : هادشي لي بغات الوقت
کوثر : انا يا صحبتي فاكعني ديك شماتا ديالي مبغا ليتقاد
اشراق و علاش بسالمة شكون خاص يفكع لاخور نتي و لا هوا و إلى عواج قاديه
کوثر : هادي 5 سنين و هوا لعام لي جي يقولي قريب نجي نخطبك و هاد قریب مبغات توصل و زید نعیطلو ميجاوب میسول... کلشي عندو برشوق كون تشوفيه قبل يطير و ينزل غیر باش نتعرف عليه ... دابا دافع عليا كبير ... مرة يكون شاد لخط مرة كيقلب مكتبقاش فاهماه... و فاش كتقوليه ملك مكتسول فيا .... ملك ملك.. ملك معطينيش وقت .. كيقولي باراكا من نكير... دابا واش هادا نكير ...

اشراق : حاجا طبيعية يتعامل هاكا قبل كنتي هدف خاصو يوصليه دابا ضمنك معندو لاش يحمق راسو معاك .. إلى بقيتي هاكا عمرك تحلمي يخطبك ولا يتزوج بيه حيت الرجال بطبعهوم عشاق ملال ... نتي تحليتي.. تقالة زوينة ابنتي نتي كطيري...نتي معطياش قيمة لراسك.. متيقاش فراسك... كتسعاي الاهتمام... كتلصقي كيف لعلقة.. غير حاضياه معندك میدار مقابلاه غیر هوا... بسيف يتجبد عليك .. بسيف طلعيلو فراسو .. عرفتي شنو أكبر غلط کدیریه و کیدیروه اغلبية لبنات و كيقتل الهيبة ديالكوم هوا کترث العتاب و النكير.. كتمضغو فالهضرة لوكلوكلوك فالخاوي معصبة و كطرطقي غير بوحدك ... غير كتنكري كضيعي ديك الهبة ديالك على والو هضرتك كاملة بدون تاثير
کوثر : و شنو ندیر
اشراق : ميكي ماشي هوا محور الكون خاص يحس براسو زايد ناقص .. ديك المحنة و المحبة زايدا بلاش منها .. عزي راسك خليه ديما يحس نتي حسن منو ومواقفاش عليه مشا ز....ل يجي ز...ل الدنيا موققاش على راجل ... كوني بشخصيتك وثيقي فراسك ..ديك 10000 میساج فنهار و کترت لي أبيل منوع .. ملك مكتجاوبش.. ملك كدا ملك هادي ممنوع .. عزها تعزك .. راه شتي غير يعرفك وليتي مقابلاه و هوا محور الكون .. غتزاد فيه ضلعة غتقتلي ديك غريزة المطاردة عندو ... كايكون غادي مزيان معاك غير تقوي لادوز و يضمنك صاف كطفيه
كوثر : كنبغيه أ إشراق ماشي لخاطري 5 سنين مساهلاش .. كنبغي نبيليه الحب ديالي و الاهتمام
اشراق : حيت حمارة كون غير كان يستاهل سید تا حلوة دعشرا دریال مكيتفكرك بيها و قاليك كنبغيه و خليه لاعب عليك العشرة.. مالو هوا مكيقتلش راسو عليك .. غير قوليلي شكون لي خاص يتبع لاخور راكي نتي لي بنت الخرا.. هوا لي خاص يجري موراك.. نتي ملهوفة عليه طبيعي ينخلك حيت عارف فينما يبغيك غيلقاك واجدا بحجة كنبغيه
کوثر : و شنو ندیر
اشراق: بغي نفسك.. قدسي راسك.. تيقي فراسك.. عطي قيمة لراسك .. ديما قولي انا قبل من اي واحد ... شتي إلى ثقتي و بغيتي رتسك كوني اكيدة كلشي غيبغيك ويتبعك حيت الثقة كتخلي عندك شخصية قويا تاحد ميقدر يديرك تحت صباط شكون ما بغا يكون
کوثر : کيندير نتيق فراسي
اشراق ( تنهادات) : الثقة فالنفس كاتجي من دوك التجارب لي كندوزو منهوم من تجربة فاشلة من غدر و مصائب دازو عليك و تجاوزي المسألة من مواقف حسيتي فيهوم بالحكرة و جمعتي راسك وقفتي على رجليك ... من مشكل طحتي فيه او باطل ترمى عليك و تبتي نفسك و دافعتي على راسك و بينتي حقك ... كتجي
راسك وقفتي على رجليك ... من مشكل طحتي فيه او باطل عليك و تبتي نفسك و دافعتي على راسك وبينتي حقك ... كتجي من أشخاص قدرتيهم وقلتي عمرهوم يخليوك و ناضو غضروك و باعوك فرمشة عين و لكن نتي خديتي درس و تعلمتي ماشي لي جا نربي عليه الكبدة و نتيق فيه ... راه من هاد المواقف و تجارب كاتجي الثقة فالنفس و كتعلمي معنى تقدير الذات... تعلمي تقبلي نفسك و تبغيه كيفما نتي .. عمرك تقولي انا خايبة انا شعري حرش انا معنديش لاطاي ... انا فيا الحب فيا لي طاش فيا كدا.. هادا أكبر غلط... يقدر الشخص لي معاك ميركزش فهاد تفاصيل مي حيت نتي كل مرة كتشكاي كتبينيلو انو مراضياش على نفسك ممتقبلاش راسك... كيولي هوا براسو كيشوفك بنظرة ناقصا.. شتي كليوباترا ماكانتش زوينة ، كانت جذابة ... واستعملات جاذبية دیالها و صیدات انطونیو ... وا خدمي نتي داك الجاذبية... خدمي ثقتك فراسك و عزة نفسك .. خلي شخصيتك قوية للانو نتي كتستحقي الافضل...

نتمنى تاخدو عبرة من كوتر و كيما كنقولو عزها تعزك ❤️🔥
كنبغيكم بزاااف و سمحولي كن تعطل عليكم 🙏🦋قصة مزال فالبداية ديالها و مشوقة بزاااف ⚡متنساوش تعطوني أرائكم و ديرو شي نجمة ⭐❄️