خزامي : شكو يولو منهو هذول العرب الجو وشبي شاكر وشنهي هاذ الفشگ فهمونه يابه گلوبنه ورت
عزت : مو راح شاكر على گاعتنه الي بالبحيره
يشوف حال الناس وذا احد يحاجيهم ويمر بيهم
واصل غادي متكاون ويه هذول الجماعه
وضاربين شاكر فشگ وهو ضاربهم مدافع عن نفسه وعن الي ويا ومصوب واحد منهم
انهزمو من غادي ما گدرو لشاكر واجو علينه هادين
زعم هين راح يگدرون
احنه بالشغل واجانه الخبر هادين عالبيت
ابو النشمي وصل گبلنه
يحاسبهم على هدتهم عالبيت
واحد منهم سحب سلاحه وحطه براس ابو النشمي
وتلاوو عالرشاش وثارن الفشگات
وگضبه ابو النشمي گطعه تگطع
اجه ابويه عاد والتمو اهلهم الكباريه طلع محد يندل بيهم من جونه هادين انجتلو جتله تسوه عمرهم
خزامي : عجل شلون هاذ المصگوع اجه گال عمي شاكر جاتل زلمه وابويه راح يسلم نفسه بمجانه
خله حرمة شاكر تنهبل وتفحط
نشمي : منهو گال
خزامي : هذاك الوراك ابو عيون البيض
نشمي : تعال اني جم نوبه مبلغك تبطل لغف وجذب
ديالا : نشمي شال اخو من فانيلته وعلگه بالجنگال
يستاهل هبطني ردت اموت
خزامي : هسع وتالي شصار
عزت : تالي ابويه هسع يم الكباريه الجماعه يريدون حگ ابنهم واحنه نريد حگ دوسة البيت وصيحة النسوان
ديالا : همه يحجون وصياد لازم راسه
ومغمض عيونه فات عرب مذعور
عرب : الحگ ابو نشمي هاذ ابويه يريد يجيب شاكر ويكسر ايده جدامهم
ديالا :لزمت گلبي شهگت وسديت اثمي
فز صياد طلع بره
قرفصت وحطيت راسي بين رجليه وابجي
انوب يكسرون ايده ليش عبن دافع عن نفسه
شويه واجو كلهم الشيخ لازم صياد من ايده فوته جوه
علوان : يول انته شو ما عاد تحترم لا جبير ولا زغير
شلون تخنگ الزلمه وهو اخو متصاوب ويريد حگه
انته ما ترتاح الا تحط اخوتك كلهم جوه التراب مشعل دفنته وشاكر جان ابتله وراح دمه
بعد ما الك حجه بيع هاي الگاع وخلصنه من شرها
ديالا : قلص عيونه صياد وجان يگف گدام ابو
وعيونه تلهب
صياد :لو اندل تظل تالينه مره ما ابيع شبر واحد من الگاع الأرض مثل العرض ما ينباع يابه
شنهي الي مسوي اني غلط گاع غرگها المي انطيتها في سبيل لله للناس اترزق منها ويجون غيري من فوگ علو يطردون الناس عنها ليييش
والله ما تفوتلهم دوسة هاذ البيت وصيحة النسوان
بالحرام الا اسحلهم من شواربهم وانعل هيداهم لابو الي يطلع وراهم وشاكر ما تنكسر ايده الي يجوسه املص رگبته
YOU ARE READING
عرين الصياد
Actionقصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
الفصل 29
Start from the beginning
