​ကောင်းမွန်တဲ့ဘဝနဲ့ အမျိုးသမီးဇာတ်ပို့

အခန်း-၂

ချီယွဲ့အမ်သာ ဝေမိသားစု၏ အကူအညီကို စောစောရမယ်ဆိုရင် သူ့ရဲ့ မင်းမှုထမ်း အနာဂတ်လမ်းမှာ သေချာပေါက် ချောမွေ့နေပြီဖြစ်သည်။

သူမရဲ့ ဉာဏ်ကောင်းသည့် စစ်မေ့က သူမဆိုလိုချင်တာကို နားလည်မယ်လို့ ယုံကြည်၏။

လွမ်ရှီက ရုတ်ကနဲ နားလည်လိုက်သည်။ လွမ်စန်းညန်က ဘာလို့များ သူခံစားချက်တွေ ထုတ်ပြောတာလဲဆိုပြီး တွေးနေမိတာဖြစ်သည်။

ဆိုတော့ သူမက ဒီအတွက် စောင့်နေတာကိုး။ သူမနှလုံးသားက အနည်းငယ် နစ်မြုပ်သွားသည်။ လွမ်စန်းညန်က ပြန်လည်မွေးဖွားလာပြီးတော့ မူလကိုယ်ပိုင်ရှင်က သူမ လက်မထပ်ခင်အထိ တိတ်တိတ်လေး သိုဝှက်ပြီးနေနေရသည်။ သူမရဲ့ လုပ်ရည်ကိုင်ရည်တွေက လူမှုအဖွဲ့စည်းရဲ့ သတ်မှတ်ချက်တွေနှင့် သာမန်သာလို့ ထင်ကြပြီး သူမရဲ့ ဖုံးကွယ်လို့မရသည့် အလှကိုပဲ လူတွေက မြင်သည်။ သို့ပေမယ့် တစ်ဘဝစာအတွေ့အကြုံကို ရထားပြီးသည့် လွမ်စန်းညန်ရှေ့မှာတော့ လိမ်ညာလို့ မရနေပေ။ ရူးချင်ယောင်ဆောင်ဖို့က အချည်းနှီးပင်။

မူလကိုယ်ပိုင်ရှင်၏ မှတ်ဉာဏ်အရဆို မူလကိုယ်ပိုင်ရှင်က အရမ်းကို ဉာဏ်ကောင်းတာကို သူမ သိရသည်။ အိမ်ထောင်မှု ထိန်းသိမ်းသည့်နေရာ ဉပဒေနှင့် စည်းမျဉ်းစည်းကမ်းကို သိရှိနားလည်သည့်နေရာ၊ ဗျပ်စောင်း၊ စစ်တုရင်၊ လက်ရေးလှ၊ ပန်းချီနှင့် ပန်းထိုးသည့်နေရာတွေမှာ အရမ်းကို တော်သည်။ သို့ပေမယ့် သူမရဲ့ခင်ပွန်းနှင့်သားတွေကို သင်ပြသည့်နေရာမှာပဲ သူမအရည်အချင်းကို ပြသတာဖြစ်သည်။

သူမက သူမရဲ့အရည်အချင်းနှင့် ကျွမ်းကျင်မှုတွေကို မတော်သည့်ဟန်သာ ပြဖို့ ရွေးချယ်ထားသည့် ပြိုင်ဘက်ကင်းအလှ ဖြစ်သည်။ ဘာလို့လဲဆိုတော့ တုံးအပြီး မတော်သည့် မိန်းကလေးတစ်ယောက်က အန္တရာယ်တွေကို ရှောင်ရှားနိုင်လို့ဖြစ်သည်။ ကံမကောင်းစွာနှင့်ပဲ ထိုအရာတွေအကုန်လုံးက သူမနှင့် ဝမ်ထျန်းကျိုးရဲ့ လက်ထပ်သဘောတူညီမှု ရှိလာချိန်မှာ အကုန် ပြောင်းလဲသွားသည်။

သူမရဲ့တရားဝင်အမေက စိတ်ထဲမှာ အရမ်းကို အုံကြွသလို ခံစားနေရမည်။