انت حتى بروحتك كلش حنين
چن حمامة وسافرت گبل الفجر .
ٕ
ٕ
ٕ
غياهب الغانِيَات
بقلمي
( ريــــبـال)
لاتنسون التصويت والتعليقات بين الفقرات
____________________________
ٕ
ٕ
ٕ
كاعده اني وبدلتي البيضه ومسكه الورد والقرآن الصغير بـ أيدي احس بتوتر خوف فرح حزن كلشي كل المشاعر خابطه عندي حسيت عله أيد تعدل شعري رفعت راسي افراح ابتسمت وعيوني مليانه دموع
فرح همست.. ماما الصغيرة
ابتسمت وحضنتني ااخ شلون راح افاركهم
افراح.. هاهيه فرح راح تعوفينه وتروحين متكعدين ويانه نروح للمدرسه ولاتنكين عليه واني نايمه ونتعارك
سكتت تشهك واني دموعي غركتني
افراح.. خـ** بيك يمــان الخايس اله يصير زلمه وياخذج
ضحكت امسح بدموعي وهيه مثلي
ضحى.. خرررربتتتت المكياااج ولكممم
فرح.. شبيج اسم الله
ضحى.. ليش هيج فرح ليش بنييننن اوكفي خل اصيحلها
طلعت شويه ورجعت وياهة بنين
بنين.. شكد مچلوبه
افراح.. شوو تعااي صارلجن ساعه ترزلن شتردين هااا اختي عرووس بعدد مااشوفهةة هوااي ماتعيش ويانه حقهة تبجي شنوو تموت روحهة من ورة جرة هل قلمين بنين جرري عدل لااكل الأســـد عليجج والله
بنين.. اي صح حقهة اصلا اني هم بچيت بعرسي عادي
افراح.. اي عفيه
وكفتلهة تعدل بوجهي واني ميته ضحك والله ياسوالفج ياافراح
سمعنه صوت الهورنات والموسيقى التعلن عن وصولهم باوعت بوجه بنين ارجف
بنين.. اهدي ياعمري شبيج
دنكت ساكته كملت وراحت شويه وفاتو يهوسون
.. واليوم معرس ضلع من ضلوعي
.. مهنة بعرسك يا ماي عيوني
اصوات هوساتهم والهلاهل تركع بـ أذني واني مدنكه حته راسي مارفعته
اله من سمعت صوت الياخذ روحي يعلن عن فوته
الأســـد.. يالله
باوعت عليه عيوني مغوشه من الدموع فات لابس الدشداشه البيضه ولاف الشماغ الأسود وشكله كله هيبه عبالي بس هو راح يسلمني اله بس لا
دموعي نزلن ماكدرت الزمهن اكثر واني اشوف اخواني خمستهم يمي الأســـد نمــر أڪبر آســر أسيــد
تقربت بنين غطتني بالكاب ويمــان واكف بصفي
اول واحد تقرب عليه أسيــد حضني عله كلبه
YOU ARE READING
غياهب الغانِيَات
General Fictionفتاه تـعيش حياتها البسيطه المليئة بالآلام تحرم مـن حنان الأب... يشاء قـدرها لترتدي ثوبها الأبيض بعمَــر لا يـتجاوز الثالث عشر تحصل علـى العــوض في زوجها لتردد له جـمل سكنت قلبي... (انت نعمه من الله)(هو علمني عله الدلال) تنجب أسـدها ويليه خمــسه أسـ...
