گعد عالجربايه يدحگ عليه ينتظرني اكمل
واني مستمره اطلع ملابس والبس حسيت بطني وجعتني غلست وزاد الوجع
ضهري احسه انكسر من النص
گمت اشيل بروحي وارجد
صائب گام لزم وجهي يگلب بيه يريد يفتهم شكو واني لازمه بطني اصيح واتزگلب على كبر الحجره گتله نادي سعاد امانه ناديهاا
سعاد : اجاني صائب طاير فوگ الگاع
صائب : سعاد امشي شوفي ليال
عليج الله مدري شبيها
سعاد : لزمت گلبي ورحت ويا شبيها ليال
طبيت شفتها بطرگ الأتگ
وتشيل بروحها وترجد لازمه بطنها
ركضت لزمتها شبيج يولي
ـ جاوبتني وهي تصيح
ليال : بطني وضهري يوجعني راح اموت
سعاد : هسع اني شفتهم منها خن نوديها عالطبيب
صائب : ولميها بساع عليج الله هسع اشغل السياره وارجع اشيلها
سعاد : طلعت دشداشه تا البسها
حطيتها براسها وهي مستمره تصيح
يربي شبيها هاي انتهبت طالع منها دم
حطيت ايدي على اثمي
يولي هاي طالع منج دم تنزفين لو اجتج العاده
جاوبتني وهي تبجي
ليال : شنهي عاده
سعاد : يا فينت الحظ هاي اجتها العاده توها
وما تعرف عاد الا بهاليوم يمثبوره
صائب : ها اشو ما كملتيها يالله فضيني خن نوديها
سعاد : ستحيت منه يربي هاذ شلون اگله
صديت على ليال گتله اخوي هاذ مرض نسوان
صائب : مرض نسوان شنهي يمعوده
ما ادحگين البنت تزگلب
سعاد : طبت شكحه على صياح ليال وجان تخوصر
شكحه : شبيها المسعده
صائب : اتزگلب مدري شبيها
وسعاد تگول مرض نسوان
شكحه : يعني هاذ الصريخ كله عبن اجتج العاده عجل لو تطلگين شتسوين تلمين علينه العرب الحمد لله والشكر انوب مصلخه گرة عين رجلج
سعاد :گالتها وطلعت
وصائب ظل متخوصر فتهم ليال شبيها
ليال : روحي تريد تطلع وهذول يحجون
هيه شنهي عاده راح اموت يمعودين
سعاد :رحت جبتلها ملابس من عندي
شالها صائب عالحمام وهيه بعدها تزگلب
غسلتلها ولبستها ملابس
يولي يعني مجانت تجيج گبل
جاوبت وهي تبجي
ليال :لااا
سعاد :هاي احنه النسوان كلنه تصير عدنه
وكل شهر تجي لا تخافين
علمتها شلون اداري نفسها
هسع روحي حطي اصبعين بالطحين
YOU ARE READING
عرين الصياد
Actionقصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
الفصل 27
Start from the beginning
