فاتن : البنيه ما تريد خوما نجبرها والله اذا ابن ملك هم ما اقنعها علي وزعم انته تريدلها الخير مو يعيني عليك ابو گلب الحنين
حميد : منهو جابرهاااا مو بأذنج سمعتيها گالت موافقه انتو جاي تگفون بطريق البنيه واني احجي لمصلحتها منهو يگول يجيها نصيب اخير منه
عماد : كافي سدو الموضوع فاتن لا تعبين نفسج ويه حميد صحتج اهم من عنده گومي نفوت جوه ترتاحين هاذ النقاش ويا عقيم
حميد : والله انتو النقاش وياكم عقيم ونشوف وين يوصلنه رفضكم
امل : عفنه حميد بره يحجي ويه روحه وطبينه جوه
ديالا : طبت عليه امي ورزلتني شلون اگف گدام اخواني واگول موافقه اريد اتزوج
ما خلت عليه بالحجي غمتني وطلعت
اني بوضع نسيت العيب كل همي جان اخواني ابونه مو موجود صار جوه التراب ما عندي عشيره ولا عندي عمام غير واحد
ومحد يعرف اراضيه وين ميت لو عايش
طلعنه من الدنيا هب بياض وصفينه على ثلاث اخوان
عماد الفاهم والي شايل حمل البيت كله وحميد ابو المشاكل الي ما يگدر يضب السانه وجاهد الطفل الي بعده مو فاهم الدنيا شنهي وامي ماكله هم شلون اگول اريد اتزوج
موقف اليوم من هجمو الناس على اخواني
واستگوو عليهم هاذ ما انسا بحياتي
احنه بنات ما بدينه شي لو كونه لناس بعمرنه وبالمدرسة اخذ حگي وزياده
بس هذول زلم كبار واحد يسوي مني خمسه
ارتعبت وخفت واني ادحگ اخوتي ختفو جواهم
عماد وحميد سباع بس الكثره تغلب الشجاعه
لوما صياد الله جابه
جان محد يعرف شصار
ومثل ما گال نروح بالرجلين
مستمره افتر بالحجره احجي ويه نفسي
واقنع بروحي وليال ادحگ عليه
عيونها مغورگه وكل شوي تگلي لا تزوجين
تبجي وتفرك بعيونها وتعصر بأديها
ليال : سولفي شي يمعوده لا تسكتين اسمعي مني لا تزوجين كلهم جذابين من يگولون الزواج حلو جذابين والله احسلج ظلي يم فاتن ولا تجين يم حميد وصبره
ديالا :ما گدرت احجي شي
گلبي انفطر وعقلي مشتت منا بالي يم حيدر
ومنا عماد وهسع ليال مبينه من رد فعلها شايفه الويل من حميد وصبره وصائب
حضنتها گامت تشاهگ وترجف
امل : اسمع صوت البجي من حجرة البنيات فتت عليهم شفت ليال مسويتها مناحه وديالا ساكته
رحت يمهن وگامت ليال تمسح بعيونها ولازمه گلبها تريد تسكت بس شهگاتها تمنعها
ليال : امل احجي ويه ديالا لا تخلينها تزوج امانه
امل : ما تزوج عماد ما يخليها كافي تبجين مو زيلج
YOU ARE READING
عرين الصياد
Actionقصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
الفصل 25
Start from the beginning
