حب نتيجة خطا طبي (تتمة)

الجزء مئتين و ثمانية و عشرون

حب نتيجة خطأ طبي
#بارت228♡♡

معاذ لي سمع هادشي لي قالت زينب فالاول متيقهاش..

معاذ: زينب اش هاد الهضرة كتقولي.. تيقتوه باينة غير كيكدب عليهم نتوما متيقينو...

إدريس: لا اولدي مكنكدبش إلى متيقتيش هاهما التحاليل ديالي قراهم وغتعرف..

معاذ ضحك ضحكة استهزاء: وشكون ضمن ليا متكونش مزور دوك التحاليل..
رانيا بصدمة: معاذ! شنو تتقول؟

رافض تماما يتقبل ديك الفكرة عقل كيقوليه تيقو وعقل آخر كيقوليه لا..

إدريس:معاذ انا مغاديش توصل بيا لدرجة نكدب فمواضيع بحال هادو هادشي مفيهش الضحك...

معاذ: وخا.. دبا غتمشي معايا لعند الطبيب لي انا غنختارو وغدير تحاليل جداد وإلى طلع هادشي كامل كدوب عمرك باقي تفكر تشوف وجه شي واحد منا.. وحتى حفيدك بلا متحلم تشوفو...

إدريس بصدمة : كفاش حفيدي واش رانيا حاملة..

دار عندها هبط عينيه لكرشها وابتسامة عريضة مرسومة على شفايفو ديما متمني يشوف ولدو داير حتى هو دار ديالو و يشوف حفايدو..

معاذ مشا سبقو للطموبيل إدريس تابعو بقاو غير العيالات بوحدهم...

حفصة: رانيا غتكوني عييتي دخلي ارتاحي دخلي.. اه مقلتيش ليا اشنو قاليكم الطبيب..
رانيا(فرحانة): قالينا بلي عندي ولد..

كلهم فرحو منين سمعوها تلاحو عليها يعنقو ويبوسو.. دخلو الداخل ارتاحو بينما جاو...

نخليوهم ونمشيو للفيلا العمراني...
عند زمرد جالسة فالصالون حدا منصف والبيسي وسط منهم كيوريها شي حوايج و طريقة الخدمة حيت قالت ليه بلي هي باغة دير مشروع خاص بيها وبغا يوريها كفاش غتبدا وكفاش غادي دير طريقة الخدمة ديالها..

منصف لي تشاورات معاه وقالت ليه بلي مبغاتش تبقا جالسة فالدار بغات دير شي حاجة ومعارضهاش بالعكس كان اول واحد يشجعها ويوقف معاها وهادشي لي مفرحها...

منصف: نخليك دبا عندي اجتماع حتى لمرة خرا..

ناض منصف لبس جاكيط تاعو سلم على زمرد وهز سوارت طموبيلتو وخرج.. اما زمرد جاها الملل و ناضت مشات الفوق...

دخلات لبيتها هزات التيليفون صونات لسارة ابيل فيديو لقاتها باقي ناعسة..

زمرد: ويلي باقي ناعسة واش عارفة شحال فالساعة؟

سارة: بيخير حمد لله ونتي لاباس عليك... مالكي داخلة هاجمة عليا؟

زمرد: فايقة كتخلعي.. قولي ليا

سارة: امم شنو

زمرد: دبا نتي شديتي ديبلوم تاعك و شنو غديري؟ واش غترجعي للمغرب ولا غتخدمي تما ففرنسا؟

سارة: واقيلا غنخدم هنا معرفتش صراحة باقي تالفة ونتي؟
زمرد: تانا بحالك.
سارة: اجي نسولك؟ علاش امجد ديما هنا ففرنسا علاش مكيجيش المغرب بزاف حتى فرأس السنة دوزو بوحدو..

زمرد معرفات متقول ليها..

زمرد: علاش نتي فين شفتيه؟
سارة: راه ساكن بنفس البلاصة فين ساكنة انا وقاليا بلي عندو شي مشاكيل مع العائلة بحال هكا.
زمرد: ااه بصح معرفتش يمكن غير الخدمة وصافي.. مهيم نخليك دبا باي باي سيري تفطري...

قطعات عليها دغيا خلات سارة مفاهمة والو...

#يتبع...