ဟောင်ဖန်း က သူ့ရဲ့ လေးနက်တဲ့ မျက်နှာပေါ်တွင် အပြုံးတစ်ခု ပေါ်လာပြီး
"ရွှယ်ယွဲ့၊ ပြဿနာ မရှာနဲ့"
ရွှယ်ယွဲ့ က မကျေမနပ်ဖြင့် ဆက်၍ ပွတ်သပ်သည်။
{"မင်း ထွက်သွားတုန်း က မင်း ငါ့ကို မခေါ်သွားဘူး!"}
ဟောင်ဖန်း က သူ့မျက်နှာကို ပွတ်သပ်ပေးလိုက်သည်။
"ဒါက စီးပွားရေး ကိစ္စ သက်သက်ပါ။ အန္တရာယ်မရှိပါဘူး။ မင်းက အခုမှ ရေချိုးပြီးတာလေ၊ မင်းရဲ့ အမွှေးတွေ မခြောက်ပဲ မပြသ် မထွက်သင့်ဘူး။ အိမ်မှာနေတာ ဘယ်လောက် ကောင်းလဲ"
"ဟမ့်" ရွှယ်ယွဲ့ က အော်လိုက်သည်။ "ငါ မင်းနောက် ကို လိုက်ချင်တယ်။ မင်း ငါ့ကို ကတိပေး။ နောက်တစ်ခါ မင်း အပြင်ထွက်တော့မယ်ဆို ငါ အိပ်ပျော်နေရင်တောင် မင်း ငါ့ကို နှိုးရမယ်!"
ဟောင်ဖန်း က ကူကယ်ရာမဲ့သွားသည်။
"ကောင်းပြီ၊ ငါ မင်းကို ကတိပေးတယ်။ အရှေ့က ဖယ်ပေးပါ"
ရွှယ်ယွဲ့ ကျေနပ်သွားသည်။ ထပြီး အနောက်ဘက်သို့ ဆုတ်သွားသည်။ ဟောင်ဖန်း က သူ့ဖိနပ်ကို ပြောင်းစီးလိုက်ပြီး သူ့လည်ပင်းတစ်ဖက် ကို ပွတ်ပေးလိုက်သည်။ သူက သူ့ဝတ်စုံ ကို ပေါ့ပေါ့တန်တန် ချွတ်လိုက်ပြီး ဆိုဖာပေါ် ပစ်ချလိုက်သည်။ ရှပ်အင်္ကျီအဖြူရဲ့ အပေါ်ဆုံး ကြယ်သီးကို ဖြုတ်ကာ လည်စည်း ကို ဆွဲချွတ်လိုက်သည်။ ရေတစ်ခွက် လောင်းထည့်လိုက်ပြီး ဆိုဖာပေါ်ထိုင်ကာ တစ်ငုံသောက်၍ အသက်ရှုလိုက်သည်။
ရွှယ်ယွဲ့ က ဆိုဖာ အနောက်တွင် လှဲလိုက်သည်။ ဟောင်ဖန်း ပခုံးဘေးရှိ ဆိုဖာအစွန်းတွင် ခေါင်း တင်ထားကာ စိမ်းပြာရောင် မျက်လုံးတွေ ကို မျက်တောင်ခတ်လိုက်သည်။
"အားဖန်း၊ မင်း မပျော်ဘူးလား?"
ဟောင်ဖန်း က ရွှယ်ယွဲ့ရဲ့ ခေါင်းကြီးကို တိတ်တဆိတ် ပွတ်သပ်လိုက်သည်။
"မဟုတ်ပါဘူး"
ရွှယ်ယွဲ့ က ဒေါသတကြီး ခေါင်းကို လှည့်လိုက်သည်။
"လူလိမ်။ မင်းက ငါ့အသိဥာဏ် ကို စော်ကားနေတယ်လို့ ငါ ခံစားရတယ်။ ငါ က ဉာဏ်ကောင်းတယ်လို့ မင်းကို ပြောခဲ့တယ်လေ"
YOU ARE READING
အပင်စနစ်နဲ့အတူ သားရဲကမ္ဘာသို့ ကူးပြောင်းသွားခြင်း (ဘာသာပြန်) COMPLETED
RomanceThe Interstellar' expert plants tamer Chapter 111(+Extra 3)= 114 ရှဲ့စန်း သည် ကမ္ဘာပျက်ကာလအတွင်း Zombie အကိုက်ခံရပြီး သေဆုံးသွားခဲ့ပြီးနောက် သူ၏အပင်စနစ်နှင့် သားရဲဂြိုလ်သို့ကူးပြောင်းသွားခဲ့သည်။အသက်၁၈နှစ်ပြည့်ပြီးသော်လည်း ဆက်နွယ်သားရဲမနိုးထလာခဲ့...
Chapter 114: Extra Three
Start from the beginning