နန်းလွန်း ရင်တွေ ပူလာသည်...အတွေးတွေသည် ချက်ချင်းပင် ခေါင်းသေးသေးလေးထဲ နေရာယူလိုက်ပြန်သည်။
ဟင့်အင်း...မဟုတ်ဘူး နန်းလွန်းနောင်...
မောင်က...မောင်က ငါ့ကို ယုံတာ
ဟုတ်တယ် မတွေးစမ်းနဲ့...နန်းလွန်းနောင်
နန်းလွန်း စိတ်ထဲတွင် ပြောနေမိသည်။ထို့နောက် လှိုင်ထိပ်ထားစံသည်...
" မင်းကို တကယ်မချစ်လို့လေ!! "
" မင်းက သိပ်အပေါစားဆန်တာပဲ!! "
" ကိုယ့်အဖြစ်ကို ကိုယ်မသိဘဲ...
ဇွတ်တွေ လိုက်ကပ်နေတာ "နန်းလွန်းကိုယ်လေး တစ်ချက်တုန်သွားလေသည်...လှိုင်ထိပ်ထားစံ မြင်လိုက်မည်တော့ မဟုတ်။အပေါစားဆန်သည်တဲ့လေ ကျနော့်ကို...ဒီမိန်းမကများ။နန်းလွန်း အံကိုကြိတ်လိုက်ကာ...
" ဟုတ်လား...
မောင်ကတော့ အဲ့အပေါစားဆန်လွန်းတဲ့နန်းလွန်းနောင်ကို သိပ်ကို...သိပ်ကိုချစ်ပါတယ်တဲ့ "" တကယ်လို့ မောင်မချစ်ဘူးဆိုလည်း...
နန်းလွန်းနောင်က ဂရုစိုက်ရမှာလား "" မောင့်ကို ချစ်တယ်ဆို...
ရရင် ယူသွားလိုက်လေ ကြိုးစားကြည့်ပေါ့ "နန်းလွန်းသည် လှိုင်ထိပ်ထားစံအား လှောင်ပြုံးလှလှလေးပြုံးပြ၍ ပြောလိုက်လေသည်။ဘယ်ကိစ္စမဆို အတွေးများလွန်းသော ကောင်ငယ်လေး...မောင် ထားသွားမည်ကို သိပ်ကြောက်တတ်သည့်ကောင်ငယ်လေး...သိပ်ကို အားငယ်တတ်သည့် ကောင်ငယ်လေးသည် သူမဟုတ်သည့်အတိုင်းပင်...။
ပြောင်းလဲမှုတွေတွင် ခွန်စိုင်းမောင်သည် သူ့အဖိုးတန်လေးဆုံးရှုံးရမည်ဆိုး၍ မြိုသိပ်တတ်သော လူတစ်ယောက်အဖြစ် ပြောင်းလဲသွားသည်ဆိုလျှင်...နန်းလွန်းနောင်သည်လည်း မည်ကဲ့သို့ ပြောင်းလဲသွားမည်နည်း။
" တောက်စ်!! ကိုယ့်ကိုယ်ကို သိပ်အထင်ကြီးနေတာပဲ...ဟုတ်ပြီလေ ဒို့ရအောင် ယူပြမယ် "
လှိုင်ထိပ်ထားစံ ဒေါသတကြီး ပြော၍ လှည့်ထွက်သွားလေသည်။
နူးညံ့အားနည်းလွန်းသည်ဟု ထင်ခဲ့သော နန်းလွန်းနောင်ဆိုသူမှ ကျွန်မအား ကြည့်လာသော မျက်လုံးဝိုင်းဝိုင်းမှ စူးရှသောအကြည့်...ပြောသမျှယုံသော ရိုးအလွန်းသည်ဟုဆိုရမည့်ကောင်လေးမှ ကျွန်မအား အပေါ်စီးမှနေ၍ ပြောလာသော စကားများ...။ကျွန်မ တစ်ဖက်လူကို သိပ်ကို အထင်သေးနေမိခဲ့တာပဲ...ထိုနူးညံ့မှုလေးသည် ကြောင်ငယ်လေးမှ ကျားရိုင်းတစ်ကောင်နှယ်ပင်။
![](https://img.wattpad.com/cover/328032841-288-k577846.jpg)
အပိုင်း ( ၇ )
Start from the beginning