လျှိုရှီခွမ်းရဲ့ အခြွေအရံမိန်းကလေးက လျှိုရှီခွမ်းအနားကို တိုးကာပြောတယ်။
"ငါပြန်လိုက်တော့မယ် ရှီခွမ်း.."
ဆံပင်တွေကို သပ်ရပ်အောင်ပြင်ဆင်နေတဲ့ လျှိုရှီခွမ်းက သူ့ကို ခေါင်းညိမ့်ပြုံးပြတယ် ။
လျှိုရှီခွမ်းရဲ့ အခန်းဆောင်ကနေ ပြန်ထွက်သွားတော့မယ့် သူနဲ့ လျှိုရှီခွမ်းရဲ့အခန်းဆောင်ထဲကို ဝင်ရောက်လာတဲ့ အရှင့်သား။ ဘေးချင်းယှဥ်ကာ ဖြတ်သွားတော့မယ့် အခိုက်အတန့်မှာ လက်ကောက်ဝတ်တစ်ဖက်က တင်းရင်းစွာ အဆွဲခံလိုက်ရတယ်။
"အရှင့်သား.."
အရှင့်သားက လျှိုရှီခွမ်း ရှေ့မှာတောင် သူ့ကို မရှောင်တော့..။
"မင်းက ငါ့ကိုမမြင်တာလား"
မြဲမြံစွာ ဆုပ်ကိုင်ထားတဲ့ လက်ချောင်းတွေကို သူဖယ်ခွာလို့မရ။
"မြင်.. မြင်ပါတယ် "
အနောက်မှာ ရှိနေတဲ့ လျှိုရှီခွမ်းကို သူလှည့်ကြည့်တော့ လျှိုရှီခွမ်းက မျက်နှာပျက်သွားတယ်။
"မြင်တယ်ဆိုရင် ငါတစ်ယောက်လုံးလာတာတောင် ဘာကြောင့် ဂရုမစိုက်နိုင်ရတာလဲ"
သူ့အနောက်မှာရပ်နေတဲ့ လျှိုရှီခွမ်းကို အားနာတာရော၊ ရဲရဲတင်းတင်း စိုက်ကြည့်နေတဲ့ အရှင့်သားကိုကြောက်တာရော ပေါင်းပြီး မျက်လုံးတွေက ပြာဝေလာတယ်။
"ငါမေးနေတာ ဖြေလေ.."
မူးနှောက်လာသည့်ကြားမှ အရှင့်သားက သူ့ပခုံးနှစ်ဖက်ကို လှုပ်ခါရမ်းလိုက်တာကြောင့် သူ့မြင်ကွင်းဟာ မှောင်လျက်သားဖြင့် ပိတ်ကျသွားတယ်။
"ဝမ်ရိပေါ်.. " "ရိပေါ်.. "
.
.
အိပ်ရာပေါ်မှာ အိပ်စက်နေတဲ့ ဝမ်ရိပေါ်ရဲ့ လက်တစ်ဖက်ကို သမားတော်ကြီးကကိုင်ရင်း သွေးကြောလေးတွေကို ဖိစမ်းနေတယ်။ ထူးထူးခြားခြား ခုန်လှုပ်နေတဲ့ သွေးကြောအမျှင်လေးကြောင့် သမားတော်ကြီးက စိတ်ထဲမှာတော့ ဇဝေဇဝါ။
စမ်းသပ်မှုကို စောင့်ကြည့်နေတဲ့ အရှင့်သားရှောင်းကျန့်နဲ့ ကြင်ယာတော်လောင်းလျှိုတို့ကြောင့် ဟန်မပျက်အောင်ထိန်းပြီး ကြင်ယာတော်လောင်းဝမ်ရဲ့ လက်တစ်ဖက်ကို အသာပြန်ချလိုက်တယ်။
CITEȘTI
𝐒𝐭𝐚𝐫𝐞 & 𝐒𝐢𝐧 [Completed]
Fanfiction𝐈𝐧 𝐚 𝐦𝐚𝐠𝐢𝐜𝐚𝐥 𝐰𝐨𝐫𝐥𝐝, 𝐭𝐡𝐞𝐲 𝐟𝐞𝐥𝐥 𝐢𝐧 𝐥𝐨𝐯𝐞 𝐢𝐧𝐜𝐨𝐫𝐫𝐞𝐜𝐭𝐥𝐲. Warning ⚠️ - male pregnant - fantasy story Started date - 1/7/2022 Ended date - 7/1/2023
![𝐒𝐭𝐚𝐫𝐞 & 𝐒𝐢𝐧 [Completed]](https://img.wattpad.com/cover/271337480-64-k813719.jpg)