I Matched 100% with Six Alphas! (Alpha 6ယောက်လုံးနဲ့ 100%ကိုက်ညီနေတယ်!)

Ch.(11.2)

Unicode

ကီလီယာသည် ချင်ယိနှင့် စကားစမြည်ပြောနေသေးသည်။ သူသည် အဖွဲ့၏ချန်နယ်တွင် မပါဝင်ချင်သော်လည်း သူမောင်းနှင်နေသည့် အာကာသယာဉ်ဟောင်းတွင် ထိုလုပ်ဆောင်ချက် လုံးဝမရှိပေ။ "တကယ်တော့ လည်ပတ်ဖို့ အများကြီး လိုအပ်ပြီး ခလုတ်တွေ တော်တော်များများလည်း သုံးလို့မရတော့ဘူး။ မြေပုံကလည်း တော်တော်ကြာနေပြီ....ဒါနဲ့တောင် I7ကြယ်ဆီ ဘေးကင်းကင်းရောက်အောင် ဘယ်လိုများလုပ်လိုက်တာလဲ?" ကီလီယာ မနေနိုင်ဘဲ မေးလိုက်သည်။

Omegaလေးက သူ့အတွက်တော့ သိမ်မွေ့လွန်းသည်ဟု မကြာခဏ ခံစားမိပေသည်။

“ကံကောင်းသွားတာပါ” ချင်ယိက ပြောလိုက်သည်။

ချင်ယိသည် သူ့အတွက် ကောခိုင်ပြင်ဆင်ထားသည့် အဝတ်အစားများကို ၀တ်ဆင်ထားဆဲဖြစ်သည်။ ကောခိုင်ရဲ့ ပစ္စည်းတွေကို သူမကြိုက်တဲ့အတွက် ကီလီယာအား ပြန်ပြောပြီးနောက် ထွက်ပြေးစဉ်မှာ သူအရင်ကဝတ်ခဲ့တဲ့ ညဝတ်ဂါဝန်ကို ပြောင်းဝတ်လိုက်သည်။

ညဝတ်ဂါဝန်သည် လျှော်ဖွတ်ပြိီးနောက် ယခင်သန့်ရှင်းသော အခြေအနေသို့ ပြန်လည်ရောက်ရှိသွားခဲ့သည်။ "ငါမင်းကို အဖွဲ့ဆီ ခေါ်သွားလိုက်မယ်။ မင်း အဆင်သင့်ဖြစ်ပြီလား? အခုမှ နောင်တရရင်တောင် အရမ်းနောက်ကျသွားပြီနော်" ကီလီယာက ပြောပြီး ခေါင်းကို လှည့်လိုက်သည်။ သူ့အကြည့်တွေက ညဝတ်ဂါဝန်ကို အခုမှလဲပြီး ဖြည်းညှင်းစွာ ထွက်လာတဲ့ ချင်ယိအပေါ်ကို ရောက်သွားခဲ့သည်။

သွယ်ဝိုက်တဲ့ဖိတ်ခေါ်မှုတစ်ခု ပေးနေသလိုမျိုးပဲ၊ ကီလီယာတွေးလိုက်သည်။

သူ့တွင် ဆက်ဆံရေးတွင် အတွေ့အကြုံမရှိသော်လည်း၊ မတူညီသော ဇာတ်ညွှန်းများစွာတွင် ဤကဲ့သို့သော စွမ်းဆောင်ရည်မျိုးကို အကြိမ်ပေါင်း မရေတွက်နိုင်အောင် တွေ့မြင်ခဲ့ရသည်။
"အင်း" ချင်ယိက စိုးရိမ်မှုကင်းစွာဖြင့် တုံ့ပြန်ခဲ့သည်။ "သွားကြတာပေါ့၊ ငါလည်းဘယ်ကို သွားချင်လဲ မသိတာချင်းအတူတူ" သူပြန်ပေးဆွဲခံရတယ်လို့ အားလုံးကိုသာ ထင်ခွင့်ပေးလိုက်မည်။ လှည့်ပတ်ပြေးဖို့ မလိုအပ်တော့ဘဲ သူ့စွမ်းအင်အချို့ကိုတောင် သက်သာစေလိမ့်မည်ပင်။