ကမ္ဘာပျက်ကပ်မှာ ကျွန်​တော်ဝက်ဖြစ်လာတယ် [Completed✔]

(တ)

အင်၊ အရမ်းကောင်းတယ်! အရမ်းအရသာရှိတယ်၊ အရမ်း​ကျေနပ်တယ်!

အစားမက်သူသည် အမြဲတမ်း အစားမက်သူတစ်ဦးသာ ဖြစ်​နေမည်ဟု ခန့်မှန်းရသည်၊ ထို့အပြင် သူ၏အစားအသောက်​ပေါ် နှစ်သက်ခုံမင်မှုမှာ အလွန်ကြီးမားသည်။

"ကောင်းလိုက်တာ! အရမ်းကောင်းတယ်!" စွန်းလင်းက နှုတ်ခမ်းများကို အားရပါးရ သပ်လိုက်သည်။

ထိုမြင်ကွင်းကို မြင်လိုက်ရ​သော စစ်ဝမ်၏ မျက်ဝန်းများ ​မှောင်မိုက်သွားသည်။ စွန်းလင်းသည် အလွန်ဆွဲဆောင်မှုရှိသော လူသားတစ်ဦးဖြစ်ပြီး အဆိုးဆုံးမှာ ယခု​လော​လောဆယ် သူမည်မျှအထိ ဖြား​ယောင်းနေမိမှန်း သူ့ကိုယ်သူပင် မသိ​နေပေ။

"မင်းကြိုက်တာကောင်းတာ​ပေါ့။ မင်းလိုချင်တာမှန်သမျှ ကိုယ်လုပ်​ပေးမယ်။" စစ်ဝမ်သည် စွန်းလင်း၏ ဆံပင်များကို ဖွလိုက်ပြီး ရုံးခန်းထဲမှ ထွက်သွားသည်။

စွန်းလင်းက ဂရုမစိုက်​ပေ။ အလွန်အရသာရှိ​နေတာ​ကြောင့် ဆက်သာစား​နေသည်။ စား​​​သောက်ပြီးသောအခါ အ​ကြောဆန့်လိုက်ပြီး ပြန်အိပ်လိုက်သည်။

အခု​လော​လော​ဆယ်​တော့ ဤထူးခြားသောဖုတ်ကောင်သည် သူ့ကိုဝါးမျိုစား​သောက်ဖို့ မရည်ရွယ်ထားပုံပင်။ သူ့ကိုကျွေး​မွေးဖို့ပင် ဆန္ဒရှိ​သေးသည်။

မိန်းမဟု ခေါ်ခြင်းက နည်းနည်းတော့ အဆင်မပြေ​သော်လည်း အစားအသောက်ကောင်းများ ​ကျွေး​နေနိုင်သရွေ့ စွန်းလင်းသည် ထိုကိစ္စကို လျစ်လျူရှုထား​ပေးနိုင်သည်။

သူက ဝက်တစ်ကောင်လိုသာ နေထိုင်ချင်ပြီး တခြားဘာမှ အရေးမကြီး​ဘူး!

စွန်းလင်းနှင့် စစ်ဝမ်တို့သည် တစ်လနီးပါး အတူနေထိုင်ခဲ့ကြသည်။

စစ်ဝမ်သည် စွန်းလင်းအတွက် အရသာရှိသော အစားအစာများကို နေ့တိုင်း ပြင်ဆင်ပေးကာ သူ့ကို နည်းအမျိုးမျိုးဖြင့် အလိုလိုက်မြတ်နိုးကာ အမြဲတ​စေ ပွေ့ဖက်ပြီး အိပ်တတ်သည်။

    နောက်ဆုံးတော့၊ ​နောက်ဆုံး​​တော့ စွန်းလင်းသည် ​​ဝက်တစ်ကောင်လို ရှင်သန်နေထိုင်​နေရပြီ!