ادمنت حدة عينيه

بارت 8

ابو نائل ـ هسه اشوفه اصعدي گدامي

فاتنه ـ خالو اخذ جهاز الضغط مالته وصعد گال ضغطه صاعد سويله ليمون لو جاي نومي

ركضت عصرت ليمون وبرتقال واخذته شربه اله ابوه گوه اول ما فتح عينه شافني بقى يبجي خفت حيل

گلت نائل اهلي بيهم شي گول احلفك بداعة امك وابوك بروح اخوك اهلي شنو صاير وياهم احجي بقيت احجي وارجف

نائل ـ بويه عمتي تريد فاتنه باجر تروح وياي الهم من رخصتك يعني واذا تريد تعال انته هم

ابو نائل ـ بس يا بويه ما يصير

نائل ـ فدوه اروحلك بويه ضروري والله ابوس ايدك

ابو نائل ـ ميخالف امشي وياكم بس فيروز بيهه شي

نائل ـ جريت حسره ونزلت دمعتي گتله لا بس مشتاقه لفاتنه

ابو نائل ـ خير ان شاء الله الظهر من ترجع من دوامك نروح

نائل ـ لا بويه الصبح نروح فدوه اروحلك

ابو نائل ـ نائل عمتك بيهه شيييي

نائل ـ حضنت ابوي وشاورته بويه عمتي ضاربتهه جلطه وعميانه وبعد يومين يطلعون برا المحافظه

يرحون لغير مكان وتريد فاتنه اخر مره بس لا تحسسهه اروحلك فدوه

ابو نائل ـ هاي هيه وليدي هاي هيه الله كريم باجر الصبح الصبح

فاتنه ـ يحجي ويه ابوه همس ما افتهمت شي بس خالو عيونه دمعت والله اهلي بيهم شي

شيجيب الصبح واروحلهم گوه خلصت العصر والليل ما نمت للصبح اتگلب بفراشي

صار الصبح بسرعه سويتلهم ريوك وبدلت شربت كوب جاي وطلعنه

خلصت الطريق كله افرك بايدي صارن حمر اول ما وصلنه نزلت بسرعه ركضت للباب

ابو نائل ـ انتظري بابا انتظري هسه يفتحون الباب

فاتنه ـ انفتح الباب مجاهد استقبلهم حضنته حيل وبجينه اثنينه حبيبي مشتاقتلكم والله

مجاهد ـ اخخخ فتينه يا روحي شلونج يگلبي

فاتنه ـ الحمد لله حبيبي دخلنه وركضت لجدو جدوووو اركض وابجي

حضنته وگعدنه بالگاع نبجي اثنينه احسه يريد يضمني بضلوعه شوي وگتلهم وين بيبي وينهه امي وينهه

يوم لج يوممم اني اجيت فيروزتي جابهه مجاهد يمشي بيهه شوي شوي

التفتت لجدو شبيهه بيبي شبيهه ليش گوه تمشي شفته بس يبجي نائل وابوه كلهه تبجي مشيت بخطوات متثاقله

بيبي امي يوم حبيبتي بكل خطوه احجي وياهه وهيه تتلمس بالهوا شهگت لاااا لا

التفتتلهم كلهه تبجي رحت يمهه حضنتهه وشميتهه يوم حبيبتي شبيج يروحي