ကောင်လေးစကားကြောင့် မာန့်, နူတ်ခမ်းတစ်ဖက် က အပေါ်ကိုတွန့်တက်သွားသည်။
" မင်း အစ်မ က အရင်ကတည်းက အစ်ကို့အမျိုးသမီး၊အခုလည်း အစ်ကိုအမျိုးသမီးပဲ "
မာန်, စကားကြောင့် ကောင်လေးမျက်နှာမှာ
အံ့ဩမှုတွေ ထင်ဟပ်သွားသည်။
" ဒါဆို ကွာရှင်းထားတယ်ဆိုတာ က တကယ် မဟုတ်ဘူးလား...။ဟို ကျွန်တော် သေချာမသိလို့
မေးကြည့်တာပါ။အိမ်မှာလည်း အစ်မ က အစ်ကို့အကြောင်း ပြောတာ မကြိုက်လို့... လေးလေးကိုလည်း ကျွန်တော် မမေးဘဲ နေနေတာပါ။အခုက
စကားကြုံလို့... မေးကြည့်တာပါ "
" အဲ့တုန်းက ကွာရှင်းတယ်လို့ပဲ ပြောတာပါ။တကယ်က ကွာရှင်းစာချုပ်မှာ အစ်ကို လက်မှတ်မထိုးထားပါဘူး။မင်း အစ်မလူဆိုးမလေး ပဲ
လက်မှတ်ထိုးတာ "
" ဪ... ဒါဆို အစ်မကောက်တေး က သူ့ဘာသာ လက်မှတ်ထိုးပြီး၊သူ့ဘာသာ ကွာရှင်းနေတာပေါ့။ကျွန်တော် က တကယ်ကွာရှင်းထားတာ မှတ်လို့။တူလေးကို အရမ်းသနားနေတာ။တကယ်က မကွာရှင်းထားဘူးတဲ့လား။ ငါ့ အစ်မ စွာစိလန် ကောက်တေးကတော့လေ တကယ့်စံပဲ ဟားဟား... "
ကောင်လေး က သူ့အစ်မကို ကောက်တေးလို့ပြောပြီး ရယ်နေတော့... သူမနှင့်အတူနေစဥ် ခဏခဏ
စိတ်ကောက်နေတတ်သည့် ပုံရိပ်လေးတွေက မျက်လုံးထဲ ပြန်မြင်လာမိသည်။သူမ ပုံရိပ်လေးတွေကြောင့်ပဲ မာန်,သည်လည်း ပြုံးမိပြန်၏။
အန်ကယ်ကတော့ ဘာမှဝင်မပြောပေမဲ့...
သူ့သမီးနှင့် မြေးကို စိတ်ပူနေတဲ့ ပုံပင်။
" ရသော် မင်း အစ်မ သွားတတ်တဲ့ နေရာလေးတွေ သိလား။အစ်ကို ရှာနေတာ တစ်မြို့လုံးနှံ့နေပြီ မတွေ့ဘူး၊ဖြစ်နေတယ်။အခု ဘယ်ကို လိုက်ရှာရမှန်း မသိဖြစ်နေလို့... မင်း သိတဲ့ နေရာရှိရင်
ပြောပါအုံး "
" တစ်မြို့လုံးတောင် နှံ့နေပြီလား... အစ်ကို "
" ဟုတ်တယ်ကွ။သား အစ်ကို ရှာနေတာ မင်းအစ်မ အိမ်ကနေ ထွက်သွားကတည်းကပဲ။သားရသော်ကိုသာ ပွဲရုံမှာ အလုပ်ရှုပ်နေလို့... ပြန်လာခါနီးလေးမှ လေးလေး က ဖုန်းဆက်လိုက်တာ "
YOU ARE READING
စည်းချက်မညီသော ရင်ခုန်သံ
Romanceအသက်အရွယ် ကွာခြားတဲ့ လူနှစ်ယောက်၏ အိမ်ထောင်ရေး ရိုမန့်တစ် ဇာတ်လမ်းလေးပါ။
စည်းချက်မညီသော ရင်ခုန်သံ Part 4
Start from the beginning
