اليوم الثاني والكل بدا يقوم ويصحصح وكل شوي احد داخل على نايف يتطمن دخل ابو محمد وكانه شايل كل الدنيا ع ظهره ابو محمد وهو منزل راسه : كيفك يولدي عساك بخير ؟ نايف : الحمدالله احسن من اول ابو ممحمد : الحمدالله نايف ببتسامه : يبه ادري انك شايل همي .. ارفع راسك مابني شي اسبوع وانا مثل الحصان واقوم ادور حرش بالبيت ابو محمد بضحكه ولطافه : ايه اعرفك بذي الامور ماتتوب عنها وبدو يضحكون طلو سعود واسماعيل من الدريشه لانهم كانو يزرعون بالحوش سعود وهو يناظر ابوه ونايف وماسك حديد الدريشه سعود : ايه الحبايب يضحكون اسماعيل بنظره خباثه : ضحكونا ياخي منزمان ماضحكنا ابو محمد وهو شايل العصا : اعقب انت وياه كل واحد على شغله بسرعه وانحاشو كل واحد بطريق ونايف يضحك علي نحشتهم ابو محمد : انا لي تفاهم مع ذولي السرابيت وانت ارتاح يوليدي نايف بخباثه : ها لا اوصيك يبه لا تقصر فيهم خاصه سعود وطلع لهم ابو محمد بالعصا ونايف يضحك وبعد هاذا الصراع والركض وهم قاعدين يزرعون الزرع ويسقون باقي الزرع ويناظرون لنايف بحقد نايف عدل نفسه على مستوى الدريشه وقال بخبث وضحكه : ايه ايه كد انت وياه وازعو وانا باتسدح اتفرج عليكم وارقد وكانت هاذي نظرة سعود واسماعيل له ::
Oops! This image does not follow our content guidelines. To continue publishing, please remove it or upload a different image.
وقال سعود بصوت خافض : يجعلك لسم الهاري ينايف سمعه ابو محمد لانه قاعد جنبهم ع الكرسي ابو محمد : شتقول ياللسربوت سعود : ولاشي يبه ولاشي ابو محمد : اشوا وكملو الشغل ودخلو البيت معرقين وتعبانين شافو عهود تصور قهوتها شال اسماعيل القهوه وقعد جنبها وشربها عهود بصراخ : يالوجععع !!! قهوتييي ماشلتها الا وقت ماصور سعود : بقي لي بقي لي شكلها منعشه اسماعيل وهو يطبطب : يالبيه منعشه ياسعود انصحك خذ وعطاه الكاس يشرب سعود : اففف يويلي بس كيف سويتيها عهود بصراخ : سمم ببطنك انت وياه جعلها ماتحدر يسملق سعود واسماعيل بضحك ووبخباثه : اهخ يابطني ايه ايه تمام بس تجنن راحت وهي زعلانه ومعصبه عهود بقهر وغصه : يمه شوفي عيالك خذو قهوتي وشربوها ولا بعد وانا اصور ام نايف : شبلاك انتي خلاص مو لازم تشربينها عهود بافافه وزعل : ليه ياربي ليه محد يفهمني دخل بدر على افافتها واستغرب وقال بوجه مستغرب : شفيها ذي ام محمد : اسالها بدر : شفيها شفيها عودتنا عهود بقهر : السملق تخيل شربو قهوتي وماخلوني اصور بدر ببتسامه : بس ؟ بلعنهم الحين السملق ويلا انتي روحي البسي عبايتك واوديك كوفي وتصورين مو بس تشترين قهوه عهود بفرحه : جد !!! بدر : وليه امزح ؟ يلا يلا بسرعه راحت وهي فرحانه وتركض وطلع بدر للعيال بالمكنسه وهم يضحكون سعود : اهخخ شفت وجهها ؟ اسماعيل بضحك : ايه ايه لااا قهوتييي ويضحكون دخل بدر : ايه شفت والله والمكنسه بيده وقام يركض وراهم لين طلعو من البيت جت عهود وهو يعدل ثوبي ويحط المكنسه وقالت : يلا جاهزه بدر : يلا مشينا وطلعو
