قتلني ورحل

الحكايه الواحد و الثلاثون

#قتلني_ورحل
#حكايات_mevo
البارت الواحد و الثلاثون...
ما ان احست ليال ان قاسم سيحميها وان جده لن يفعل لها شيئا لتهب وتدفعه وتبتعد و تتشجع لتقول.. .
طب طالما كده بقه طلقني وارجع لفريد وخلاص طالما مش هتحبسني..
لينصدم من تحولها ليهتف.. استغفر الله العظيم يا رب هو انا بقلك كده عشان تقليلي اطلقك..
لتهتف هيا..... امال ايه مش خلاص وطلع جدك اللي عامل كل ده يبقي خلاص نرجع كل حاجه زي ما كانت.ميفو السلطان
ليقترب منها.. وقال مش معني اني ما عملتش كل الارف ده اني اسيبك.. النهايه انت بقيتي مراتي وبتاعتي يا قلبي.. وخلاص قصه فريد خلصت لحد هنا وانا مش هسيبك لو علي رقبتي.
ظلت قاطبه تفكر.. ايه ده هو هيجبرني بالعافيه برضه بس هو قال مش هياذيني اتشجعي يا ليال واقفيله.. لتنتفض وتقول.. طب طالما بقه انت مالكش في القصه يبقي خلاص يا استاذ كل واحد يروح لحاله َدلوقتي انا بقلك طلقني انا مايتعملش فيا كده واسكت...
ليبتسم بشده فحبيبته قد عادت واحس بالسعاده وصدحت ضحكته..
لتهتف بغضب... انت بتضحك علي ايه يا بارد..
ليقتر ب منها بشده.... بضحك علي حبيب قلبي اللي نور من تاني وبقي بلسانين وخد حبوب الشجاعه وامبارح كان قطه سيامي قافشه في رقبتي يا بنتي بقه.
لتغتاظ.... بطل قله ادب انا بقلك اهوه امبارح كنت مرعوبه وبموت ودلوقتي.
ليشدها اليه ويقول.... ودلوقتي ايه مش حاسه باللي بيا يا نن عين قاسم.
لترتبك بشده وتحس ان قلبها سيخرج منها لتبتعد وتدفعه وتقول... لا مش حاسه ومش عايزه وطالما انت ما ادخلتش يبقي خليك جدع للاخر وماتجبرنيش وتطلقني.
ليهتف...... انت باينك اتهطلتي.. هو انا لما اطلقك ابقي جدع دانا ابقي اهبل.. ليال يا حبيبتي انت ليه مخشبه دماغك انا بعشقك وانت بتهري وتهبدي ومش فاهم فيه ايه ماخلاص يا قلبي والله ما عملت حاجه.
لتصرخ به.. ماعملتش كل ده وما عملتش تسيبني وترميني وتقلي ماعملتش.
ليهز راسه..... مانا اتهببت وقلتلك سيبتك ليه انت ليه مش مقدره اللي عملته..
لتهتف... انا مش مقدره وانت مش مقدر برضه العذاب اللي شفته انا مت عشانك ورجعتو تاني موتوني..
ليصر*خ..... قلتلك ماليش دعوه اعمل ايه تاني.
لتهتف.. تطلقني انا عايزه اتطلق بقلك اهوه والا والله لاخلعك... انا مش طيقاك يا اخي هو بالعافيه.
ليقترب منها ليشدها اليه لترتعش بشده ويقول.. ماتقليش كلام مانتش قده انا اه ماعملتش حاجه بس سيبان مش هسيبك.. انت بقيتي بتاعتي وموضوع مش عايزاني ده انا هحله ماتقلقيش ليشدها بسرعه ويهيم بها  لتقاومه الا انها لم تستطع  لتستكين بين يديه ليتحكم في نفسه ويبعد وجهه وينظر اليها مغيبه رائعه فاتنه ليقبل انفها ويقول بحب.... ماسمعكش تاني تقولي مش عايزاني دي عشان بتعفرت وبولع.. لم ترد ليهتف.... قلبي يا ناس وهو هيمان كده ومسخسخ. ليهمس مش عايزاني يا قلبي..
لتتنهد وهو يداعبها ليظل يجوب بوجهه يحرقها بلمساته ليهمس مش عايزه حبيبك.
لتهمس.. هاه.. اه.. لا...
ليبتسم.. اه لا ازاي.. طب حبيبك بيموت عليكي والله... ليتلمس شفتيها.. سمعيني كده مش عايزاني ازاي..
لتهمس بهيام خلع قلبه.. .. قاسم.
ليحتضنها اكثر ويرفعها قليلا. قاسم قلبه مولع يا روح قاسم هتبقي ليا امتي بس.
لتغمض عينها لا اراديا ليتوه فيها ليتراجع بغلب... طب فوقي بقه والله ماهعتقك.
لتحس بغضب فهيا اصبحت سهله بين يديه لتخبطه علي صدره وتتململ.. اوعي بقلك اهوه انت قليل الادب وبتعرف تعمل قله ادب وانا مابعرفش فتحترم نفسك بقه والا عشان انا هبله تعمل كده..الحمدلله
ليضحك بشده.. والنبي عسل يا ولاد.. مانا عارف انك مابتعرفيش تعملي قله ادب واني بعرف وهموت واعمل بس يا عمري انا عايز دماغك دي تفهم انك ليا مهما حصل انا مش ذنبي ان جدي زبا*له.. انا تعبت سنين عشان ابقي معاكي تقومي تقولي اي هبل. يا بت وربنا بحبك انت مخك جزمه قديمه ليه..
لتضع يدها في وسطها وتقول بطفوليه..... . طب عشان خاطر كلامك ده بقه هتطلقني وابقي افكر براحتي.. مانا ماحدش يغصبني بقلك اهوه..
ليضحك.. طب يلا بس هنشوف الموضع ده وهطلقك انا وبابا وماما بس قوم يا قمر البس اما نروح لحبيبك فريد..
لتنسي كل شئ وتقفز.. والنبي يا قاسم هتوديني لفريد..
ليهتف لسعادتها... والله يا قلب قاسم هوديك في الحته اللي تشاوري عليها يا عمري..
لتقفز بطفوليه... يس يس يس. وتهرع لتلبس ولكنها عادت اليه مره اخره رافعه حاجبيها ورفعت صباعها في وجهه.. بس هتطلقني بعد كده انت فاهم واستدارت وتركته..
ليبتسم قاسم وقلبه يرجف.. البت باينها بقت هبله.. اطلق ايه هو انا لحقت اتجوز.. دانا هموت واتجوز بس اعمل ايه منك لله يا بدر يا حديدي.
خرجت من الحمام قاطبه وقالت يلا خلصت
ليقترب منها.. خلصت ايه يا عسليه يا مز انت
لتقول ساخطه.. لا بقلك ايه انت كلامك ده تبطله انا مش هعرف اتعامل كده لحد ما تطلقني تبقي مودب كده عشان ده عيب ده..
ليقترب منها ويركنها علي الحائط.. ارحمي امي هو فين العيب دانا مؤدب ادب التنين دانت مربياني يا شيخه.. اعَمل ايه بس الحلو كان قمر بالابيض وقافش فيا وانا كنت مؤدب عالاخر انت لسه شفت قله ادب فين يا كتكوت انت.. بس ايه كان حته قميص نار.
لتحمر وترتبك.. ماتبس بقه وتحترمني بقه هو ايه ده كان غصب عني.. انا كنت خايفه وعيب بقه انا بتكسف..
ليضحك.... بتتكسفي يا بيضه.. طب مانا عارف وحاسس بالشياط اللي طالع علي وشك.. قمر يا بنت الايه..
لتقطب.. شياط ايه انت باينك عقلك خف.. انا ولا انت في دماغي وهتطلقني سامع..
ليقول.. يا بت هو انت مابتحرميش.. وكل شويه مش فدماغي طب يا قلب قاسم انا مش في دماغك خالص وربنا لاحرمك تقوليها مانا مش هفضل محصور  واقترب منها  ويدفن راسه في شعرها  ليتوها معا لفتره متشبثه به كالطفله الصغيره وهو يشتعل حتي خاف عليها فهيا ليست مستعده ليبدا ان يهدي من روعه ليتركها بهدوء ويحتضنها بشده كانت هيا في عالم اخر لا تحس الا بنبضاته تعلم جيدا انها تريده وتعشقه ولكن عقلها. من كثره وجعها لا يتركاها ليهتف.. ليال.. قلبي انا ما تفوق يا قمري ياللي مش عايزني.. بحبه يا ناس.
كانت خجوله لا تعرف ماذا تفعل كانت كالخرساء من الخجل.. ليقول.. قلبي اللي راشق في حضني ومحمر كده كتير وانا وربنا علي تكه.
لتهتف اخيرا.. انت علي فكره قليل الادب اوي وانا مش عايزه كده بقه.
ليضحك بشده و هيا في احضانه..... والله عسل طب يلا وبعدين هنشوف موضوع قله ادبي ده. نحاول نزوده قصدي نعالجها.
لياخذها من يدها وينزلا ليجدا جده بالاسفل لتلتصق به ليال.
ليحس بالغضب ليأخذها ويقول..... لا لا ماحبش مراتي تبقي كده.. دا مالوش لازمه انا قاسم جوزك ولا حد هيقدر يهوب. فمسك يدها ليمر علي جده ازيك يا جدي شالله تكون نمت كويس بعد حفله امبارح.. والكلب بتاعك مرمي لسه هطلع روحه.. اه من الحق انا واخد ليال مراتي نشفلنا حته نضيفه نقعد فيها نشم هو اصل الهوا هنا نج*س ويقرف.. حبيبتي امرت ان احنا نروح نزور امها والحاج فريد اهو نستسمحو علي عَملتك الزبا*له ماهي هانم مرات قاسم نعيم هانم.. يلا عندك الحرس لو جرالك حاجه يبقو يقولولي..لينظر اليه جده بقهر... ليضحك قاسم... لا مش هحضر دفنتك خلي بالك لتكون فاكر.... ليضحك لا بس هقلهم يلقحوك في انهي قرافه.. سلام يا بدر بيه..
لياخذها من يدها ويخرج وهيا تشعر برهبه وراحه في نفس الوقت ليركبا العربه وينطلقا لتهتف هيا فجأه غاضبه .. حد يقول لجده كده لو جرالك حاجه انت ليه حرام دا راجل كبير..
  لينظر اليها باستغراب ليهتف.... انت بتتكلمي بجد يعني الجَمله دي عدت علي عقلك الاول وطلعتيها عادي..
لتغضب.. ايه عدت علي عقلي دي هو انا هبله..
ليضحك.. اوي اوي..
لتخبطه.. ماتلم نفسك بقه انت طايح كده ليه.. ودا راجل عجوز.. صحيح شرير بس عجوز حرام..استغفرالله
لينظر اليها ببلاهه.. يا رب متجوز واحده هبله انت يا بنتي طالعه من روايات ديزني بعبطك ده.. واحد عمل فيكي الو*سخ كله يصعب عليكي انت فييوزك متركبه ازاي دانا لو طلت اشقه كنت شقيته نصين..
لتهتف بعبط.. عشان انت شرير. هو راجل كبير مش ادك ماتقولوش كده.
ظل ينظر اليها. بقي انا اللي بقيت شرير. طب ايه ارجعك ليه تحبي و تسحسحي فيه.
لتَمسك يده بسرعه.... لا والنبي يا قسومي  لا..
ليضحك ليه مش انا الشرير.. لتطرق للاسفل. ليقول طب نبطل هبل بقه. و نسكت.. لا انت لازم يتشافلك صرفه انا مش هستحمل العبط ده كتير هنجلط..
لتخبطه وتقول.... عبط في عينك َماحدش جبرك وديني عند فيري وروح شفلك حد عاقل ياخويا.. عيل شرير ورخم وقليل الادب كَمان اوي ومش هكلمك طول الطريق..
ليضحك.... اه يا اخره صبري مركب بنت اختي معايا. امال هتمز امتي يا حزين دا الهطل زايد ومعدي..
لتهتف ساخطه... كل نفسك ماهردش عليك..
لتصدح ضحَكته ويشدها يقبلها من خدها.. حبيبي يعمل ما بداله بس ساعه ما انوي يا قمر حبيبي هيقطم واعمل انا كل حاجه ..
لتقطب.... هتعمل ايه مش فاهمه..
ليهتف.. لا لو قلتلك هتسورقي واقعد افوق فيكي شهر نأجل الكلام بعدين الا حبيبي عبيط وممكن مانلحقوش..
لتنظر اليه بسخط.. .. نينينيييي.... عبيط ومانلحقوش ليه.. والله يا قاسم لو مديت ايدك عليا وضربتني لاكون مموتاك هو ايه اللي هسورق وماهتلحقنيش انت شايفني هبله. ليال مش سهله لو مديت بس صباعك وضربتني هخلعلك عينك.. ال تفوق فيا شهر.
ظل ينظر اليها مدهوشا.. البت هبله بجد يا حزنك يا قاسم صحيح ماهي كانت مره حزينه ولسه بهبلها.. ليهتف هو ده كل اللي دخل دماغك اني هضربك..
لتصر*خ... امال هسورق ليه انا ايه الغلاسه دي..
ليضحك.. لا هيا مش غلاسه دا هطل ليشدها اليه اقلك تسورقي ازاي ولا تزعليش.
لتقطب جبينها ليشدها اليه ويقترب من شفتيها وينظر اليها بهيام ويقول.... قلبي هيقف يا بنت الايه وهنتمسك تحرش في الشارع ظل يجوب بشفتيه علي وجهها و هيا تحاول ان تبعده الا انه لم يتركها لتستكين معه وقلبها سيخرج من مكانه ليقبل وجهها وشفتيها قبلات متفرقه ويضحك لكي تفوق ويقول.. اهوه ده يا قلب قاسم اللي اقصده.. بس دا اول ليفل حبيبي محمر ومسورق قدامي انما بعدين حاسس انك هتقعي من طولك.
لتفهم معني كلامه لتحمر بشده وتنكمش وتبتعد ليضحك هو.... ميفو السلطان
لتغتاظ بشده لتهجم عليه وتضربه..... انت بتضحك علي ايه بتضحك علي ايه بطل بقه بقله ادبك دي..
كان يحاول ان يمسك يدها ولكن ضحَكاته لم تتوقف واحس بحبه الشديد لتلك الطفله فانكمشت بعيدا عنه غاضبه ووجهها احمر وهيا تتمتم.. قليل الادب اوي بقه..
تنهد وادار العربه وقال... دانا هشوف مرار طافح  وطار بها.
ليمر الوقت ويقف علي الطريق كان يعرف انها تحب المثلجات ليحضر لها كميه كبيره كانت قاطبه ليقترب ويهتف.. جبتلك حاجه بتحبيها.
لتهتف.... مش عايزه منك حاجه..
ليرفع يده لتنظر الي علبه المثلجات كانت مغريه لتنظر اليه غاضبه ليضحك ويهتف ايه مش هتاخدي.. دا من كل الاصناف... ليرفع اكتافه طب خلاص اكلهم انا..
لتنظر اليه وهو بدا يفتح العلبه.
لتهجم عليه وتاخذهم لتهتف.. اوعي كده دول بتوعي ايه ده عيل رخم..
ليضحك.. بقي انا رخم ماشي.. ليتنهد ويركن ليتاملها كانت بريئه وجميله وتاكل بعفويه وملامحها بدات تلين وتسعد بما تاكل ليهتف...
طب يا  قلبي كنت عايزك بس تبقي تقابلي كارما بنت عمي وحكي لها لتدمع عينها وتشعر بوجع عليها ليهتف تقفي بس جنبها مش عايز اسيبها لوحدها حبيبتي احنا مالناش غير بعض وانت مراتي.
لتهتف بعفويه.. طب يا قاسم اما نرجع هكلمها والله مش هسيبها خالص دي غلبانه اوي.
كان يجاريها كزوجته وان ماسياتي هو حياتهم لتنساق وتهتف.. طب خلاص بص اول مانرجع هشوف هنعمل ايه مش هسيبها ماتخافش انا صحيح هبله بس والله جدعه وبعرف اقف جنب الناس.
ليهتف يعني مراتي حبيبتي هتقف جنب بنت عمي وماتسيبهاش وتشرفني.
لتنظر اليه وتهتف بتذمر .. امال مش هقف جنبها انت عبيط لو ماكنتش مراتك تقف جنبها تجيب مين الغلبانه دي تقف دي غلبانه قوي وصعبت عليا اوي.لما نرجع والله ماهسيبها خالص.
ليهتف.. طب لما نرجع مش هنرجع يا قلبي.
لتهتف بعفويه... اه هنرجع امال هنروح فين.
ليبتسم ويقبل يدها ويهتف.. انا بحبك حب مالوش وصف دنيتي انت والله يا عمري.
لتقطب جبينها وتشد يدها..ايه كلامك ده  اوعي بطل مابكلمكش ايه ده انت وحش  ومش عايزاك ليقترب منها بخبث.. لتهتف مسرعه قصدي قصدي.... لتدفعه اوعي بقه بطل غلاسه عايزه اكل..
ليضحك ويشدها يقبل خدها.. قلبي والله اللي بحبه ليقبل جانب شفتيها لتحمر خجلا ليستدير سعيدا وينطلق علي الطريق
***************
استيقظت كارما لتجد نفسها في احضان ايان لتدرك انه اخذها طول اليل في احضانه لتبتسم وتهمس ربنا يهديك يا قلبي واقدر علي دماغك.. يا مغلبني اه منك بس علي مين دانا كارما الحديدي يا قلب كرما.. لتقترب منه وتبدا في مداعبه وجهه ليبدا في الاستيقاظ ليبتسم لها بحب ويشدد عليها كانه يحلم بها لتقبله علي شفتيه وتهمس ايه يا قمري مش تصحي بقه وحشتتي من امبارح.
ليبدا في الاستيقاظ ليبهت قليلا ويغمض عينيه يستعيد ثباته لتبتسم ليفتح عينيه ويهتف.. بصي يا بت انت لتكوني فاكره اني اهبل وهتضحكي عليا ايه بترديلي اللي عملته زمان لا يا شاطره انا ايان الحديدي.. ويلا خدي ورقتك دي ويلا من هنا وزي ما عملتيها روحي خرجي نفسك منها.
لتقترب منه وتلتصق به ليغمض عينيه فهو مشتعل بما يكفي لتهمس.. واخرج نفسي ليه يا قلبي دانا ما صدقت ابقي في حضنك.. وانت يا قطتي وقبلت شفتيه كيفي نفسك.. يا خراشي بحب قمر وربنا بس مز وجامد ما تحن يا واجع قلبي.
ليبعدها ويهتف بعنف.. ماتحترمي نفسك مش عايزك دا ايه اللزقه دي.
لتنظر للاسفل مبتسمه لتتنهد وتقترب من شفتيه. بقي انت مش عايزني يا ايو خالص وظلت تتلمس شفتيه.. لا كده كارما تزعل انت حر انا هخزنلك وساعه الجد هلوعك مش انا اللي يتقلي كده يا قلب كارما.. لتنزل علي شفتيه تقبله وهو يمنع نفسه ان ينقض عليها وهيا تحس بصدره ويده تغرز في يدها لتبتعد.. قوم بقه عشان دكتور العلاج الطبيعي جاي عشان يحضرك للعمليه يا قلب كوكو
ليصر*خ فيها.. انت يا بت انت مفيش دكاتره هتخش هنا ولا هعمل زفتات.. بقلك اهوه وخلي عندك دم وابعدي حسي تعرفي تحسي.
لتضحك... مانا عيبي اني حاسه يا كوكو.
ليصر*خ..... قومي غوري مافيش حد جاي.
لتعود وتجلس طيب خليه يجي بقه وقوله كده..
ليقطب جبينه يجي فين انت اتهبلتي ماتقومي تغوري تلبسي.
لتهتف.... لا اصل كتفي بيوجعني يا كوكو وازاحت حمالتها شوف بيوجعني ازاي وهو هيجي يشوف فيا ايه.
ليصر*خ.. والله اقتلك قومي البسي حاجه الراجل جاي والا قومي غوري مشيه من هنا. لتهز راسها وتظل تهز رجلها امامه بلا مبالاه ليصر*خ..... ماتحترمي نفسك قومي غطي نفسك الراجل جاي.. والله لو طولتك اقطم رقبتك.
لتقترب منه.. طب انا اهوه طولني واقطم براحتك.
ليتحمل ويغمض عينيه ليهتف.... قومي وعدي يومك الراجل طالع والله لو دخل لاطين عيشتك
لتهتف.. الله مش انت بتقول مش عايزني. خلاص بقه سيبني جايز اشقطلي راجل اتجوزه بعدك يا ايو.
ليصر*خ.... والله لاقطم رقبتك يا ز*فته الطين انا مستغليه اني ما بتحركش.
لتقترب.. انا قدامك اهوه اعمل اللي تعوزه لتقترب من شفتيه انا من ايدك دي لايدك دي. وكلي تحت امرك يا قلبي.
ليتجلد.... استغفر الله يا رب.. يا بنتي هو عافيه واحد مش طايق وش امك دا ايه ده..
لتهتف.... خلاص انت حر اما اقوم  اقوم استني بعيد وذهبت للمرايا وظلت تفرد شعرها وتمسك قميصها وتتلمس جسدها وهو ينظر اليها بقهر لتهتف.. ارفع شعري يا ايو والا اقابله وشعري مفرود هيا الرجاله بتحب ايه.
لياخذ من جواره علبه المناديل ويحدفها عليها.. ماتتلمي ولمي حالك.. لتستدير وتقف تربع يدها.. ليسمعا طرقا علي الباب.
ليصر*خ...... ماحدش يدخل.. اللي هيدخل هطلع روحه..لتضحك وتذهب الي الباب ليصر*خ.... طب استني استني يا زفته هقابله الله يخرب بيتك خشي البسي زفت علي دماغك.قلبي هيقف منك لله.
لتقترب وتقول.. بحبك وانت مؤدب يا قمري يلا بقه هنشوف هنعمل ايه عشان قلب كارمه يرجع زي الاول واحسن انا حبيبي لازم يشيلني لتقترب منه وتقبله بقوه.. مستنياك تشيلني موت ساعتها هطلعه عليك واستدارت ولبست وهو ينظر اليها كالابله غير مصدق ما تفعله وقلبه سيخرج من مكانه.. هتموتني يا بنت الايه هفطس في ايدك.. لتلبس وتغطي نفسها وتستقبل الطبيب ويشرعا في مناقشه وضعه وانه قريبا سيجري العمليه كان هو مشاكسا كالاطفال وهيا تصبر عليه حتي اتفقا علي كل شئ وتركهم الطبيب ليستعد لإجراء العمليه. ليهتف بسخط.. اسمعي يا بت انت العمليه مالهاش لازمه وحالتي ميؤوس منها بس هعملها عشان تحلي عن سمايا وساعتها هرميكي بره ولا يهمني وساعتها يا ريت تحسي بقه عشان بقت حاجه تقرف  ايه الرخص ده..
لتتنهد وتطرق قليلا ليشعر بوجع في قلبه لتهتف.. اعملها بس انت وساعتها اللي تاشر عليه هعمله يا قلب كارما حتي لو بعدتني الف مره المهم تبقي بخير.. دا منايا في الدنيا ومش مهم اي حاجه وتركته ورحلت.
ليشعر بالقهر.. نفسي اخدك في حضني اشبع منك بس هتعملي بيا ايه واحد عاجز هتعملي بيا ايه ليجهش بالبكاء .. تعبت تعبت يا رب انجدني من اللي انا فيه.. هموت عليها ومش قادر لازم تبعد لازم تبعد.. مفيش حل تاني ليك يا ايان اوجعها علي قد ماتقدر اعمل العمليه اللي هيا فاكره انها هترجعك وانت اصلا ماعدش ليك مكان اوجعها يا ايان اوجعها ودوس علي قلبها هتبعد كارما مش هتستحمل وجعك تاني خلاص كده وكمل عيشه ميته ماتفرقش... خلاص هوجعك يا عمري واقضي عليكي عشان تكرهيني وتبعدي ليقرر شيئا سيخلع به قلبها عن جداره.
ميفو السلطان ❤️ ❤️ ❤️