كإني سمعت صوت سيدنا النبي صلى الله عليه وسلم لما شوفت الصورة دي وهو بيقول لأنجشة:"رويدك يا أنجشة لا تكسر القوارير"!
-مين أنجشة؟!
=أنجشة كان غُلام صوته جميل جدًا، وكان شغال حداء يعني بيقول للجِمال شعر بصوت معين وبطريقة لحن معينة، فالجِمال لما تسمعه تتمزج وتبقى أسرع في المشي، وتمشي مسافات طويلة من غير تعب!❤
وفي حجة الوداع أنجشة كان مسئول عن هوادج زوجات سيدنا النبي صلى الله عليه وسلم، وهو بيقول الشعر للجِمال اللي شايلة الهوادج دي، الجِمال بدأت تسرع أكتر فبالتالي كل الهوادج بقت بتتحرك بشكل أكبر يمين وشمال، وده للأسف بيسبب تعب شديد للنساء اللي داخل الهوادج، فسيدنا النبي صلى الله عليه وسلم لما شاف المنظر ده قال لأنجشة:"رويدك يا أنجشة لا تكسر القوارير"❤
ديننا دين رفق❤
أنجشة✨
YOU ARE READING
قصص دينيه وعبرة (3)
Spiritualصل على محمد وال محمد كما صليت على ابراهيم وعلى ال ابراهيم انك حميد مجيد
