ثاني نهار
براء بعد الي صار محبيتش نهبط بقيت قاعدة في بيتي لكن لبنات جاو عندي
جميلة علابالك البارح هبطت تتعشا عادي وكانه مكان والو كون تعطيني وجها نقابل بيه المهم انت يبراء اهبطي تفطري و اعملي روحك وكانها مكانش هده ماشي مربية ووجها صحيح بصح البارح يمان دار حرب عليهك ههههههههههههه
براء ههههههههههههههههه
وليت هبطت معاهم فطرت ورحت لكوزينة درنا قناوية للغدا بالحم و معاها سلاطة و حميس حتى لل2 كمانا كلشي
نازك هبطت صباح الخير
الكل صباح الخير غير براء مردتش
نازك نجمة روحي ديريلي فطور مت بالجوع
خولة حطيت التليكوموند من يدي وانت وعلاش متنوضيش تحطي فطور لعمرك ولا معاقة نوضي هاي الكوزينة قدامك دير رهج ارهجيه
نازك واش بيك الحاجة على الصباح انا اكبر منها و نخرها واش فيها و ديجا انت علابالك انا شيخة وكنت في دارنا كلشي يجي قدامي والخدامة هوما الي يعمملولي كلشي نحتاجو
خولة الهدرة هده كيييي كنتي في داركم ماشي هنا هنا مكان لاشيخة لا بطيخة هنا انت كنة حالك حال الكناين لازم تنوضي معاهم اليد باليد تنضفي تغسلي تطبي هوما ماشي خدامات تاعك
نازك اسمحيلي الحاجة بصح انت معندو مادخلك انت هنا ضيفة واحنا مالين الدار
دارين اااي احترمي روحك مراناش قاعدين في دار بوك واحنا دارنا راهي تتبنا غير تكمل نروحو مميتينش على وجهك باه نصبحو عليك كل يوم
نازك ياريت نهار المنى
مريم نااااااااااااااااازك
نازك ااااااااا
مريم احترمي روحك يما خط احمر و الدار دارها وماشي قدك باه تهدري معاها هكا اول واخر مرة
خولة خليك منها يا مريم هده وحدة قليلة تربية و حيا ومعليهاش لوم
نازك ااااااا
خولة بلعي فمك قبل مانضربك بالكاس للراس راني بسيف حاكمة روحي عليك
نازك ااااف راني جيعانة وكيفاش درك نبقا هكا
نجمة استغفر الله رحت درتها فطور
نازك واش احوالك براء
براء وانا نلعب مع مريومة عملت روحي مسمعتهاش و محبيتش اصلا نشوف معاها
نازك وعلاش متجاوبيش واش مزالت زعفانة ماشي انا طلبت منك السماح
براء لا رد
نازك في قلبي مترديش معليش تخلصيها غالية مريومة حبيبتي انا متجيش عندي متحبينيش
مريومة لالا منحبكش نحب غير براء
YOU ARE READING
نور اضاء حياتي
Romanceقصة فتاة طيبة و بريئة يتم التبلي عليا وتشويه سمعتها هل تستطيع تبراة نفسها تابعو القصة و احداثها الشيقة
