نور اضاء حياتي

الحلقة سبعون

براء كي شفت يمان قدامي حسيت بلي حاجة فيا تكسرت لانني عرفت انو سمع كلشي هدرتو عيه و انا والله ماقصدي نجمة استفزتني بالهدرة ووصلتني نهدر امور مكان لا على بالبال ولا الخاطر 

 قلتلو يمان 

يمان هزيتلها يدي قلتلها خلاص معندك متبرري هدا رايك الشخصي فيا وانا قلتلك مانسيف عليك والو و انت ماشي بسيف عليك تقعدي مع واحد تعيفيه و تتقززي منو  وقلتهالك و نعاودهالك انا مدابيا تكوني مرتاحة ولوكان على حساب نفسي وانا رح نحققلك الرغبة تاعك و نفكك مني 

براء وليت غير نبكي قلتلو اصبر نفهممك يا......

 يمان متقلقيش روحك انا راح نقولهم بلي الغلطة مني ماشي منك غير اصبري عليا يروحو دارنا للخطبة تاع قصي وكي يرجعو نبدا في معاملات الطلاق ممبعد نرجع للندن لان باينة مرانيش في بلاصتي الصح وفي الوقت الي نبقاوه هنا مراح نقلقك ولا راح نوريلك وجهي 

وادا خايف من داركم و باباك ميقبلكش انا راح نهدرلهم كلشي على ولد عمك  وراح يسامحوك و يتقبلوك كيما قبل  اسمحيلي وجيت رايح 

 براء حكمتو من يدو ربي يعيشك يمان غير اسمعني والله ما..........

يمان بعدت يدي منها و تبسمت بخيبة امل قلتلها متمسينيش وانا علابالي بلي تعفيني وخليتها ورحت 

براء طحت على ركايبي من الفشلة و الاحباط الي حكمني لان يمان سمعني و زاد معطانيش حتى فرصة نهدر و نبررر نفس الغلطة تاع المشكلة تاع الاول وعاودها درك بصح حسيت بلي هده هي اخر محطة في علاقتي مع يمان 

 قلت لنجنة خلاص يمان كرهنب انا كون جيت في بلاصتو وسمعتو هدر عليا هكا نكرهو ومستحيل نبقا معاه و هو تاني راح يعمل هكا خلاص خلاص كلشي يا نجمة نهدر و نبكي 

نجمة لالا مستحيل يمان يخليك يمان يحبك بزاااف وهو درك مقلق و منارفي غير يهدي شوية يرجع يهدر معاك 

براء والله والله هدرت الهداير هدوك بلا اي قصد وربي الي عالم غير خاطر مضغوطة و مقلقة و انت بقيتي تضغطي عليا والله انا كدابة انا نحبو ومنقدرش نعيش بل بيه 

نجمة حضنتها و قلتلها خلاص حبيبتي هدا غير مجرد سوء تفاهم وانا درك نروح نهدر معاه و نفهمو 

براء بعدت شوية من صدر نجمة و قلتلها وكون يعملها صح و يسافر 

 والله علابالي يعملها انا نعرفو مليح زعافو صعيب و يتحمل كلشي و ميطيحش بنيفو وانا جرحتو بزاااف و كرامتو هو فوق كل اعتبار 

يعني رايح و يخليني راح يطللقني يا نجمة 

نجمة براء انت كنتي حابة تطلقي هاو راح يطلقك 

براء ربي يعيشك متزيدينيش كنت غير زعفانة منو بصح انا عمري ماخممت صح نتطلق منو 

نجمة خلاص ربي يعيشك  راح تموتي من البكاء و الله درك نروح نهدر معاه نوضي اغسلي وجهك و ارتاحي