ساعة بال4 الفجر
اندگت الباب طلع علي فتح الباب وشاف نارين بالگاع ومغمى عليها وشكلهة كلش متأذية
انقهر ونزلت دموعة على حال اختة
شالهة وفات بيها للبيت
علي : يابة يمة هياتهة نارين
الأم : عززااا بعيني هاي شمسوين ببنتي
الأب : حسبي الله ونعم الوكيل
كيان وعمر مصدوومين
خالد : اني اعلمهم ذولا الكلاب ولد الكلاب
يوسف : اخخخخ يالقهر باع شمسوين باختي
الأب : امشو يابة نوديهة للمستشفى
ودوهة للمستشفى ضمدو جروحهة وصحت ورجعو للبيت ونارين محجت ولا كلمة راحت لغرفتهة قفلت الباب وسبحت ونامت
بعد مرور كم يوم ونارين على نفس الحالة والاهل خايفين عليها
عمر : اخخخخ يالقهر هاي شسوو بالبنية اشو رجعت لا تحجي لا تاكل
كيان : هسة شلون نرجعهة مثل قبل😭
يوسف : يابة خلي ناخذهة على دكتور نفسي
خالد وعلي : أي والله ...خوش فكرة
الأم :اي اي ودوهة بلكي ترجع مثل قبل
نارين نزلت لكيتهم ديحجون علية عبالهم صار بية شي ويريدون ياخذوني على دكتور نفسي
اني مابية شي بس تعبانة وهمة مديفهموني بس اجتي ببالي فكرة
نزلت وگلتلهم
نارين : اذا تريدوني ارجع مثل قبل سوولي الي اريده
الأب : شتريدين يابة كلشي تريدي اسويلجياه
نارين : اريد اقدم كلية عسكرية
صدمة صدمة صدمة
الكل : شنو
نارين: اي واذا مقدمتولي على الكلية العسكرية حبقة هيج طول عمري
بعد مرور دقائق
الأب : اني موافق
الكل انصدم بس بنفس الوقت فرحو لان نارين راح ترجع مثل قبل
نارين... اتفاجئت من كال بابا انو هو موافق بس فرحت كلللش
علي : بس حبيبتي انتي ليش تريدين تدخلين كلية عسكرية
نارين ابتسمت وجاوبت : حتى انتقم من الخطفوني وما اخليهم يخطفون بنات الناس شوكت ميعجبهم اريد اعذبهم مثل ما عذبوني
علي : يمة فديت اختي القوية
نارين : خلود اني ضايجة گوم خلي نطلع كلنة
خالد : اي حبيبتي تدللين من عيوني
يوسف: لعد يلا گومو بدلو
الكل : تمام ....اوكي
راحو ديلبسون
سمعو عيطة من غرفة نارين كلهم خافو وراحولهة
شافوهة مليانة طحين من فوگ ليجوة
طلع عمر مسوي بيها مقلب
نارين : عممممر لك اني اعلمك
يوسف : هههههههههه انتة متتوب شكبرك صرت وبعدك تسوي مقالب
عمر :نو نو ما اتوب وأحد گلك المقالب للصغار
رجع كل واحد لغرفتة ولبسو وراحو للكورنيش تونسو ورجعو للبيت نامو
YOU ARE READING
النار والشهامة
Teen Fictionقصة خيالية خطرت ببالي واني دا ادرس واتمنى تعجبكم القصة هي عبارة عن بنت تحقق حلمهة وتنتقم من ......... اقرو الرواية حتى تعرفون😂 تفيد للمراهقين
