ချစ်လှစွာသောလွန်း
မီးရောင်စုံတွေထိန်လင်းပြီး ဗြောက်အိုး
ဖောက်သံတွေ မီးရှူးမီးပန်းဖောက်သံတွေ ဆူညံနေတဲ့ သီတင်းကျွတ်ညတစ်ညက...
"ဆောရီးနော် အဆင်ပြေရဲ့လား"
လူတစ်ယောက်နှင့်တိုက်မိလို့ လွန်းယူလာတဲ့ နှင်းဆီပန်းဖြူဖြူတွေဟာ လမ်းမပေါ်မှာ
ပြုတ်ကျလို့နေသည်။
"ဟုတ်ကဲ့..ရပါတယ် အ့"
"နှင်းဆီမှာအဆူးတွေနဲ့လေ ဖွဖွလေးကိုင်ပေါ့ဆူးမိရင်သွေးထွက်မှာပေါ့ အစ်ကိုရဲ့"
သူ့ရဲ့သွားတက်လေးပေါ်တဲ့အထိရီပြနေတဲ့
ကောင်လေးကို လွန်းကြည့်နေမိတော့သည်။ အဲ့ကောင်လေးက လွန်းထက်အသက်ငယ်တဲ့ပုံပေါ်တာကို လွန်းကိုမလေးမစားနဲ့ဆက်ဆံနေတာကိုတော့ လွန်းမကြိုက်။
လမ်းမပေါ်က နှင်းဆီပန်းအဖြူတွေကို
မြန်မြန်ကောက်ပြီး ထွက်သွားဖို့လုပ်နေတဲ့
အချိန်...
"နာမည်လေးသိလို့ရမလား"
ဆိုတဲ့ အသံလေးကြားလိုက်ရတယ်။
"လွန်း..."
ထိုစကားတစ်ခွန်းကိုသာ ပြန်ပြောပြီး
နှင်းဆီပန်းတွေကို လက်နှင့်ပိုက်ရင်း ထိုနေရာကနေ ထွက်လာလိုက်တော့သည်။ လွန်း
နောက်ကိုပြန်လှည့်မကြည့်ဘဲ ထွက်လာ
လိုက်တာ ထိုကောင်လေးအပေါ်လွန်သွားလားမသိ။ကျေးဇူးတင်တယ်ဆိုတဲ့စကားတစ်ခွန်းတောင် မပြောခဲ့ရ။လွန်း တစ်ကိုယ်ကောင်း
ဆန်ခဲ့မိတယ်။
_ _ _
"လွန်းရေ...ဒီနေ့ သီတင်းကျွတ်လပြည့်နေ့ဆိုတော့ အိမ်ရှေ့မှာ ဖယောင်းတိုင်လေးတွေ ထွန်းလိုက်ပါ
အုန်း"
"ဟုတ်ကဲ့ ကြီးမေ"
ကြီးမေရဲ့စကားအတိုင်း အိမ်ရှေ့မှာ မီးထွန်းဖို့ ဖယောင်းတိုင်လေးတွေကို လက်မှာကိုင်ရင်း အိမ်ရှေ့ကိုထွက်လာလိုက်တယ်။ လက်ထဲက ဖယောင်းတိုင်တွေကိုမြေပေါ်မှာထောင်ပြီး
မီးထွန်းဖို့ မီးခြစ်လိုက်ချိန် ရုတ်တရက်
လေတိုက်သွားတာကြောင့် သဲမှုန်စလေးဟာ လွန်းရဲ့မျက်လုံးထဲဝင်လို့သွားတယ်။ လွန်းရဲ့
မျက်လုံးကိုဖွင့်လို့မရတာကြောင့် လက်နှင့် မျက်လုံးကို ပွတ်နေရသည်။
YOU ARE READING
ချစ်လှစွာသောလွန်း
Short Story^မောင့်ကိုချစ်ပေမယ့် တစ်ခြားအမျိုးသမီးကိုမောင့်ရင်ခွင်ထည့်ပြီးချစ်တာကိုတော့ မကြည့်ရက်ဘူးမောင်! ချစ်တယ်ဆိုတာလေးတော့ သိစေချင်တယ်^
