گال الكلام وسد الخط وهنا ادركت ان انا وصلت النقطة. كلش عميقة بداخله وهذا الي اريد اوصله بدأت الخطة
فتحت الماحدثة ورجعت رسلت اله " 03.03 "
بس شافها دزلي
" 7.4.6 " وكاتب يمها :-سبع اشهر اربع ايام ست ساعات
ماعرفت شنو المعنى بس تأكدت ان هو جان يقصد سالفة طيف والرهن من گال المنتقمة مو غير شي
دخلت خيال تحجي بتليفونها
خيال: وهسه شنو الاجراء المفروض اتخذه حتى اذا يطلعون بنفس الساعة انا اريدهم ينسحلون
بقت تحجي شويه بعدها غلفته باوعتلي وحچت
خيال: شبي وجهج
رميم: هاا شبي
خيال: وضعچ مو طبيعي رميم بس تصفنين وتفكرين
سكتت اتقربت مني عدلت شعري بيدها وگالت
خيال: اذا اكو شي شاغل بالچ تگدرين تحچينه الي وتخففين منچ شويه هاي للمرة الالف اكولها الچرميم: ماكو شي
خيال: اتمنى ماكو شي رميم اتمنى بس اذا طلع اكو شي جاي يصير من وراي ما راح يصير خير وهاي انا حذرچ
مارديت عفتها وطلعت من الغرفة دخلت للحمام گلبي رجف من كلام خيال ادري بيها من تگول شي تسوي
اختنگت طلعت ورحت الفراشي غطيت راسي وطلعت صورة ابوي بالتليفون ماتحملت صرت اشهگ وابچي بصوت عالي حسيت روحي مثل طفلة وتايها من اهلها وسط غابة حسيت روحي بلا سند ومعرضة الكلشي ومحد يحميني
حست بأيد تهزني
خيال: رميم امي اسم الله شبيچ ليش تبچين
ماجاوبتها وزدت بالبچي جرت الغطا تحچي
خيال: گومي حاچيني لا تشلعين گلبي راح اموت من الخوف شبيچ
بعدت الشرشف من راسي وحچيت بدموع
رميم: خيال اريد امي اريد اروحلها ادعي ربي ياخذ عمري حتى اشوفهم
شهگت جرتني الحضنها تبوس بيه وتحچي
خيال: اششش شنو هذا الحچي ليش هيج تگولين رميم اذا صارلچ شي اموت ماتحمل
YOU ARE READING
تاروت
Mystery / Thrillerقصه حقيقية بقلمي : زينـب علـي طلعت من المستشفى اسحل بروحي من وموضوع الرقم كلش قلقني انا متأكدة هو بس شلون دخل للبيت شلون كتب الرقم على ايدي وانا نايمة فتحت باب السيارة وصعدت جانت ظلمة دنيا ليل تعبت من التفكير سندت راسي على ستيرنك السيارة بقيت فترة ع...
part «24»
Start from the beginning