غياهب الغانِيَات

البارت العاشر

انا الخَلِيتنِي بَلا لون شَشكِيلك؟
انا الكل ما أصفن تِجي بّالي وأغنيلك..
عَن يَاهِي اسولفلَك!
انا المَتعُوب منك حِيل شَحجيلَك؟!

غياهب الغانِيَات
بقلمي (ريـــــبــال)

لاتنسون التصويت والتعليقات بين الفقرات

______________________________

ٕ

ٕ

فرح صارلنه اسبوع هنا واخوانه يعاملونه احسن معامله تعودنه عليهم شويه وبذات الأســـد...

بس اني احس نفسي مضيعه روحي ويه يمــان المااعرف شلون اڪدر اوصله واحاجي التفكير أكل روحي واني افكر بيا طريقة اكدر اوصله اخير شي قررت آخذ تليفون واحد من الولد وشيصير خل يصير لأن روحي طكت ضليت مراقبتهم واحد واحد وانتضر اللحضه المناسبه حته آخذ واحد منهم لحد ما أڪبر خله جهازه بـ أيد شهم وراح يسبح ضل كلبي يدك حيل شلون أڪدر آخذه واني أفكر صاحت عليه امه تأفأف ذب التليفون بالڪاع وطلع تنفست وكمت اركض أخذته وبوجهي لفوك فتت للغرفه سديت الباب ونتجيت عليه روحي رايحه التليفون بـ أيدي ماخليته يطفه لأن بي باسوورد ومااعرفه فتت عله الاتصال وخليت رقمه وگلبي يدك ويه دگه الجهاز طول يله جاوب واجاني صوته الياخذ روحي ببحته

يمــان... الو

... منو
... الووو

فرح بهمس ... يمــان

يمــان... فرحتي

فرح... ياروح فرحتك انت مشتاقتلك

حجيتهة ونزلت دموعي

يمــان... موكدي ياروح يمــان وراحته ولله گلبي ناار عليج وين اختفيتي وخليتيني

فرح.. مو بـ أيدي ولله يماني حبيبي راح احجيلك ع سريع اريدك تسمعني بدون ماتسأل لان مااكدر اطول ماخذه جهاز اخويه واخاف يطلع

يمــان... لحضه لحضه يااخوج منو انتِ

فرح.. شبيك ولله فرح بس جاي اكلك لاتسأل اي اخويه

يمــان.. منيلج أخو انتِ فرح بيج شي وين انتِ

فرح.. يم اخواني

يمــان.. شلون راح تخليني اغلط لج بابا احجي عدل لاطلعين سواديني

فرح.. حقك اذا اني ستوني استوعبت انت شلون

يمــان.. شستوعبتي الغي خلصيني

فرح.. اني عندي اخوان خمسه

يمــان.. فرح شتخبطين كليلي وين انتِ اجيج

فرح.. بالبصره

حجيتهة وغمضت لأن اعرف بالي راح يصير

يمــان... شنوووووووو شبييييج فرررررح لاتخوفيننيييييي

فرح.. لاتخاف ولله ولله ماكو شي شوف شوف هسه اخاف أڪبر يطلع باوع اني عندي خمس اخوان بس ماجنه نعرف ماما موصيه خاله ام سالم توصلنه الهم لان من جنه صغار ماما شارده بينه بسبب مشاكل