Ｃａｌｉｇａｒｉ(Complete)

YOU ARE READING

Fanfiction

You are the 𝙡𝙖𝙠𝙚, the 𝙨𝙩𝙖𝙧𝙨, the 𝙢𝙤𝙤𝙣? Ethereal music's soulful tune Princess of the glacial water Nevermore a lover, daughter In death, your voice will soar the plains Sing for me those sad refrains Graceful swan, my deep regret you ne...

#ballet #wangyibo #xiaozhan #zhanyi #zsww

Prince Siegfried

Start from the beginning

by _GloriaMie_

Flashback

"ဝမ်ဟန်၊
မင်းရူးနေလား မင်းအခု ဒီလို လုပ်လိုက်တာ သစ္စာဖောက်တာပဲ နားလည်ရဲ့လား"

ဒေါသတကြီး   အော်ဟစ်လိုက်သော   စကားအဆုံး အိတ်ထဲသို့ တေးသွားစာရွက်များ ထည့်နေသော ဝမ်ဟန်၏ လှုပ်ရှားမှုများဟာ ရပ်တန့်သွား၏။
မင်ရှိူ့ရှိရာသို့   ဖြေးညှင်းစွာ ကြည့်လာသော သူ၏ မျက်လုံးထဲတွင် မျက်ရည်စများ ပြည့်နှက်နေပေမယ့်    ခံစားချက်များမှာတော့    ဗလာကျင်းနေကြောင်း ပေါ်လွင်နေသည်။
စိတ်လိုက်မာန်ပါ ပြောမိပြီးကာမှ   ဝမ်ဟန်၏ တုံ့ပြန်မှုကြောင့် မိမိကိုယ်ကိုယ် လွန်သွားကြောင်း မင်ရှို့ သတိထားမိလိုက်သည်။
နားနေခန်းအတွင်းသို့   ကပြာကယာ   ဝင်လာသော မေယွဲ့က နှစ်ယောက်လုံးအား ဖျောင်းဖျပြောဆိုရင်း အခြေအနေအား ထိန်းသိမ်းနိုင်ရန် ကြိုးစားရှာသည်။

"ခုမှရန်ဖြစ်နေလည်း ထူးသွားတာမျိုးမှ မရှိတာ။
ပွဲအချိန်ကလည်း အရမ်းကပ်နေပြီ
မင်ရှို့ ကျွန်မတို့တွေ Giselle ပဲ က'ကြမလား။
ကိုယ်ပိုင်ဖန်တီးထားတဲ့ တေးသွားမျိုးမဟုတ်ပေမယ့်လည်း၊
ကျွန်မတို့တွေ ကိုယ့်နည်းကိုယ့်ဟန်နဲ့ဖြေရှင်းနိုင်မှာပါ။"

မင်ရှို့အား ပြောနေရင်းမှ သူ့အားကြည့်လာသည့် မေယွဲ့၏ အကြည့်တွေထဲတွင် အထင်သေးသော အရိပ်အယောင်များ ပါနေသည်ကို ဝမ်ဟန် ဖမ်းမိလိုက်တဲ့ အခိုက်အတန့် ၊
အင်မတန်မှ တုန်လှုပ်သွားခဲ့ရသည်။
ကိုယ်တွင်းရှိ သွေးဆဲလ်များအားလုံးဟာ ပျက်သုဥ်းသွားလို ခံစားရပြီးနောက်    သူ၏ ဖြစ်တည်မှုဟာ အခွံသက်သက်သာ။
သူဟာ အရှုံးသမားတစ်ယောက် ဖြစ်ခဲ့တာပဲ။
လုပ်ခဲ့သမျှ အောင်မြင်မှု တစ်ခုလေးတောင်မရှိခဲ့ပဲ စင်နောက်ကွယ်က အဖြည့်ခံသာသာ လူတစ်ယောက်။
အခန်းတွင်းမှ ထွက်ခွာသွားသည့် ထိုနှစ်ယောက်သား၏ ကျောပြင်တို့အား ငေးရင်း ဝမ်ဟန်၏   တင်းကျပ်ပြည့်သိပ်နေသော ရင်ဘတ်အတွင်း ဝမ်းနည်းစိတ်ရော မုန်းတီးမှုတို့ပါ ရောပြွန်လျက်။
ပြိုင်ပွဲအတွက်   သူရေးစပ်ခဲ့သည့် တေးသွားအား တစ်ဖက်အသင်းအား ရောင်းချမိခဲ့ရာမှ စ၍   ပြဿနာများ အစပျိုးရခြင်း။
တကယ်တော့ ဝမ်ဟန်၏ ရည်ရွယ်ချက်မှာ   သူတို့ စွတ်စွဲသလို သစ္စာဖောက်လိုချင်မျိုးမဟုတ်။
သူ၏ ကဏ္ဍအား အသိအမှတ်ပြုပေးစေချင်ရုံသာ ၊
အောင်မြင်မှုတွေကြား သူ့ကို    ဘေးလူတစ်ယောက်လို ဖယ်ထားတတ်သည့် သူတို့အား သူ့၏ တာဝန်မှာလည်း တစ်စ အရေးပါကြောင်း ပြချင်ရုံသာ။
သို့ပေမယ့် ရလဒ်မှာတော့ သူသည် နိမ့်ကျသည်ထက် နိမ့်ကျသည့် လူတစ်ယောက်အဖြစ်သာ။
အထင်သေးသလို အကြည့်တစ်ချက်ဟာ မြှားအဆင်း ၁၀၀လောက် ရင်ထဲစိုက်သလို နင့်သီးမှန်း မသိကြလေသည်လား။
ထိုနေ့မှစ၍   တစ်ဆတစ်ဆ ကြီးထွားလာသည့် ဝမ်ဟန်၏ သိမ်ငယ်မှုများမှာ နောက်ဆုံးတွင်   သူတို့ အားလုံးအတွက် ပျက်စီးရာပျက်စီးကြောင်း လက်နက်တစ်လက်ဖြစ်လာခဲ့သည်။