Unicode
The Gray:Melancholy
မျက်ရည်တစ်ပေါက်.....
နှလုံးသွေးတစ်စက်.....
စုတ်ချက်ကိုချယ်
မှိုင်းပျပျ မီးခိုးဖျော့ရောင် စွန်းတဲ့
ကြေကွဲခြင်း ကားချပ်ငယ်
ရွက်တလူးလူး လှေရယ်
မီးခိုးရောင် သုမုဒ္ဒရာ အလယ်မှာ
လေနှင်ရာ လွင့်ပါတော့။
~~~~~~~~~~~~~~~~~~~~~
ရှောင်းကျန့် အိမ်ထဲသို့ ဝင်လိုက်ပြီ ဆိုရုံဖြင့် တွေ့လိုက်ရသော ရိပေါ်ကြောင့် မလုံမလဲစွာ မျက်နှာလွှဲမိသည်။
စိတ်ပျော်ရွှင်နေပုံရသည့် ကောင်ငယ်လေးကတော့ ရှောင်းကျန့်အား ငေးရင်း ပြုံးယောင်ယောင်လေးဖြစ်နေ၏။
ခက်ထန်မာကျောသည်ဟူသော သတင်းဖြင့် ကျော်စောသည့် ဝမ်ရိပေါ်သည် ရှောင်းကျန့်တစ်ယောက်ရှေ့တွင်တော့ သူ၏ တံတိုင်းမှန်သမျှအား ဖြိုချထားပုံပင်။
နီးကပ်လာခဲ့သည့် အချိန်တွေအတွင် ရိပေါ်၏ ပျော့ကွက်အား ရှာ၍ ထိုးနှက်ရလို့ အောင်ပွဲခံရန်မှာ သူ၏ အကြံအစည် ဖြစ်ပေမယ့် ထိုအရာမှာ နှလုံးသား တစ်စုံ ဖြစ်နေခဲ့ရင် ဆိုသည့်အကြောင်း သူတစ်ခါမှ မတွေးခဲ့။
ဝမ်ရိပေါ် ပြိုလဲသွားမည့် မြင်ကွင်းအား ညတိုင်း မြင်ယောင်ကြည့်ကာ ကျေနပ်ခဲ့ဖူးပေမယ့် အခုလို အပြစ်မရှိသယောင် ပြုံးပြနေပြန်တော့လည်း ရင်ထဲတွင်တော့ အောင့်သက်သက်။
တကယ်ကို ဝမ်ရိပေါ်က သူတောင်မပိုင်သည့် နှလုံးသားအပေါ် ပိုင်စိုးပိုင်နင်း ဆန်လွန်းတာပဲ။
"ကော်ဖီ သောက်မလား"
လေထုအား ထိုးဖောက်လာသည့် ရိပေါ်၏ အသံ။
ခေါင်းငြိမ့်ပြလိုက်တော့ အိမ်အကူတစ်ယောက်ယောက်ကို အကူအညီတောင်းလိမ့်မည်ဟု ထင်မိပေမယ့် ကိုယ်တိုင် အနောက်ထဲသို့ ဝင်သွားသည့် ရိပေါ်ကြောင့် ရှောင်းကျန့်မှာ အံအားတသင့်။
တဆက်တည်းမှာပင် တင်းကျပ်နေသော ရင်ထဲမှ သက်သောင့်သက်သာ မဖြစ်။
သွေးကြွေးသာ ဆပ်စေလိုတဲ့ သည်ကစားပွဲမှာ ရင်းလိုက်ရသည်က နှလုံးသားတို့မှန်း ဘယ်သိခဲ့ပါ့မလဲ။
YOU ARE READING
Ｃａｌｉｇａｒｉ(Complete)
FanfictionYou are the 𝙡𝙖𝙠𝙚, the 𝙨𝙩𝙖𝙧𝙨, the 𝙢𝙤𝙤𝙣? Ethereal music's soulful tune Princess of the glacial water Nevermore a lover, daughter In death, your voice will soar the plains Sing for me those sad refrains Graceful swan, my deep regret you ne...
