عالم مجهول

الرابع والعشرون"بذور النجوم"

:دي ارضنا يا "أنمار"

"بدئنا في السير لداخل تلك المدينة لاجد البشر الزواحف كانوا في كل مكان كانوا، ينظروا الي نظرات كره وغل وكراهيه رائيت ايضا بشر وكانوا جميعهم يعملوا منهم من كان ينظف ويحمل طوب وويقطعوا الاشجار كانوا جميعا يرتدوا زي موحد قمصان وسروايل لونها بني. كانت اشكالهم متعبة، و مبعثرة للغاية ،كانوا مثل العبيد وجميعهم كانوا ينظروا الي نظرات انكسار وخوف كانهم يريدون تحذري من شيء ولكن خائفين ان يقتربوا مني ،سرنا كثيرا الي ان وصلنا الي اطول مبني عندما دخلنا شعرت كاني دخلت سفينة فضائية من كثر التطور الذي رائيتة اجهزة كثيرة وشاشات (الهيلوجرام) كانت في كل مكان يبدو مثل مشفي ،او معمل متطور جدا ،وكل الموجودين بداخل هذا المكان كانوا من "الدينمور" كلهم يرتدوا ملابس بيضاء ويعملوا علي تلك الاجهزه كنت انا البشرية الوحيدة الموجودة في هذا المكان كنت اشعر بالانبهار لان تلك اول مرة اري شيء بهذا التطور الرهيب ظللت اسير مع جمار الي ان وصلنا لغرفة يوجد بها فراش وجهاز طبي يبدو انة متطور جدا كان يخرج منة اسلاك كثيرة متوصلة علي خوذة نظرت الية باستغراب "

:انت جايبني هنا لية يا "جمار"والعمال الي شوفناهم واحنا داخلين دول كانوا بشر ولا "دينمور"؟
:الي برة دول كانوا بشر وال DNA بتاعهم مفيهوش اي حاجة من جينات" الدينمور" وهما موجودين هنا لانهم في وقت من الاوقات كان في بينا عقد ،واحنا نفذنا كل الي اتفقنا علية لكن هما فشلوا ونتيجة فشلهم كان لازم توصلهم لحاجة من الاتنين ياما الموت ياما يعيشوا عبيد طول حياتهم في خدمة" الدينمور "ودة كان اختيارهم انتِ بقي موجودة هنا عشان نزود المهارات والقدرات العقلية بتاعتك ودة الي هيساعدك تنفذي مهمتك
:مش فاهمه هتخليني اذكي يعني!
:مش بالظبط كدة احنا هنزود عندك حاجة اسمها ESB
:يعني اي ؟
:دة اسمة بالعربي الادراك الحسي العالي الي بيقول علية البشر الحاسة السادسة ،خليني اشرحلك اكتر كل ما الانسان عندة مهارة في حاجة معينة بيتولد بيها يعني في واحد مثلا تلاقية بيعرف يلعب كورة كويس واحد بيعرف يغني كويس واحد بيعرف يلعب مزيكا كل دي مهارات ال ESB دي تعتبر مهارة من المهارات ،لما تبقي عندك بيبقي عندك قدرة انك تتحكم في فكر الي قدامك بتقدر تخلية يختار الحاجة الي انت عاوزة يختارها بتبقي قادرة تتوقعي ردود افعال الي قدامك بيبقي عندك قدرة علي الادراك الموسبق ،بتبقي قادرة تشوفي الاحداث الي بتحصل بعيد الاحداث الي بتحصل في مكان انتِ مش موجودة اصلا فيه بيبقي عندك قدرة كبيرة جدا ان تحركي اي جسم صلب من مكانة في الحتة الي انت عاوزها من غير حتي ماتلمسيها ،في الطبيعي المهارة دي لو مش عندك انتِ بتقدري تنميها بس هيا بتاخد مجهود ووقت كبير جدا وممكن في الاخر وبعد كل دة تفشل وسواء بقي هيا عندك او مش عندك في الحالتين اما بتبقي موجودة فيكي بتبقي ضعيفة برضو مش بالقوة الكافية الي احنا محتاجينها احنا هنا بقي صنعنا جهاز بيقوي ويحفز ال ESB جوة العقل عن طريق موجات واشارات معينة لكن مش بيشتغل علي اي حد لازم تكون الطاقة الي في جسمك عالية جدا عشان التحفيذ دة يقدر يشتغل ،وانتِ اول بشري يا "أنمار"اقابلة يكون جوة جسمة طاقة بالشكل دة ،عشان كدة اما شوفتك في الكهف اثناء وقت الحراسة بتاعي مقتلتكيش لاني حسيت انك مختلفة ،الجهاز دة هيخلي مهارة الESB عالية جدا عندك خلال 30 دقيقة بس لكن ان المهارة دي مش موجودة اصلا جواكي من الاول فابعد وقت معين هتتلاشي وعشان نرجعهالك هنستعمل الجهاز ده مرة تانية .
:انا مش فاهمه انا هحتاج اصلا مهارة الESB في اي
:دي الي هتخليكي تقدري تسيطري علي اي واحد تقابلية من بذور النجوم وهتخليكي تبقي قادرة تخلية ينضم لينا بكامل ارادتة
:بس عشان برضو الاقي "بذور النجوم "دول صعب جدا انت بتتكلم عن صفات موجودة عند ناس كتير
:ماهنا بقي يا أنمار هيجي دور العين التالتة هتقدري تشوفي وتحسي بكل الي عندهم طاقة ايجابية عالية جدا هتقدري تشوفي ان ارواحهم مش ملك اجسادهم هتفهمي اكتر يا انمار كل الي بشرحهولك ده اما يبقي عندك قوة الESB خلينا نبداء دلوقتي عشان مفيش وقت

"اتجهت الي فراش وبدا "جمار"بوضع الخوذة علي راسي ويجلس علي الحاسوب ويكتب اكواد كثيرة وبعد عشر دقائق نظر الي وقال استعدي سنبداء الان اخبرتة انني مستعدة ليضغط علي زر Enter و ..... يتبع..)

Loka mahamed