Chapter (89) [Final]
ပိတ်ကားချ : Fame the Musical (End)
ပိတ်ကားအသစ်တစ်ခု စတင်ခြင်း'သန်းခေါင်ယံနေမင်းအား စောင့်စားခြင်း' ပြဇာတ်အား ရှန်းဟယ်ပြဇာတ်ရုံတွင်ဖျော်ဖြေခဲ့စဥ်ကမူ လေးဘက်လေးတန်စင်မြင့်အဖြစ် ပြောင်းလဲနေရာချခဲ့သည်။ သို့သော် ဟွာချောင်းအကတက္ကသိုလ်၏ ဖျော်ဖြေရေးခန်းမအားလုံးကတော့ သာမန်အဆင့်သာရှိပြီး ပြန်လည်မွမ်းမံရန်လည်း ငွေနှင့်အချိန်တို့မရှိပေ။ ထို့အတွက်ကြောင့် ရှန်းချိုက်သည် သာမန်တစ်ဖက်မြင်စင်မြင့်ဗားရှင်းကိုသာ အထူးစီစဉ်ထားရ၏။ ပရိသတ်များနှင့် ထိတွေ့ဆက်ဆံရမှု လျော့နည်းသွားသော်လည်း ဤဗားရှင်းအသစ်မှာ နယ်လှည့်ဖျော်ဖြေပွဲများအတွက် ပိုမိုသင့်လျော်ပြီး အနာဂတ်တွင်လည်း ပြဇာတ်ရုံအများအပြား၌ ဖျော်ဖြေပြနိုင်မည်ဖြစ်သည်။
လေးဘက်လေးတန်စင်မြင့်ပုံစံမှ တစ်ဖက်မြင်ဇာတ်စင်ပုံစံသို့ ပြောင်းလဲလိုက်ရသောအခါ ဖြစ်ပေါ်လာသည့်ခြားနားချက်မှာ အဝေ့အဝိုက်များသာမက ကကွက်များစွာကိုလည်း လိုက်လျောညီထွေစွာညှိယူရသည်။
ရှန်းချိုက်သည် အကဒါရိုက်တာနှင့် နေ့တိုင်းလိုလို အချိန်အတော်ကြာအောင် အကလေ့ကျင့်ရင်းဖြတ်သန်းနေရပြီး အကလှုပ်ရှားမှုများကိုလည်း ထပ်ခါတလဲလဲပြန်လည်သုံးသပ်နေရသောကြောင့် ထိုကာလအတွင်း အလွန်ပင်ပန်းနေ၏။
နေ့ဘက်များတွင် သူ့အတွေးများမှာ ကကွက်များကိုသာအလွန်အာရုံစိုက်ထားရသောကြောင့် ညဘက်များတွင် ကောင်းမွန်စွာ အိပ်မပျော်နိုင်တော့ဘဲ အခြားသူများအိပ်မက်ယောင်ရင်းစကားများပြောမိနေချိန်တွင် ရှန်းချိုက်ကတော့ အိပ်မက်ယောင်ရင်း ကကွက်များပုံဖော်နေမိသည်။ ကြိမ်ဖန်များစွာ ကုတင်ပေါ်တွင်လှည့်ပတ်နေပြီး မှောက်လျက်သားဖြင့်ကကွက်များဖော်လိုက်၊ ဒိုင်ပင်ထိုးလိုက်ဖြင့် အကမျိုးစုံကနေတော့သည်။
သူ့ဘေးတွင်အိပ်နေသောထန်ယီမင်ကတော့ ညတိုင်းလိုလို ကကွက်မျိုးစုံဖြင့် ကန်ကျောက်ခံရလေ့ရှိသည်။ တစ်ခေါက် အိပ်မက်ထဲ၌ ရှန်းချိုက်အပြင်းအထန်လေ့ကျင့်နေချိန် ထန်ယီမင်၏တင်ပါးဆုံရိုးကို တိုက်ရိုက်ကန်မိသွားသဖြင့် ထန်ယီမင်တစ်ယောက်အတော်လေးနာသွားပြီး နောက်နေ့တွင်တော့ ထိုနေရာတွင် အစိမ်းပုပ်ရောင်အကွက်များတောင် ပေါ်လာခဲ့သည်။
DU LIEST GERADE
Cāi Cāi || ချိုက်ချိုက် || [ မြန်မာဘာသာပြန်] (Completed)
RomantikCāi Cāi Author- MòLǐ 莫里 English Translators - Closed Window Translation Burmese Translator - littlewillow01 Start Date - 11 September 2021 End Date - 12 November 2022 This is Myanmar Translation of Chinese Novel " Cāi Cāi ". This is just fan trans...