The First Sight🔥😩

الموسم الاول "الجزء9"

سلمات عليهم و عرفاتهم على راسها نكذب عليكم يلا قلت ليكم ماتزعطوش فيها جبدات الطابليط وشرحات ليهم شنو هو البرنامج ديال هاد النهار فالجامعة وكتكلم بكل جدية وهي كتكلم وكتشوف فيهم بكل ثقة واحد بواحد وحتى هما كيسمعوا ليها ومركزين مع كلامها حيتاش كتكلم بالكورية الاعضاء ماكيتكلموش بالكورية من غير القائد ديالهم وهي كاتشرح وحاسة بنضرات مشي طبيعية كيديرها فيها واحد منهم وهي مصدومة وكاتحاول ماتبينش ومتوثرش وماباغاش تيق داكشي لي ستنتجاتو وهي ماكاين والو كانت كاتشرح هزات راسها لقات تاي كايشوف فيها شوفات فشكل ايه هما كلهم كايشوفو فيها مي كايشوفوا تا فطابليط هو لا حاضيها غير هي تانغزو ارام اوا المهم ختكم مهزوزة هههه ماكيناش هنا .... سلات الشرح ديالها خدات من عندهم لي طابليط بغات تاخد من عند تاي طابليط قاس يديها بيديه ضربها ضوو كوماكانتش بنتنا وماعرفينش شخصيتها كوسخفاتليه تما هي كحات وبتاسمات ليه وخدات من عندو طابليط بكل حترام حيتاش واخاهكاك ماتبغيش تزعم عليهم

يلاه كانت غاديا باش تدي لي طابليط عيط ليها جورج وتكلم معاها بشوية قالها من الاحسن تقربي من الاعضاء باش تفاهموا كثر هي شافت فيه وهزات حاجب لاه شنو بغيتيني ندير نعنقهوم ولا كيفاش راه وقت الخدمة خدمة مامسلياش لتمعشيق جورج لقرودة ماكيشطحوش السامبا فراسو كيشطحو لعلوة ... غمض عينيه بصبر مع هاد التريكة اللي حداه وشاف فيها وهو مكره وابنادم تقربي منهم بمعنى ضحكي معاهم وحسسيهم بالراحة فطريقة كلامك ماتجهلينيش الباشار شافت فيه كيكايهضر وهي تبرد لايصدقو قالبين هاد الحزاق كامل دارت شافت فيهم لقاتهم كايشوفو فيهم بتسمات ديك البتيسامة ديال تسلاك وضارت خنزات فداك الكائن اللي حدها وهدرات تكلم بادب الله يخليك اولا ثانيا هادشي مامفروضش عليا ثالتا نزل شوكتك شويا ولا نقلبوها خزيت الحزيت يلاه غايتجاوب معاها وهو يقوف عليهم شيف ديال ستاف سميتو ووك كاين شي مشكل امسيو جورج ... جورج بدل ملامحو وبتاسم لا ماكاين تاحاجا مجرد نقاش بسيط دارت قمر وضحكات ليه هزات راسها دربات بشعرها لور خلات جورج غايعواج شي ليلاحضو الاعضاء والستاف لي كاينين تما وبانت ليهم الشخصية قمر للي ماسهلاش ...

مشات كاتكلم مع جين العضو الكبير فالفرقة معروف عليه الضحك اوا وطاح فهاد المفعفعة كثر منو بقات كضحك معا هوجا جنغكوك وتبعوا جيهوب تاتجمعو عليها كاملين وهي كاضحك بدموع وكاتعود ليهم على الكوارث للي كانت كادير هوما كذلك جابولهم بقاو على داك الحال وهوما قولها وضحك عليها حسات براسها قريبا منهم وتاهوما كذلك وصلات وقيت الغدا جابولهم الغدا تغداو كاملين وجورج غير كاشوف وساخط "هاد الزبل فقسني انا كثر من قمر " جات اينا صاحبت قمر وخبراتها بلي نص ساعة وغايبدا الحفل الناس كلهم فالمركب وكلشي واجد دابا غير كانعاودو المراقبة ... قمر لي شافت فيها شوفة رضا اوكي بيب تحنا واجدين نكملو الماكلة وغير عيطيلي بتيلي بلا ماتعدبي راسك راك غاتعياي اينا كانت ماشية وهي تفكر شي حاجا وهي دور عيطت قمر يلاه دارت عندها غمزاتها وشيرات لتاي وضربتها وبضحكة قمر لي بقات مصدومة من هاد المفروشة دارت كاتشوف واش شافو شنو دارت هاد لمفروشة لقاتهم كايكلو وماداينهاش فيها هادشي ليبان ليها سولوني انا شنو كان شافها تاي فاش شيراتليه وغمزاتها نزل راسو وبقا يضحك عرفها مزعوطة فيه دغيا حنا راسو باش ماتشوفوش سلاو الغدا دغيا وناض كلشي الاعضاء كايتقادو اينا صونات لقمر وخبراتها بقات 10 دقايق باش يبداو يلاه غاتقطع وهو يوقف عليها جورج وماعاجبو حال جرها وجلسها شوفي غادي نهضر معاك دغيا وبلا متغوتي ولا تندبي حيتاش انا براسي ماعندي كانة الهدشي قمر وهي كاتبركم الله يسمعنا خبار الخير شافت فيديه ليشادها وهو يطلق قالتليه تكلم جورج تاقاد فالجلسة: احم انسة قمر البننت للي مسؤولة على التقديم طاحت قبايلة فاش كانت كاتدرب فالدروج ومايمكنش تقدم وهي بديك الحالة , قمر للي فهمت داكشي ولاكن مابغاش التيق قالت : اهاه ومالي انا فهادشي , جورج : قلبنا ومنكذبش مالقيناش شي وحدها لي تقدر تعوضها و تكون فالمستوى بحالك , قمر: حبس حبس , كيفاش نعوضها مانعوضها واش عارف راسك شنو كاتقول اولا بقات 10 دقايق على الحفل باش يبدى والصحافة كلهم برا ثانيا انا ماشفتش تافجيهت التقديم ولا عارفة شنو فيه ثالتا اللباس ديالي ماصالحش لتقديم ....

جورج : وهضري غير بشوية واش كاترپي حنا عطلنا الحفل ب 15 دقيقة وحداخرا و درنا مقاطع ديال الفيديو بحال اينترو على ماتوجدي والتقديم ماتخفيش ماغاتكونيش بوحديتك كاين فرانكو غايقدم تاهو معاك وماكاينش بزاف ماغايتقال وزيد عاد غاتهزي لوراق ديال التقديم , اما بالنسبة اللباس 5 دقايق ويكون عندك وهدشي مافرضينوش عليك ولكن بصح محتاجين ليك شنو بانليك

قمر طولات شوفة فيه تاشك فراسو وهضرات : صراحة مانتش غانقبل كوكان مزال الوقت ولكن دبا نوض وريني شنو غاندير وقولهم يجيبولي النص ديال التقديم ونصوص المتفرعة تال منبعد وريني الغرفة اللي غنبدل فيها

جورج: غاتبدلي هنا الغرف كلهم عامرين هنا بي تي اس سلاو من اللباس كاينين الغرف لداخل غنجيبوليك الحوايج وكلشي

يلاه غاتقولوا كيفاش هنا وهو يزيد ويخليها مهم جاو عندها ستاف ديال الجامعة وعطاولها النص ديال التقديم دخلاتو معاها فاش جابولها الحوايج جابولها بزاف ديال لي شوا وهي ختار

لبسات دغيا هي غير شافت الاسود ماولاتش فكرات جوج دلمرات وهوما عرفوها مبليا بالاسود قدات اليك اب على حساب لكامرات

وهزت الوراق وخرجات عندهم صدماتهم بنتانا بومبا زين ولاطاي خرجات حشمت فاش شافتهم كايشوفو فيها ديك شوفات خصوصا تاي وجونجكوك لكبارين شويا كيحشمو هادو والو تاي مازعزعش عينيه تاشاف فيهم جين شوفة ديال ياغتجمعو عينيكن ياغنطفيهم ليكم وهوما يدورو شافت فجين وبتاسمات ليه صراحة فاش هدرات مع جين قربات ليه بزاف وحسات بيه متفهم صافي سلمات عليهم وجا فرانكو عندها باش يتافقو شنوغايديرو كلها كترعد من الداخل هي بصح بنت لي شخصيتها قوية وماتزعزعش فهاد المواقف ولكن القضية عالمية صحافة من جميع انحاء العالم يعني يلا دارتخطا بسيط غيبان والمشاهد مكيرحمش تبتات راسها كملات هضرتها مع فرانكو شخص ضريف فهم ليها بشوية وتبتها تاهو شربات الما وناضت قدات الكلوز وتوجهو المسرح...