The First Sight🔥😩

الموسم الاول "الجزء1"

ها وحد سلام عليكم معكم الفليفيلة شخصيا كيما خلاتها القيدة غيثة انا انسانة حيوية حركية مدودة فيا دودة و دود نوعان كين دود متحت الارض و دود فوق الارض لي هو انا كنطير مع الطيور جنون سيدنا سليمان ولكن تاوحد ماعرف هدشي حيتاش لي يشوف وجهي تحلفي ما انا لي كاندير هاد الفعايل

غنعاودليكم شوية على طفولتي باش التعرف على شخصيتي كثر انا منقدرش نقولكم دازت طفولتي بحال قاع البنات امبوسي لا يمكن وغير مسموح ولا يجوز حيتاش انا ماشي بحال البنات منهار عقلت على راسي و انا كنلعب معا دراري او بالاحرى ولاد عائلتي حيتاش انا الوحيدة لي فالعالة لي تزديت وماعنديش بنت قدي فالعائلة لي قدي فسن غير ولاد كانوا ثلاتة ديما كنلعب معاهم وكيعطيوني صلخة دلعصا مكيرضاوش يلعبو بنت معاهم قالك حقا ماحقا كنضيع ليهم الطرح ويسحاب ليكم كيضربوني كنبكي عمري فحياتي بكيت وخا يحكر عليا شي حد من صغري ونا انسان كتفكر بعقلها ومكتعاطفش وا بسيف وانا قلت ليكم زهري غير مع دراري تاولفت وليت كنلعب غير مع الدراري ديال العائلة والبنات لا اولا البنات لي من عائلتنا كنت داك ساع انا صغيورة فيهم وكان كلشي كيديري الخاطر و مع فايقة فينما مشيت كندير بلاصتي كانوا كيسبكوا عليا وكيقولولي نتي صغيورة هدشي كبير عليك وهما اصلا كان بيني وبينهم غير عاماين اخوتييي وكانوا كيلعبوا غير بالمونيكات واكيفاش هاد البلان ديال هدشي كبير عليا ههه المهم انا ستسلمت مناحيت البنات او بالاحرى اصلا مكانش كيعجبني داك التبجاق ديال البنات ههه بيني وبينكم كاع داك البنات كانوا كيديرو اطنسيو مني حيتاش ريشت الكبير الحفايد فالعائلة لي هي بنت عمتي كلشي ولا كيعيط ليا شطاماطا فالعائلة ولكن عمرهم كرهوني حيتاش ديك بنت عمتي كلشي عارفها كذابة وبوحاطية ونهار لي ريشتها حيتاش بغات تاخدلي واحد اللعبة ديالي كتموت على حاجت الناس وطاحت معايا غير انا لي كنموت على حاجتي اوا فاش بغات تاخدهالي مبغيتش نعطيهالها سباتني وانا داك ساع مزال صغيرة حمارة وكاتجيني عيب اوا فاش سباتني انا انسانة مكتسكتش على حقها تقول غير رضعتها مع الحليب فالصغر جيت انا قولتلها بعدي مني على زبلة تفو على طماعا بيني وبين هاد بنت عمتي 6 سنين مشات كاطير عند عمتي لي هي مها قلتلها قمر سباتني وداك النهار كانا فدار جدي كان سبوع ديال بنت عمي وكانت العائلة كلها مجموعة وناس برانين اوا انا طلعت نسيت الموضوع يلاه داخلا مع الباب وقفت عليا عمتي هي وبنتها كي ملاك الموت باش وفت حداهم بالغوات ديال عمتي هاد عمتي اصلا ماكتبغيناش لا انا لا ماما لا خوتي لاجداتي لا خالي حيتاش ماما مزالة صغيرة وزوينة وقارية وجداتي ديال ماما تاهي صغيرة وزوينة لي كيشوفها هي و ماما كيقولو غير خوت بحكم ان جداتي تزوجات على 14 عام اوا المهم هاد عمتي كانت تاهي غير كاتسنا الفرصة فين تشدنا انا وعائلتي صغيرة باش وقفت حداهم كيما قلت ليكم بغواتها يا المسخة يقليلت الاداب كيفاش تسبي بنتي وتقوليلها الله ينعل مك اوييلللي ياخوتي ديك ساع انا كان فعمري 6سنين هههه وكتغوت عليا هاكا حدا دوك القوم لي كان الفسبوع بقات كاتعاير وتغوت ودفعاتني علي الحرف دلباب انا داك ساع مزال صغيورة كيما قلت ليكم ديك دفعا دراتني فيدي مانكدبش عليكم البكية شداتني حيتاش تاوليديا عمرهم حطوا عليا يديهم ولكن ختكم تبكي حدا البراني هيهات من صغري نفس حارة دبا هاد البلان لي وقع ماشافوا لا بابا لا ماما حيتاش كانو فدارنا مشاو يجيبو الكاطو ويرجعوا اصلا دارنا كانت فنفس الحي ديال دار جدي ... خرجت كانسبك وتوجهت لدارنا كانسبك طلعت عند بابا وماما وعاودت ليهم كلشي من طاقطاق تال سلام عليكم وهما اصلا عارفين ديك عمتي وبنتها انانين وكيعطيو الكدوب قتلا صافي اصلا حمد لله حنا مربين احسن تربية والديا كيتيقو فيا وفخوتي وتخنا عمرنا كنا كنخيبو ضنهم من صغرنا صافي انا عاود ليهم كلشي بلبكا وشهيق غير باش نقولكم عمركم تشوفوني كنبكي حدا شي حد من غير ماما و باب و خوتي صافي من صغري هكا اوا المهم مشا بابا هض رمعاها صبنها يسحاب ليكم برداتلي لاااااا مشيت عيطت على ولاد العائلة قلت ليهم طيحولي سناء وهربوا ودكشي لي دارو غير باش نفهم ليكم تاواحد ماكيحمل هاد بنت عمتي فالعائلة انا قلت ليهم يطيحوها حيتاش طويلة عليا طبقوا لي قلت ليهم والمساخط ماطيحوها غير جيت دارهوم وبها كان كيكمي وكيطل من البالكون انا ماقدرتش نتراجع مشيت كانسبك كيشفتهم طيحوها وانا نتلاح عليها بنتيف وباباها كيغوت من البالكون ماعرف شنو يدير وناس ديال الحي كلهم تفرجوا فيها نضت عليها وانا نضربها نيشان بسبكا لعند بابا يسحاب ليكم بابا وماما فاش وصل ليهم شنو درت ضربوني لا غوت عليا بلعاني حدا راجل عمتي وغير زدنا من حداهم ضربناها بضحكا من داكشي .... هادي كانت وحدا من اكثر طرائف لي وقعاتلي فحياتي ومقدرتش نساها بلا البنات لي ريشتهوم فالمدراسة والدري لي تبسل عليا فالقسم نقزت عليه من طابوري لطابوري كنت غانقتلو كوماشدوني البنات ... خوتي ماتسمعوش هاكا تقولو هدي كتعدا عمري تعديت على شي حد من صغري ولكن لي حكرني كيلقاني ودقتي نرجعها نرجعها وخا مانعرف شنو يوقع وعمرك تلقا شي واحد ماكيبغينيش كنت عزيزة على الكبير وصغير كنضحك بزاف وجتماعية وديما كتلقا عندي بزاف ديال الصحاب سوا بنات ولا ولاد وكل مرا جاي يسول شيحد لدرجة باب فقما يشوف شي وجه جديد جا لدارنا كيقلو بغيتي قمر دايرا كيف مقدم الحومة