ايه :مرت الايام وجانت ايام عادية كلش لحد موصل يوم الاربعين مال بابا
حضرنا روحنا حته نروح لبست تشيرت اسود جابه الي بابا من سافر كلش
حلو مجنت متوقعه انو راح البسه اول مره بهيج مكان وجان كل تفكيري
انو بابا راح يشوفني واني لابسته لو لا نزلت ولكيت ماما لابسه عبايه سوده
ومنتجية على حافه التخم وايدها على خدها والدمعه بطرف عيونها رحت
كعدت يم رجلها وبستها من ايدها وكتلها شبيج ياعيني
ماما : شبيه يعني راح اروح الابوج ومتلهفا اشوفه صارلي اربعين يوم
مشايفته بس ماريد هذا المكان كل تفكيري انو من راح نروح راح يكعد ويكلي جنت اشاقه وياج ايه ابوج ديشاقه ويايه لو صدك راح ؟
ايه : ضليت ابجي وكتلها يلا يمه كومي اجوي الولد وبيبي هم اجتي لنتاخر
واحنا بعدنا مواصلين اني صاعده ويه عمر وماما هم ويانا وبيبي هم وبعد عناء طويل وصلنا نزلت من السياره واحس دكات قلبي زادن احسه راح يطلع من مكانه ودموعي بدون توقف يجرن
نزلت بيبي وطبعاً هيه مابيها حيل ابد بس نزلت وكامت تمشي كلش سريع وراحت يم قبر بابا وكعدت يمه وضلت تنعي وتلولي وتكول :
دللول يالولد يبني دلول
يمه عدوك دليل وساكن الجول
يمه أنا من أكول يمه يموت قلبي والله يمه
يمه يحگلي لاصير دلي تره اترك الدنيا وولي
يمه على ظليمتي من دون حلي يمه هب الهوى واندكت الباب تره حسبالي يا يمه خشتك وتجي عليا يمه اثاري الهوى والباب چذاب افزن شايطة واتذكر امناغاك
واذكر سهر ليلي الكضيته إوياك حاربني زماني وليش ما خلاك يا سهم الغدر دم النحر راوك
يا مدلول يا مدلول سهم نحرك يا مدلول اقبالي ومددت يمه الولد رجليك
لا مجروح وامك تكعد اداويك ادوايك
اداويك اشد جرحك واداويك اداويك اداويك اشد جرحك واداويك
در صدري بمحنة ولهفة ناديتك رددتك ترضع بصدري وترجيتك عدل بيني وتحاجيني تمنيتك ما صدكت ميت لمن هزيتك
بلا روح بلا روح الولد نايم بلا روح بلا روح بلا روح الولد نايم بلا روح
شبعت بجي على حجيها بالعلم نص الكلمات معرفت معناهن بس الحنية الي بصوتها من تسويها تهز اكبر واحد تخلي يبجي
امي كعدت يم القبر وضلت تحاجي وتبجي تكله ليش يانظر عيوني ليش عفتني بعد وكت حت الي يتمتني عفتني واني بأكثر وكت محتاجتك بي حته نوم ماكدر انام اله اتخيل ايدك جوه راسي افز من نومي واكول ليش تأخر ليش ما اجه كوم حبيبي بيتك فارغ بدونك كلنه ما نسوه شي بدونك كسرت بنياتك كسرت بنتك ايه الي جانت تريدك واكف يمها من تنطيها الرجلها كسرتني كلي مو بس قلبي وظهري
ايه : رحت يمها وحضنتها وضليت ابجي بالزايد واكلها اي يمه كسرنه اي يوم جنت اريده يمي كسرني ابويه بعد وكت راح وعافنه يتمنا بعد المنو اكول بابا صارلي اربعين يوم محرومه منها محرومه من شوفته لك عيني يابه تعال محتاجتك اشكيلك غيبتك شسوت بيه ينور عيني تعال ارجع حباب
YOU ARE READING
كوفيد 20
Romanceالكاتبة : نوره العلي واقفة على حافه سبتمبر وانا ارى الى متى سوف يزول هذا الالم الذي يمزق جسدي الى اين يأخذني هل سوف ينتهي ام هل انا سأنتهي لقد كان حلمٍ اراه كل يوم اصارع الموت والحياه من سوف يزول ومن سوف يقاوم انا اليوم ارى احلامي جميعها تتلاشى كا...
