ايه : عمر عمر راح اكلك يوم الخميس من جنت غايب أجه عليه ولد ويانا بالقسم وكال لي هل تواعديني مثل ما واعتي علي بعدني ممخلصه حجي واشوف عيون عمر كامت تطلع شرار
عمر : ايه سبوع كامل هيه ماكو واني انتظرها وماعندي لا رقمها ولا شي اسأل صديقتها الي دائما تمشي وياها متجاوبني وتتخبل عبالك مدري شكايللها اجتي ايه بعد اسبوع واسألها شبيها بس حجيها ثكيل ويايه وتكول مابيه شي ومابيه شي بعدين سألت وين اني جنت بهذاك الاسبوع اعتذرت منها ورجعت هيه اعتذرت مني وراها ضلت تسولف على الي صار وانو اكو ولد حاجين عليها صراحتاً تخبلت عقل ماضل براسي هيج شاغت روحي محسيت اله واني رحت على الولد وضربته بوكس ع وجها وهو رجع ضربني وضلينا نتعارك ساعه محسيت اله ايه جارتني
ايه : عمر كبل راح على الولد وضلو واحد يضرب بالثاني اني خفت وضليت الوم بروحي ليش حجيت ليش لو ساكته احسن وراها رحت سحبته واشوف دم طالع منه طلعت كلينس ( منديل ) من جنطتي ومسحت خشمه كتله عمر شبيك مخبل عاقل ليش هيج سويت ها؟؟
عمر : اي اني مخبل مجنون انجن اذا احد باوع عليج خوما هيج يحجي عليج ليش مترديني اتخبل وانجن ها ليشش ؟؟
ايه : عمر ايدي ايدي
عمر : اجتي ايه سحبتني من الولد وضلت تمسح بالدم الي نازل على وجهي من وره خشمي وتكلي تخبلت جريت ايدها وضليت احجي بحرگه واني ضاغط على ايدها وهي ضلت تكلي ايدي ايدي
عمر : اسف ماحسيت
ايه: رجعت للبيت واني الطريق كله صافنه ليش هيج سويت ليش واتذكر موقف عمر الرجولي الي سوا وضليت اتذكر نظراته الي من بدايه السنه رجعت للبيت رحت على جربايتي مددت واني ضليت اتذكر معقوله ايه يحبج عمر لو معجب بيج بعدين كلت اهو خل اعوف سوالف المراهقات بس بصوت عالي طبت اختي
رانيا : ام الحب ام الحب ياسوالف ها حبيتي ولج
ايه : اهوووو رانيا انتي هم عليه عوفيني اريد ارتاح اخلص من حجي زينب تجين انتي
رانيا : ههههه وليي تعاي سولفيلي من الاول منو الي تردين تعوفين سوالف المراهقين من ورا ها ها حلو شسمه عمره عنده عضلات لحيه شي
ايه : انتي شوكت تكبرين ها ؟ بابا اهم شي رجوله الولد واخلاقه راح يتعامل بلحيته وياج لو باخلاقه هاا ؟؟
رانيا : هي دهي حجت العجوز دروحي روحي امداج
ايه: هاي عليما ولج مو اكوملج
رانيا : هههههههه خوفتيني كملي عيني مراهقتنا
نزلت رانيا وضليت وحدي فوك وافكر اداوم لو لا اداوم لو لا اخر شي كلت اوي ماداوم
عمر : رحت ثاني يوم للكليه وعيوني متدور بس ايه ومالكاها اخذت المحاضرات ونفس الشي ايه ماكو طلعت ضليت الوب ابو الخط مالتها اعرفه صديقي رحتله عاد
عمر : ها ولك ابو الليل علاويتي
علي : ههههههه ها لك عمري عمر قلبي وروحي
عمر : ضل ضل تلوك
علي : ايبا مو صوجك خيرك شو جاي
عمر : تريد الصدك لو الجذب
علي: الصدك طبعاً ولك
عمر : بديت اعشگ يخويه
علي : يا الله ومنو هاي الطيره الي حتوكع بقفص حبك يا حبي
عمر : مو مهم بعدين بس علي جايك بشغله بس بشرفك لتردني اريدها من شاربك هذا الي جنه شعر ايدي ملزكهن تلزك
علي : ه ه ه ه الم الك ضحكه حبيبي ؟
عمر : هس تسوي لو اشوف غيرك شكلت
علي : اهوووو دحجي وفضها يلا امرنه لله
عمر : ايه الي وياك بالخط اريد رقمها ضروري صارلها فتره تكطع بالدوام واحنه واجبنا سوه وشون نكمله اذا هي بس تغيب
علي : عمر ع كد الواجب ماكو حبجيات ماكو خرابيط تره البنيه مؤدبه وانت هم اعرف بيك شنو ف لو ماعرفك جان منطيته والبنيه شرفي لان بنت خطي اني الي اوديها واجيبها ماريد يصير شي ويصخم وجهي وتطلع بوجهي تفقنا عيني
عمر : خلصت محاضرتك يلا فضني نطينيا
علي : دهاك هاك اكتب 077..........
عمر : اخذت رقم ايه ورحت بوجهي للبيت
ام عمر : ها يمه الله يساعدك
عمر : هلا بنور البيت هلا بنو حياتي
ام عمر : الله يحفظك النه يسندي انت بعد رب العالمين وابوك
عمر : فدوه اروحلج تعاي تعاي نطيني حبه (بوسه) من خدودج الجنهن شكر لمه
ام عمر :هههههه يمه اللسان الي ينكط عسل الله يحميك ويحرسك يوم
عمر صعدت ليفوك واني صافن شكتب الايه شكلها المهم من غير مقدمات دكيت عليها ماكو متشيله ضليت ادك ماكو ضل بالي عليها بالاكثر
ايه : صعدت فوك الغرفتي داامدد عاد شفت خمس مكالمات فائته ومن رقم صفنت هاي منو وياها رساله مكتوب بيها ارجوج ردي اني عمر
دكيت عليه بساع وقبل لا انطق بأي كلمه كال :
عمر : يابووييه يااربي واخيرا رديتي مو شلعتي لقلبي
ايه : عمر من وين جبت رقمي ؟
عمر : اسف ايه بس اخذته من علي بس علي ما اله اي ذنب
ايه : شون ما اله اي ذنب ليش ينطيك رقمي اني رقمي عنده حته بس يوصلني مو كاعد ويوزع ثواب برقمي
عمر : هههههه والنوب لسانها لسان دلالات
ايه : عمرررر شنو قصدك ويلا شتريد حته ادك ع علي
عمر : علي ماعنده ذنب الذنب ذنب قلبي مداكدر انام ولا اكدر اكل ايه اني احبج هواي ارجوج لتكسرين قلبي اني متيم بيج بالي وبقلبي انتظرج كل يوم حته تجين اكعد بستولج ( الكرسي) حته اشم بقايه عطرج صورتج وصوتج مطبوعات بالي وبقلبي جسمي كله غار من هاي القطرات الدم الي نزلت مني ومسحها منديلج ارجوج ايه رجعي للدوام مشتاقلج هواي ايه
ايه : عمر يحجي واني احس قلبي يريد ينفجر ماعرف مشاعري تخربطت تخربط وضلينه ساكتين مدري كم دقيقه
ايه : عمر شتريد
عمر : اريد قلبج وعقلج اريد كل شي اني احبج جاي تفهمين شنو داحجي ؟
ايه : عمر شنو هذا الحجي احنه زملاء شون تحبني وانت متعرف شي عليه
عمر : ماعرف شي عليج شمدريج ايه صار 5 اشهر احنه نداوم ويوميه انتظر شوكت تفوتين وكل هذا احمس بروحي من احد يجي يحاجيج وانتي عندج زملاء صدك تحجين ايه شنو هالبرود الي عندج تعاي ايه داومي ووعد حته ماحجي وياج بأي شي بس داومي
ايه : اي هواي خاليني بالثلاجه
عمر : استغفرالله باي
ايه : باي
عمر : سديته والوم بنفسي ليش هيج حجيت لان ردها كلش بارد
ايه : سديته من عمر واني خربانه ضحك مااكذب اني معجبه بي الصراحه بس لازم اموته اله
ايه : كعدت ثاني يوم ورحت للجامعه وصدك عمر شافني ومحجه ويايه اي شي ..
مرت الايام وايام عاديه عمر اشوفه بس ميحجي ويايه ونوبات يحجي ويه علي ابو الخط ويشاقون بس حته سلام ميسلم عليه واني بديت الوب واحوص اريده يحاجيني بس هوه ابد ابد لا يحاجي ولا شي
بس وره فتره كلش نصدمت وجانت الصدمه انو عمر ........
التكمله بالبارت الثاني اتمنى يكون تفاعل قوي حته انزل الباقي 🤍
YOU ARE READING
كوفيد 20
Romanceالكاتبة : نوره العلي واقفة على حافه سبتمبر وانا ارى الى متى سوف يزول هذا الالم الذي يمزق جسدي الى اين يأخذني هل سوف ينتهي ام هل انا سأنتهي لقد كان حلمٍ اراه كل يوم اصارع الموت والحياه من سوف يزول ومن سوف يقاوم انا اليوم ارى احلامي جميعها تتلاشى كا...
