ملاكي || my angel ♡

بارت 2

نوح بحزن /يوم جديد ولسه لوحدي
قام نوح وخرج من البيت وراح عند بركه مايه وشرب منها وراح علي المزرعه الصغيره اللي زارع فيها خضار وخد منها وطلع علي جبل بيطل علي القريه وقعد بيراقب القريه وهو بياكل
نوح بسرحان/ياترا لو روحتلهم هيرحبوا بيه ولا هيقتلوني زي اهلي
وفضل قاعد سرحان وبعد شويه قام وراح مكان الزرع عشان يزرع خضار تاني.
ـــــــــــــــــــــــــــــــــــــــــــــــــــــــــــــــ
عند ملاك
كانت قاعده كعادتها بتبص من الشباك علي البيت المهجور وكانت اسيا نايمه علي السرير وماسكه الكتاب بتقرا فيه
اسيا بهيام/يااااااه لو الواحد يعيش قصه حب زي الروايه ديه
ملاك بهدوء/بس ده مستحيل
اسيا بغيظ /ليه بقي ان شاءلله
ملاك بابتسامة /لان في الروايه البطل كان منبوذ عن الدنيا ومحدش يعرف عنه حاجه ده غير انهم كانوا فاكرينه وحش ولولا الصدفه ان البطله راحت المكان بتاعه كانت هتبقي القصه ديه مش هتحصل يعني لولا عناد البطله واصراها انها تكتشف القصر مكنتش هتلاقي البطل ولا هتحبه
اسيا بسخريه/ماشي ياست الفيلسوفه
رجعت تاني اسيا تقرا الروايه وبصت ملاك من الشباك وكان الليل جيه ومحدش في الشوارع ولفت نظرها النور البعيد علي الجبل
ملاك باستغراب /ايه النور اللي علي الجبل ده
اسيا بانتباه/فين
راحت اسيا وقفت جمب ملاك في الشباك وشاورتلها علي المكان وشافت النور
اسيا بعدم اهتمام/تلاقيه حد من اهل القريه رايح الجبل
ملاك باستغراب /دلوقتي في الليل ده
اسيا بهدوء /عادي في ناس بتحب تروح دلوقتي
ملاك بشك/ غريبه
اسيا بسخريه /مش غريبه ولا حاجه انتي اللي بتشغلي نفسك في حاجات ملهاش لازمه
ملاك بصدمه/قصدك ايه اني تافهه
اسيا بضحك/جداااااا
ملاك بغيظ/طب هاتي الكتاب بقي
راحت ملاك قعدت تشد الكتاب من اسيا وهي تشده منها لحد ما وقع من الشباك
ملاك بصدمه/يانهار اسود ده وقع
اسيا بهدوء/وايه يعني تعالي ننزل نجيبه مش حوار يعني
ملاك برفض /لا انتي عارفه اننا مينفعش نخرج من البيت
اسيا بهدوء /احنا دلوقتي بليل ومفيش حد في الشارع وبعدين الكتاب مش بعيد عن الشباك ياملاك
ملاك بقلق/لا انا خايفه
اسيا بزهق/هنزل اجيبه انا ياستي
ملاك بقلق /بس يا...
اسيا بغيظ/اسكتي ابت ابو جبنك ياشيخه
ملاك بغباء/براحه طب
اسيا بزهق/ابعدي ياوليه بدل ما انطحك بطوبه
خرجت ملاك واسيا وهما بيتسحبوا لتحت راحوا الصاله ولقوا صفيه ومروه بيتفرجوا علي التلفزيون علي مسرحيه مدرسه المشاغبين وبيضحكوا وجت حته في المسرحيه وقعدوا يضحكوا وضحكت اسيا معاهم
اسيا بضحك/لا حلوه ديه
ملاك بخضه/ششش اسكتي هنتفضح يخربيتك
اسيا بضحك/سوري والله بس المسرحيه ديه مسخره
ملاك بسخريه/طب يلا يامسخره نجيب الكتاب
اسيا بغباء/اشطا يلا
وقعدوا يتسحبوا براحه لحد باب الشقه وفتحوه ووقفت ملاك عند الباب تراقب الجو وخرجت اسيا بسرعه وهي بتجري ووصلت للكتاب وجابته
اسيا بفرحه/تمت العمليه بنجاح
ولسه جايه بتلف وتجري لقت حد جاي من وراها
عمرو بحده/انتي بتعملي ايه بره دلوقتي
ملاك برعب/يانهار اسود يانهار اسود
اسيا بغباء/ياوجعه مربربه
ـــــــــــــــــــــــــــــــــــــــــــــــــــــــــــــــ
في بيت مازن
خرج من الاوضه بعد ماكسر مني حرفيا وخرج من البيت كله
وهو خارج شافته الداده وطلعت بسرعه علي اوضه مني لقتها مغمي عليها وجمسها كله دم وهدومها متقطعه
صباح بصدمه/يالهوي
جريت بسرعه علي مني وحاولت تفوقها لحد مافاقت
صباح بحزن/مني فوقي يابنتي
قامت مني واترمت في حضن صباح وقعدت تعيط
مني بانهيار/انا تعبت ياداده تعبت هو بيعاملني كده ليه مع اني بعمل كل حاجه عشان ارضيه طب لما هو بيكرهني اتجوزني ليه عشان يعزبني
صباح بدموع /اهدي يابنتي انتي عارفه طبع مازن كده محدش قادر عليه
مني بتعب/انا تعبت ياداده والله حرام اللي بيحصلي ده
صباح بجديه/بلاش تعصيه واسمعي كلامه خليه يحبك ادلعي عليه وخليه كده يموت عليكي خليكي تقيله يابت
مني بخوف/بس اخاف اعمل كده يضربني اكتر
صباح بجديه/متقلقيش انا جنبك وانتي عارفه ان مازن بيحترمني اسمعي مني
مني بحزن/حاضر ياداده انا مليش غيرك بعد موت اهلي اوعي تسبيني ليه ونبي
صباح بحنيه/انا جنبك يابنتي متقلقيش قومي يابنتي غيري هدومك وتعالي اداوليك جروحك ديه
قامت مني بصعوبه بمساعده صباح وغيرت هدومها وصباح عالجت جروحها ونامت مني من التعب
ـــــــــــــــــــــــــــــــــــــــــــــــــــــــــــــــ
عند البنات
كانت ملاك واقفه هتموت من الرعب واسيا واقفه مكانها وخايفه تلف وشويه وهتعيط
عمرو بحده/انا مش بكلمك انتي بتعملي ايه دلوقتي بره البيت
لفت اسيا بهدوء وهي وهي خايفه
اسيا بتوتر/احم اصل الكتاب وقع من الشباك وجيت اجيبه
عمرو ببرود/وحضرتك ينفع تخرجي من البيت في الوقت المتأخر ده عشان كتاب
اسيا بهدوء/بيتي اهو قدامك مش بعيد يعني
خرجت ملاك بسرعه وراحت لاسيا ووقفت جنبها
ملاك بخوف/انا اسفه والله مش هتتكرر تاني
عمرو بابتسامة /مفيش مشكله بس متتكررش تاني ماشي متخرجوش في وقت متاخر كده لوحدكم
ملاك بتوتر/حاضر
وكان عمرو هيتكلم بس سمع صوت خيل جاي عليهم بص عليه لقاه مازن
عمرو بسرعه/خشوا بسرعه البيت
بصت اسيا ناحيه الخيل وشافت مازن راحت ماسكه ملاك وجريت علي البيت وقفلت بسرعه
وجيه مازن علي عمرو ونزل وقرب منه
مازن ببرود/كنت بتكلم مين دلوقتي
عمرو بهدوء /دول صحابي كنت واقف معاهم
مازن بشك/وصحابك دخلوا بيت صفيه ليه
عمرو بهدوء/هيدخلوا بيت صفيه ليه دول دخلوا الحاره اللي قدامك ديه
مازن ببرود/ماشي
عمرو بهزار/وبعدين ايه ياجدع هو تحقيق
مازن ببرود /ولا تحقيق ولا حاجه
عمرو بتركيز/مالك يامازن
مازن بجديه/مني
ـــــــــــــــــــــــــــــــــــــــــــــــــــــــــــــــ
عند البنات
دخلوا البيت وطلعوا بسرعه علي اوضتهم ووقفوا عند الشباك من ورا السطاره لقوا مازن مع عمرو
اسيا بصدمه/احنا كنا هنروح فابو بلاش
ملاك برعب/انا حاسه اني هيغمي عليا من الخوف يارتني ماسمعت كلامك
اسيا بهدوء /خلاص حصل خير ربنا سترها
وهما بيتكلموا لقوا مروه بتفتح الباب وداخله
مروه بهدوء/بتعملي ايه يابت انتي وهي
اسيا بهزار/بنلعب باليه مائي تيجي
مروه بغيظ/لا انا ممكن الاعبك جمباز دلوقتي
وراحت قلعت الشبشب وطلعت تجري ورا اسيا
اسيا بضحك/خلاص ياوليه اهدي
مروه بتعب/قطعتي نفسي ياللي تنشكي
ملاك بضحك/في ايه ياخالتو جيتي ليه
مروه بتفكير/صح جيت ليه نستيني يابنت الجزمه
اسيا بضحك/كايده العزاب انا من يومي
ملاك بضحك/يابت اتلمي هتتضربي تاني
مروه بغيظ /تحسي اني مخلفه قرد المهم انزلوا عشان نتعشا يلا
اسيا بضحك/اماااااا هو احنا بايتين هنا ولا ايه مش في فبيتنا عشاء مانتعشي في بيتنا
مروه بسخريه /لا ياختي هنبات مع خالتك انهارده كده كده البيت جنب البيت مش هتفرق يعني انزلي اتعشي وانتي ساكته
ملاك بضحك/انزلي اتعشي وانتي ساكته عشان ماتبقيش انتي العشاء
اسيا بضحك /انا بقول كده برضو
ـــــــــــــــــــــــــــــــــــــــــــــــــــــــــــــــ
عند نوح
كان قاعد علي الجبل ومولع نار بسبب البرد رغم انه في فصل الصيف الا ان الجو برد بسبب ارتفاع الجبل
وكان نوح قاعد قدام النار وفجاه شاف ناس طالعه علي الجبل
نوح بخضه/لا لا.....

ياتري ايه اللي حصل هنعرف في الحلقه الجايه😊

ملاكي ❤

MAIILY 💘