ملاكي || my angel ♡

بارت 1

منذ زمن بعيد في احد القري الريفيه كانت ملاك عايشه مع امها بعد موت ابوها وجوز خالتها وهي عندها 8 سنين على ايد فتوه البلد واللي كان وقتها عمره لا يتخطتي 18 سنه ومن وقتها امها وخالتها بيخافوا عليها هي واسيا جدا.

في صباح احد الايام.
صحيت صفيه علي صوت بنتها وهي قاعده جنبها
ملاك بابتسامة /يلا يا صفصف اصحي بقي
صفيه بابتسامة /صباح الخير ياقلب صفصف
ملاك بابتسامة /صباح النور يا اجمل ماما يلا قومي انا عملت الفطار
صفيه بضحك/ده من امتي ده
ملاك بابتسامة/حبيت اعمل الفطار انهارده عشان عارفه انك تعبانه
صفيه بابتسامة /متحرمش منك ياقلبي يلا روحي وانا هاجي وراكي
ملاك بابتسامة /حاضر
خرجت ملاك من الاوضه وراحت على المطبخ تخلص الفطار وقامت صفيه غسلت وشها واتوضت وصلت
صفيه بدعاء/يارب احميهالي ومتحرمنيش منها ابدا وابعد عنها كل شر يارب
قامت صفيه بعد ماخلصت صلاه وخرجت لقت ملاك قاعده علي السفره
صفيه بهزار/ياسيدي ياسيدي ايه الفطار ده
ملاك بابتسامة /هو انا اول مره اعمل فطار فايارب يعجبك
قعدت صفيه كلت وعجبها الاكل جدا
صفيه بانبهار/الله الاكل حلو اوي عرفتي تعمليه ازاي
ملاك بضحك /مانا كنت بشوف حضرتك بتعمليه ازاي وعملت زيه
صفيه بضحك/يا اروبه وانا اللي افتكرتك مش بتعرفي تعملي حاجه
ملاك بابتسامة /لا انا بتعلم منك بس مش بقول
صفيه بضحك/ماشي يا لوكه
قامت صفيه وغيرت هدومها وكانت خارجه
صفيه بتحذير/انا خارجه للشغل ماشي اقفلي الباب عليكي واوعي ياملاك تفتحي لحد غير ماشي
ملاك بابتسامة /حاضر ياماما متخافيش
صفيه بابتسامة /ماشي ياقلب ماما يلا سلام
ملاك بابتسامة /سلام
خرجت صفيه للبقاله اللي كانت بتاعت جوزها قبل مايموت وهي مسكت مكانه عشان تعرف تصرف على بنتها.
ـــــــــــــــــــــــــــــــــــــــــــــــــــــــــــــــ
عند ملاك
كانت قاعده في اوضتها وماسكه قلم وكشكول وقاعده بترسم عصفور قاعد علي غصن شجره قدامها فابرغم انها مش متعلمه الا انها بتعرف تكتب وتقرا وورثت موهبه الرسم من امها
ملاك بسرحان/كان نفسي اروح مدرسه زي بقيت الاطفال واخرج زي بقيت الناس بس اتحكم عليا اتحبس في البيت وكله بسبب مازن
اتنهدت ملاك بحزن وقعدت تبص من الشباك على العصفور وهو بيطير على الشجره وبيصوصو بحريه
ملاك بحزن /ياااااه لو كنت عصفوره كان زماني حره
فضلت تبص من الشباك وعينها جت علي البيت المهجور اللي علي الجبل القريب من القريه واللي الكل بيخاف يقرب منه حتي
ملاك بفضول/ ياتري البيت ده فيه ايه عشان الكل يخاف يقرب منه
كانت قاعده سرحانه في البيت ولفت نظرها اسيا اللي وقفه تحت شبكها وبتنادلها
اسيا بغيظ/يا طائر الليل الحزين لو مش هنزعج خلوتك يعني ممكن تفتحي الباب
ملاك بابتسامة /ثواني بس
نزلت ملاك من الدور الثاني من منزلهم فاهو مكون من طابقين ومفتوحين على بعض ويربطهم سلم من الداخل
فتحت ملاك الباب ودخلت اسيا وهي بتبصلها بقرف
ملاك باستغراب/بتبصيلي كده ليه
اسيا بغيظ/هو انا لازم كل مره صوتي يتنبح عشان تفتحيلي
ملاك بابتسامة /انا اسفه والله ببقي سرحانه
اسيا بسخريه/كل مره سرحانه عارفه لولا اني اعرفك كويس كنت قولت بتحبي جديد
ملاك بضحك/بطلي سخافه وتعالي نطلع فوق
اسيا بابتسامة /تعالي ياختي
ـــــــــــــــــــــــــــــــــــــــــــــــــــــــــــــــ
في البقاله
كانت صفيه واقفه بتبيع للناس وفجاه لقت المحلات كلها قفلت والناس طالعه تجري لقت مازن ورجالته جاين نحيتها
صفيه بشجاعه/خير يارب
مازن بسخريه/ايه ياصفيه مجرتيش زيهم ليه
صفيه ببرود /صفيه على العموم مش صفيه اللي تجري من عيل
مازن بغيظ/احترمي نفسك ياوليه انتي
صفيه بسخريه/وليه صحيح اللي ربه بتاع مربه
(صفيه كانت سواقه توكتوك باين😂)
مازن بعصبيه/اتلمي يامره
ونزل مازن من حصانه وراح ضارب صفيه ووقعها على الارض
صفيه بغل/روح ياخي ربنا ياخدك
مازن بسخريه /بلاش تطولي لسانك عليا وتبقي غبيه زي جوزك وتعملي زيه ولا نسيتي جوزك مات ليه هفكرك انا عشان طول لسانه عليا فابلاش اقتلك انتي كمان ده انتي عندك بنت حتي
كانت صفيه بتبصله بغل وقرف ولكن الدم جمد في عروقها من اللي سمعته
مازن بخبث/صحيح انتي بنتك اكيد دلوقتي بقت عروسه وانا علي ما افتكر انها كانت قمر وهي صغيره فاكيد دلوقتي بقت فرسه
صفيه بجنون /بنتي خط احمر وربنا يامازن لو فكرت بس في بنتي ماهيكفيني روحك
مازن بخبث/هنشوف من اللي هياخد روح التاني الاول
بعت واحد من رجالته دخل المحل وخد فلوس(الاتاوه) وركبوا الاحصنه ومشيوا قامت صفيه وقعدت تعيط وقفلت الدكان وقررت تروح لمروه اختها عشان بنتها متشوفهاش بالمنظر ده
ـــــــــــــــــــــــــــــــــــــــــــــــــــــــــــــــ
في بيت مروه
كانت قاعده بتقطف ملوخيه ومشغله الراديو علي محطه القران الكريم
مروه بابتسامة /بجد بحس براحه لما اشغل المحطه ديه
وكانت قاعده بتعمل الاكل لقت الباب بيخبط قامت فتحت الباب لقت صفيه ووشها احمر من الضربه والعياط
مروه بخضه/يامري ايه اللي جرالك ياصفيه
صفيه ببرود/هيكون مين غير اللي ربنا يجحمه
مروه بعصبيه/هي حصلت انه يمد ايده عليكي طب وربنا مانا سكتاله
صفيه بسرعه/لا يامروه احنا مش هنرمي نفسنا بالنار كفايه اللي حصلنا زمان وبسببه العيال اتيتمت بلاش نيتمهم لتاني مره زمان قتل اجوازنا عشان كانوا بياخدوا حقهم فامش هيتردد ثانيه انه يقتلنا
مروه بغل/اهاا لو تجيلي الفرصه وربنا لقطعه حدد وارميه لكلاب السكك
صفيه بهدوء /مش مهم يامروه اهم حاجه البنات
مروه بتنهيده/علي رايك
صفيه بقلق/صحيح من ضمن الكلام اللي قالهولي انهارده انه ملاك اكيد كبرت وبقت حلوه شكله كده ناوي علي حاجه وانا خايفه عليها
مروه بعصبيه/طب يفكر يقرب منها وانا وربنا ماهتردد ثانيه اقتله
صفيه بقلق/ربنا يستر
مروه بهدوء/متفكريش كتير وتعالي ساعديني نخلص الاكل عشان البنات
صفيه بتنهيده/حاضر
ـــــــــــــــــــــــــــــــــــــــــــــــــــــــــــــــ
عند ملاك
كانت قاعده عند شباكها وبتبص منه علي البيت المهجور وكانت اسيا واقفه قدام مكتبه ملاك بتشوف الكتب
اسيا بزهق/بت ياملاك فين روايه الوحش مش كانت معاكي
ملاك بهدوء/عندك في المكتبه
اسيا بزهق/تعالي هاتيها انا عماله ادور ومش لاقيه
قامت ملاك وقربت من المكتبه ومدت ايدها جابت الكتاب
ملاك بهدوء/قدامك اهو يا عاميه
اسيا بسخريه/متشكرين لكرم اخلاقك
خدت اسيا الكتاب وقعدت تقرا فيه ورجعت ملاك تسرح تاني من شباكها
ملاك بسرحان/نفسى اروحه
اسيا بانتباه/هو ايه
ملاك بهدوء /البيت المهجور
اسيا بسخريه/ياختي احلمي علي قدك مستحيل تروحي هناك
ملاك بتركيز /ليه
اسيا بعدم اهتمام/اولا امك مش هترضي تخرجك الصبح عشان تروحي ثانيا اصلا ممنوع حد يروح هناك ثالثا بيقولولك ان في اشباح وارواح ساكنه البيت
ملاك باستغراب/اشباح وارواح
اسيا بهدوء/ايوه اصل البيت ده كان فيه ناس زمان وماتوا كلهم لما البيت اتحرق فابيقولوا ان روحهم لسه ساكنه البيت وبتاذي اي حد يقرب منه
ملاك بانتباه/وهي العيله كلها ماتت
اسيا بتفكير/علي حسب مانا عارفه ان كلهم ماتوا ولقوا جثثهم الا شخص واحد
ملاك بحماس/مين
اسيا بهدوء /اب....
وقطع كلام اسيا ام ملاك وهي بتنادي عليهم
صفيه بزعيق/بت يا ملاك هاتي اسيا وانزلوا يلا عشان الغداء
اسيا بصوت عالي /حاضر ياخالتي. يلا بسرعه قبل ما امك تبلعنا
ملاك بضحك/يلا
ونزلوا البنات عشان يتغدوا مع صفيه ومروه
ـــــــــــــــــــــــــــــــــــــــــــــــــــــــــــــــ
في بيت الفتوه
كان مازن قاعد علي السفره مع مراته مني التي لا يتخطي عمرها 18 عام
مازن ببرود /مين اللي عمل الاكل ده
مني بخوف /انا يا مازن
مازن بعصبيه /هو انا مش قولتلك متدخليش المطبخ ده انتي بتعصيني
مني برعب/انا بس حبيت اعملك الاكل بايدي والله يا مازن مش قصدي اعصيك
مازن بغل/انا هوريكي ازاي تعصي اوامري كويس
راح مازن مسك مني من شعرها وجرها علي السلم وهي بتعيط وبتحاول تفك نفسها منه ولكن لا حياه لمن تنادي ومفيش حد يقدر يدخل لان نهايته هتكون علي ايد مازن
ـــــــــــــــــــــــــــــــــــــــــــــــــــــــــــــــ
في البيت المهجور
كان البيت اشبه بالقصر الصغير وكان عباره عن كتله سوداء بسبب اثر الحريق
والبيت كله متبهدل علي الاخر الا كام اوضه الي حالتهم كويسه وفي احد الاوض كان نايم علي الارض ومتغطي ببطانيه بسبب البرد صحي من النوم وقعد ومسك صوره كانت جانبه
..... /يوم جديد ولسه لوحدي....

ياتري ايه اللي هيحصل هنعرف في الحلقه الجايه😊

ملاكي♥

MAIILY 💘