قصه مرعبه ☠🔥

الجزء الثاني

- ميادة الساعة 2 بليل مفيش وقت اصحي قومي بقي نومك تقيل خلينا نخلص 

_ مارينا ...! في ايه ؟ 

- قومي دا انسب وقت عشان ننفذ اللي إتفقنا عليه 

_  انتي متأكدة ان دا صح ؟ انا خايفة اروح هناك اطلع برا البيت اصلا 

(بدأت ميادة تبكي ميادة شخصية خوافة جدا واي صدمة ممكن تخليها تفقد وعيها ) 

- للأسف مفيش حل تاني يلا ساعديني عشان نخلص 

_ حاضر انا حتي من كتر التوتر نسيت احنا سبناه فين ؟ 

- في القبو تحت متخافيش الموضوع هيخلص بسرعة 

نزلت انا وميادة القبو تحت ..

_ الريحة وحشة جدا هنا ..! 

-دا طبيعي هو موجود هنا من الصبح 

يلا شيلي قدامي 

( ميادة وهي بتبكي ) 

_ مش قادرة والله مش قادرة صديقيني 

- يا بنتي هنروح في داهيه مينفعش كدا يلا 

بدأت ميادة تشيل قدامي وطلعنا من القبو ومشينا ..

البيت بتاعنا عبارة عن بيت وجمبه حديقة متحاوطة بالأسوار ولسبب او لغيره محدش كان يجرأ ينط 

السور بسبب ان اتقال كلام كتير جوا عن وجود الأشباح والجن لكن انا مش مصدقة الكلام دا بتاتا ...!

قربنا ناحية السور ...

-يلا ارفعي معاية هنرمي من علي السور وبعد كدا نلف نشيله تاني 

_ يا مارينا بلاش ننط ..! خلينا نعمل الموضوع دا في الجنينة احسن المكان جوا في حاجات كتير بتتقال 

عنه وممكن تكون حقيقة ..

- عفاريت ؟ جن ؟ بطلي عبط وتخلف الحاجات دي مبتظهرش .. 

استني هنا هروح اجيب الكشاف والفأس وجاية 

_ لا لا متسيبينيش وحدي ..!

جريت وسبت ميادة وحدها 

*الأحداث من منظور ميادة *

انا خايفة اساعد مارينا ..!

انا كدا ممكن اتورط لو عدينا السور ف احنا كدا بنضحي بكل حاجة علي الرغم ان مارينا اكبر مني بس 

هي مش مصدقة اي حاجة من الكلام دا هي لحد دلوقتي متعرفش ..! اه متعرفش ان ماما وديفيد 

مسافروش ..! ماما وديفيد إختفتوا في الغابة الموجودة ورا السور ..! مقدرش اقلها الحقيقة ومقدرش 

امنعها تعمل اللي عايزاه ..

انا واقفة مرعوبة في مكاني الدنيا كحل ومش شايفة حاجة ومن اول ما وقفت لوحدي وانا سامعة 

صوت جمبي مش قادرة احدد اتجاهه لأنه بيتحرك لكن انا واثقة انه موجود مجرد ما ببص جوا الغابة شايفة عيون كتير منورة انا عارفة ان الحيوانات عينيها بتنور في الظلمة احيانا لكن خليني اقول ان 

كل اشكال الحياة جوا الغابة معدومة .. 

انا مكنتش بكدب لما قلت اني متراقبة كان في حاجة واقفة تراقبني من فوق شجرة كبيرة عينيها 

ونكون وصلنا الي نهاية  الجزء 

اتمني ان يعجبكم سلام 

***********************************************************************************************

********************************************************