الحياة كانت صعبة جدا واحنا في مصر الحقيقة والدي مكنش معاه شغل وأقدر اقول اننا كنا بالكاد
قربنا نشحت لأننا مش لاقين العيش لكن حظنا ان جدي الحاج محسن الله يرحمه والد والدي كان
عايش في اميريكا وقتها و والدي فضل يستلف فلوس عشان يروح هناك لان دا كان الحل الوحيد
قدامنا وقتها كان عندي 10 سنين انا لسه متذكر جدي كان عايش لوحده في مكان منعزل عن الناس
نسيت الحقيقة اسأله يا تري انت عايش هنا بإرادتك يا جدي ؟ ولا الظروف هي اللي خلتك تعيش في
المكان دا غصب عنك ؟ معرفش ..! مش هنكر ان المكان جميل جدا وسط الطبيعة والغابات البيت كان
واسع زي اللي كنا بنشوفه في الأفلام وفيه حديقة او جنينة خلفية للبيت كانت كبيرة وجميلة جدا
الحقيقة وكانت متحاوطة بسور من كل ناحية وكان جدي مربي في الحديقة دي صديقي الوحيد
دا كلب جدي وبيحرس البيت لكن الحقيقة مفيش حاجة يحرسها من الأساس مع اول دخول "دوبي "
لينا لبيت جدي كان فرحان جدا بينا انا واخواتي امنية وحسن وانا حازم الأخ الاكبر والدي دور كتير
ولقي شغل كان مكسبه قليل بعد كل حاجة لكن الحمد لله كان قادر انه يسترنا وميحرمناش من حاجه
قضينا طفولتنا في حديقة البيت انا واخواتي ودوبي وكان جدي دايما يقلي جملة عمري ما هنساها
"اوعاك يا ولدي تنط السور مهما حصل ومهما ضاع لان لو اترك فضل عمرك ما هتعرف ترجع تاني "
مكنتش فاهم سبب الجملة لكن كنت بسمع الكلام وخلاص والدي ووالدتي كانو ينبهو علينا كتير رحت
المدرسة لكن مقدرتش اكون صحاب كان اي حد يعرف اني ساكن وسط الغابة ينفرمني كأني شبح ..!د
الحقيقة مكنش فارق معاية لان دوبي كان معاية دايما جه اسوء يوم في حياتنا لما كان عندي 15
جدي اتوفي وحتي وهو بيموت كان بينبه علي السور ...!د
"اوعاك يا ولدي تنط السور مهما حصل ومهما ضاع لان لو اترك فضل عمرك ما هتعرف ترجع تاني"
دفنا جدي في الجنينة الخلفية للبيت ومر سنة علي وفاته
كان عندي 16 سنة وكنت بلعب مع دوبي في الجنينة كان معاية كورة تعز عليا جدا لان صديقي
الوحيد جبهالي هديه في عيد ميلادي لما كنا في مصر ف الكورة دي كانت كنز بالنسبالي كنت برميها
ودوبي يجري يجيبها وفضلنا كدا ولقيت امي من شباك المطبخ بتلقي
_ حازم القبو محتاج يتنظف لو سمحت سيب الكورة اللي في ايدك دي وانزل نظفه
- انا مش فاضي دلوقتي وقاعد بلعب
_ هتنزل ولا انزل انا ؟
- يووووه
اتعصبت وشوت الكورة بكل قوتي و لحظي السئ الكورة نزلت ورا السور ...!!!د
المنظر كان غريب الحقيقة كل ما كنت ارمي الكورة في كل حتة كان دوبي يجري عليها بسرعة ويجيبها
لكن بمجرد ما نزلت ورا السور دوبي متحركش من مكانه ولا كأنه شافها ..!!د
نظرته ليا وصوت لباحه كان غريب كأنه يبقلي انساها ..!د
بس انساها ازاي ؟ دي من اغلي الحاجات عندي قررت انا هنط السور وانا رايح افتكرت كلام جدي ..!د
وكنت في حيرة شديدة وكل شوية كلماته تظهر قدامي مش راضية تفارقني ..!!د
فكرت في كلامة وبدات اراجعه :
"اوعاك يا ولدي تنط السور مهما حصل ومهما ضاع لان لو اترك فضل عمرك ما هتعرف ترجع تاني "
لو اترك فضل ..! تمام انا مش هسيب حاجة وراية
نطيت السور لكن ..! المكان كان عادي جدا ..! انا توقعت المكان حاجة تاني هه ..!د
بس الغريب اني متاكد ان الكورة نزلت ورا السور مباشرة ببص لقيتها الكورة بعيدة وجوا الغابة ..!د
اتوترت شوية وقلت اكيد انا شوتها بعيد اه دا الاكيد ...!د
فضلت ماشي وكنت متوتر جدا وجسمي بدا يرتعش الجو بدا يبرد اكتر ..! والظلمة بتزيد ...! بس انا
خطواتي بسيطة جدا انا ممكن اتحركت 20 خطوة بس ...!! خفت وفكرت ارجع بصيت وراية لقيت البيت
شبه منعدم الرؤية ...!!! كاني مشيت كيلومترات ...!! دا انا بمشي بقالي دقيقة تقريبا او اقل ازاي بعدت
كدا..!
بصيت وراية لقيت الكورة قريبة قلت هجري ناحيتها اخدها بسرعة وارجع كنت بجري وكنت سامع
***********************************************************************************************
***************************************************
ونكون وصلنا الي نهايه الجزء
اتمني ان يعجبكم
وانتظروني في اجزاء قادمه
سلااام
