تااني يوم ورد قامت بدري صلت وعملت شاي بلبن وسندوتشات خفيفه وصحت البنات قامو اتوضو وصلو وفطرو وقررو أنهم يكلمو مريم ويتفقو يقضو اليوم برا عشان يرجعو بدري وحنين كلمت مريم واتفقوا
فضلو يلفو كتييير واتفقوا يقعدو علي كافيه ع البحر
ورد وحنين وملك ومريم علي طربيزه ع البحر وعلي قبلهم طرابيزتين وكان مستني حد من صحابه ....
ملك اخدت بالها من صحاب علي /بت ي مريم هو علي اخوكي يعرف اسلام الشيمي منين اصله سلم عليه
مريم /ده صديقه الصدوق من ايام الكليه علي اكبر منه بسنه بس أصدقاء جدااا
حنين اول م سمعت الاسم قلبها دق بسرعه رهيبه واتوترت ورد اخدت بالها
ورد بسخريه /لا بجد الطيور علي اشكالها تقع ولسه اما تعرفوا الضلع التالت لمثلث الصداقه الرهيبه ده هو اشهر م النار ع العلم مش بعيد نلاقيه داخل عليهم الوقتي اهو شوفتو لسه مكملتش كلامي مراد العامري دنجوان عيله العامري أكبر صحاب توكيل سيارات ف الشرق الأوسط
الكل كان متنح من وسامه مراد وكمان عشان كانو بيسمعو عنو كتير كل يوم ف علاقه مع بنت شكل
....................
استووب نعرف مراد
شاب وسيم حد اللعنه عنده 32سنه مخلص هندسه ميكانيكا اكبر من علي واسلام بس كان بيجي الكليه عشان يشقط بنات
عيونه سودا برموش طويله ودقن خفيفه وجسمه رهيب من ممارسه الرياضه .
وليه قصه مع بنوته هنعرفها بعديين 😊
......................
الكل ف نفس الوقت عرفتي منين أن مراد صاحبهم
ورد بلامبالاه /كان بيجيلهم الكليه طول السنه اللي قضوها وانا ف سنه أولي
ملك /بس اسلام مقليش يعني
مريم بقلق/هو انتي واسلام مرتبطين ي ملك ؟
ملك بضحك/انا واسلام بتهزري لا يبنتي هو جاست فريند
مريم /بس ازاي ورد سيباكي كدا انا بهدي النفوس
الكل ضحك 😂😂😂
ورد /اللي مسكتني عليها أن اونكل عماد الشيمي والد اسلام صاحب بابا وكان بيجيلنا وانا عارفاه شخصيا وبابا كمان عارف ان ملك ساعات بتكلمه بس مش دايما عشان واثق ف اونكل عماد مش ف اسلام اصلا
حنين كل ده وهي مصدومه من كل اللي عرفته ازاي اسلام يكون ابن اونكل عماد صاحب بابا واللي بتحب تقعد معاه جداا عرفت ليه هي حاسه انها سمعت وشافت اسلام قبل كدا
ورد /واللي انتو كلكم مش تعرفوه بقي أن اونكل عزت العامري صاحبهم برده وكان بيجي يلعب مع بابا شطرنج علي امل أنه يعرف يغلبه مره ف حياته بس بيفشل لأن بابا لعيب قديم 😂😂😂
مريم بصدمه 😲/يعني عزت العامري عين أعيان اسكندريه كان بيجي للحاج محمد عشان يلعب معاه شطرنج بتهزري ده ماسك اكبر توكيل سيارات ف الشرق الأوسط ي بنتي
ملك بصدمه 😲 هي كمان /يعني اونكل عزت ده ابو اللولي بوب اللي قاعد معاهم هناك
ورد /م قولنا ايوا
حنين مصدومه هي كمان / الكاندي شوب ده ابن صاحب بابا وانا اللي كنت معجبه بإسلام لا انا هحول النشاط
مريم بضحك 😂/لا انا حجزت
ملك هي الأخري /لا ي بنات انا الأولي منكم مليش دعوه
ورد بنرفزه /خلصنا انتي وهي يلا والله م احنا قاعدين قولي اخوكي أننا هنمشي علي اما اطلب الشيك
ورد حاسبت اما مريم قالت ل علي أنهم هيمشو بس ف الفون عشان اللي قاعد معاه وهو مقامش لانه عرف أنهم هيروحو ع البيت
ومشو بس وهما ماشيين مراد اخد باله من ورد وسرح اسلام اخد باله
اسلام /انسي ي صاحبي بقي عمرها م هتعبرك لأن بدايتك معاه كانت زفت علي دماغك لعبت مع الشخص أو علي الشخص الغلط
مراد بعصبيه مفرطه/قلت مليون مره مكنتش بلعب كنت عاوز اتقرب منها فعلا لاني عاوزها ليا ف حياتي مش تسألي افهمو بقي وقام مره واحده لدرجه ان الكرسي وقع ومشي علي طول
علي/ ليه كدا ي عم اسلام انت عارف ان حوار ورد مع مراد حساس جدا
اسلام بزهول /ولا يا علي هو انت بتحب ورد ولا مبتحباش ولا ايه بالظبط اصل انا بشوفك عادي كدا وانت عارف أن مراد بيحبها لا مش بيحبها ده بيعشقها لدرجه انه عاملها البوم كامل. كدا معاه بيخبيه ف خزنته
علي بابتسامه /اول م شوفتها حسيت نفسي منجذب ليها انا عارفه من زمان بحكم الصداقه اللي بين حنين ومريم بس مكنتش شوفتها مشوفتهاش اللا اما جات الكليه وعرفت انها ورد وانبهرت اكتر بشخصيتها بس حب لا انا بس مستغرب من عنفها معايا بصراحه مستفزه
اسلام بضحك 😂/لا بجد مش عارف ولا مش انت عاكست صاحبتها ي معلم اللي وقعت عليها القهوه ف اكيد خدت عنك فكره انك زي مراد لا دي اكيد اتأكدت واراهنك أنه بسبب كدا
علي بتزكر /تصدق صح ياض ي اسلام 😂 انا كنت بروش بس عشان البت تفك مش تهزقني قمت معاكس بس اخدت دوش عصير البرتقال والليمون علي دماغ امي
قعدو يضحكو لحد اما كل واحد روح علي بيته
وعند البنات فضلو يضحكو ويهزرو ومريم راحت الشقه عشان تنام والبنات وهما قاعدين
حنين وملك سألو ورد ..
ملك / هو انتي ليه بتكرهي علي يا ورد ؟!
ورد باستغراب/مين قال اني بكرهه ولا مين قال إنه ف دماغي اصلا
حنين /ملك م قالتش ف دماغك هي قالت بتكرهيه
ورد /كون أن فيه مشاعر كره من نحيتي ليه يبقي بفكر فيه لكن هو فعلا مش ف دماغي ولا بكرهه. كل الحكايه أنه شاب لعبي زي اي شاب وعشان كدا مش بحبكم تتكلمو معاه وبالذاات انتي ي حنين وبحزرك منه لاخر مره
ملك باستنكار /يعني هيكون عمل ايه يعني ؟؟؟
................................................
كدا البارت خلص وكان طويل وان شاء الله البارت الجاي هيكون كله مفجأت ..
ورد شايفه علي وحش ليه ؟؟؟
ليه بتحزر حنين بالذات منه ؟؟
وحكايه مراد مع ورد ؟؟
هل مراد يعرف انها بنت صاحب أبوه الروح بالروح ؟؟
هل ورد بتكن مشاعر ل مراد 🤔؟؟
كل ده هنعرفه ف البارتات الجايه أن شاء الله ي حلوين
.... .
دمتم سالمين 🌼🌼
ESTÁS LEYENDO
لم يكن بالحسبان
Historia Cortaالذكريات مثل غصون الاشجار لن تحصو ولن تعد والحياه مثل الشلال المرتفع والمحيط العميق الذي لم يصل اليه الا الغواص الماهر #مقتبسه من ورد الروايه دي اجتماعيه وعائليه وفكاهيه نوعا ما وفيها رساله مهمه لكل بنت بتقع ف الحب اتمني تستمتعو بقرائتها
