Make It Right! (The Second Time Around)

Four

Kakaupo ko pa lang sa van na maghahatid sa amin nina Mika sa hotel na titigilan namin nang biglang tumunog ang cellphone ko. I sighed deeply before I answered it. "Hello 'Pa, kakadating ko lang po rito sa Cebu. Napatawag kayo?" Hindi ko naiwasan ang pangungunot ng aking noo. Sinundan ko ng tingin sina Mika na nagsisakayan na rin sa van habang nagtatawanan.

"Anak, galit na galit ang Lolo mo. Ngayon nya lang nalaman na hindi ka pala sumipot sa dinner meeting nyo ni Beth."

Napahinga ako ng marahas. "Papa naman, alam naman natin pareho na hindi dinner meeting 'yon eh!" Tiningnan ko si Ella na hinagod hagod ako sa aking likuran habang sinasabi sa akin na 'relax ka lang.'

"Tapos hindi rin pala alam ni Papa na pupunta ka ng Cebu."

I rolled my eyes and sighed deeply. "Pa, ilang taon na ako? Kailangan ko pa bang magpaalam pa kay Lolo?" Gusto ko sanang sigawan ang aking ama pero sobrang bait nya sa aming magkakapatid at kay Mama para gawin ko yon. Kung minsan nga naiinis na ako sa sobrang kabaitan nya. Ni hindi nya kayang suwayin si Lolo.

"Michelle naman..." Nakikiusap ang boses ni Papa.

Muli akong huminga ng malalim upang pigilan ang pagkainis na unti-unti kong nararamdaman. "Okay fine! Tatawagan ko si Lolo ngayon." Kahit ayokong makausap ang Lolo ko, tatawagan ko pa rin siya para kay Papa. At para hindi na rin pa humaba ang aming usapan.

"Salamat anak. Enjoy your stay there." Naiimagine kong nakangiti na siya sa kabilang linya.

Mag eenjoy talaga ako! Huwag na huwag lang talagang sisirain ni Lolo ang unang araw ko rito. "Sige na 'Pa. Tawagan ko na lang kayo ulit."

"Bye anak." Paalam nito saka pinutol ang linya.

"Hoy Denden, tingnan mo nga yang hitsura mo! Ang pangit mo na!" Kantyaw ni Mika at binigyan pa ako ng nakakalokong ngiti.

"Kung hindi mo boyfriend si Kiefer, iisipin kong may gusto ka sa akin Reyes!" Pinagtaasan ko pa siya ng kilay bago ako ngumisi. "Papansin ka parati eh!"

"Ha ha! Nakakatawa!" Nakatakip pa ang kanyang kamay sa kanyang bibig na animo'y totoong tumatawa. "Paanong hindi kita papansin, eh kapansin pansin yang kapangitan mo!"

"Eto ka Reyes!" Itinaas ko ang middle finger ko sa kanyang harapan saka ko siya binelatan.

Naghagalpakan naman ng tawa ang iba pang sakay ng van na sina Bang, Vic, Ella, Kim, Mela and Amy. Tumingin ako sa may labas ng bintana nang magsimulang umandar ang sasakyan. Kinuha ko ulit ang cellphone ko at hinanap ang pangalan ni Lolo. Nakatatlong ring pa muna ito nang sumagot siya sa kabilang linya.

"Dennise Michelle!" Kahit medyo may edad na si Lolo hindi pa rin naitago sa boses nito ang pagka strikto. "Why didn't you meet up with Beth?"

"Lolo, busy ako that time. Saka hindi nyo naman ako sinabihan about that meeting!" Ngayon ko lang narerealize na masyado na rin palang nakakasakal ang matanda. Parang nararamdaman ko na ang naramdaman noon ni Alyssa.

"I want you to book a flight back to Manila."

Napatiim bagang ako. "'Lo, ngayon lang po ulit ako nagleave. Hindi naman siguro makakaapekto ang pagkawala ko ng ilang araw, since nandyan rin naman kayo ni Papa."

"Gustong makipagmeet sa'yo ni Beth! Gusto nyang pag-usapan ang business partnership!"

"And just because of that, papauwiin mo ako right away?!" Halos sabay-sabay na napatingin sa akin ang mga sakay ng van. Hindi ko na napigilan ang pagtaas ng boses ko. "C'mon, 'Lo its been a long time since noong huli kong leave. I think I deserve a break this time."

"Pero kung sana nakipagmeet ka na kay Beth that night, eh wala na sanang hassle ngayon!"

Napabuga ako ng malalim na hininga. Pumikit ako ng mariin at pilit kong kinalma ang aking sarili. "'Lo please naman, ngayon lang ulit ako makakatikim ng bakasyon. Baka pwede namang pagbigyan nyo ako?"