لسنا أبرياء

البارت 46

لسنا ابرياء

بقلم

الكاتبة... غرور العراق
الكاتبة... ايليت

......

تصويت +تعليق على كل فقرة

.....

‏نحاولُ أنْ نَفِرَّ من المآسي
ويفلتُ من أصابِعِنَا الطريقُ •

.:
كعدت على وجع ابطني و اعتقد من جوع تململت بفراشي بس حسيت اكو دفو بصفي فتحت عيوني شفتة نايم

بلعت ريگي وبللت شفتي بتردد هدءت كلش حتى نفس گوة طلعتة .. مبين نايم بعمق و ذاب روحة من تعب

گمت على كيف واني اطلع من جوة ايدة نزلت واني على طروف اصابعي درت لجهة ثانية

وشغلت التيلامب ضوة خفيف شفت جهازة جوة مخدة وطالع شوية منة

التوتر الاعيشة مو طبيعي فركت عيوني و مديت ايدي واني اجرة شوية شوية واخطف بنظرات الة خاف يگعد

سحبتة ولزمتة بأيدي حيل .. شغلت شاشة و نصيت الإضاءة دخلت تاريخ انفتح الحمدلله ماغير الرمز

وعلي من فرحة اجيت ابوسة بس لزمت نفسي تسحبت وفتحت  الباب وحس گلبي وية كل حركة يثور

طلعت برة وركضت فوك لطابق ثاني دخلت لوحدة من غرف شغلت الضوة جانت كلهة تراب قفلت الباب ميت قفلة

فتحت مبايل و دخلت رقم اسوة ونتظرت وكل رنة احسهة بگلبي و الثانية صارت قرن

الجهاز مغلق انعل و شعل هسة رجعت تصلت و لحيت لحد ما اجاني صوتهة مبحوح و ناصي: ألو منوو

: أسوة اني دليار

سمعت شهگته  من جهاز و بدت تبجي حجيت بسرعة : شبييج تبجيين صايرر شيء

أسوة: وج شنو الماصايرر  ضل شيء ما اجانة من ورة راسج

دليار: اهووو مو وكت سوالفج هسة گولي بابا شلونة الوضع يمـ...

قاطعتني تصيح بعصبية : صخااام صخم وجهج ولج هدمتي بيتنة رحنة بالرجليين شوفييي وين وصلتينة

بلعت ريگي من خوف : شكو شصاير احجي لاتبقين تبجبجين

أسوة: اخخخ منج وين وصلتينة ازوجت منوو ولج منين طلعتي

دليار: هسسة غير تحجي ماعدي وگت
لاتبقين تلوصين

أسوة: رجلج گتل لواء

عوجت حلگي بضوجة: هية هاي صارلج ساعة ادري گالي كـسرت ايـ..

أسوة: ولججج قتتلة ماتتت باب بيتنة طشر دمة ولد شاب راح هيج من وراج

صفنت واني ما مستوعبة : شتحجين انتي فالتو هية شنو موتا اباب بيتنة انتو وين

أسوة: الدنيا كلها ابيتنة اخوالي و عمام بابا و ولد عمي الامة مخبوصة يدورون عليج