حقكم عليا والله عارفة إني اتأخرت جامد، بس مكنتش عارفة أوفق بين الجامعة والروايتين مع بعض، على العموم النوفيلا دي فاضل فيها فصلين بس، وحارة القناص بتنزل يوم ويوم زي ما هي عادي.❤❤❤❤🦋
ـــــــــــــــــــــــــــــــــــــــــــــــــــــــــــــــ
من سنن الرسول ﷺ :
النهي عن اللعن: عَنْ ثَابِتِ بْنِ الضَّحَّاكِ رضي الله عنه أَنَّ النَّبِيَّ ﷺ قَالَ: " لَعْنُ الْمُؤْمِنِ كَقَتْلِه".
رواه البخاري ومسلم.
ـــــــــــــــــــــــــــــــــــــــــــــــــــــــــــــــ
جنون تحت السيطرة»
«الفصل الخامس»
"بسم الله الرحمن الرحيم"
قبل ما حدث بقليل، كان «يزن» جالسًا بجانب «ريان» وأمامه الشباب الخمسة يقفون مُطرقين الرأس كالمذنبين، هُنا تسائل «ريان» مُوجهًا حديثه لـ«يزن» بعتاب:
_في إيه يا يزن مذنب العيال كدا ليه؟!!
لوى «يزن» شفتيه بتهكم مُجيبًا إياه بسخرية وهو يُشير للشباب:
_البهوات فاكرين نفسهم فتوات، رايحين حارة هارون وبيتخانقوا مع عياله هناك، وياريتهم رِجعوا منصورين، دول اتضربوا واتهزقوا واتهانوا زي الكلاب.
جعد «رياض» وجهه مُعترضًا بضجر:
_بس متقولش اتضربنا يا عمو، احنا كُنا بناخد ونِدي بشكل وِدي مع بعض.
تحدث «يزن» بغتةً:
_والقلم اللي معلَّم على قفاك بقاله يومين دا تسميه إيه!!
اعترض بقوة صائحًا:
_لأ دا من إسحاق مش من الرجالة.
التوى ثغر «يزن» ساخرًا:
_لا طالما إسحاق هو اللي ضربك تبقى راجل.
تحدث «سليم» تلك المرة مُوجهًا حديثه لوالده:
_يا بابا كان موضوع وخِلص بقى، خلي قلبك أبيض.
نهره «يزن» بحدة وتعابيره تشتد قسوة:
_أنت تسكت خالص، قال وأنا اللي بتفشخر بيك طلعت عِرة زيهم.
وضع «إسحاق» يده على صدره يضرب عليه بضربات خفيفة:
_الله يكرمك يا عمي والله، طول عمرك أصيل.
طالعه «يزن» ببرود مُجيبًا إياه:
_دا غصب عنك يا ابن موسى.
قاطع تلك المُشاحنة هاتف «ريان» المُسترخي على الأريكة يتثائب، فتح عينه بصعوبة ناظرًا لشاشة هاتفه فوجده رقم ابنه «مدثر»، قذف الهاتف في وجه «سليم» بغتةً ليصتطدم بوجهه قائلًا:
_خُد رُد على صاحبك عايز أنام.
