Hyper's bad boy [NoRen]

1

အနောက်မှာ ၅ယောက်တောင်ကျန်သေးတယ်လေ ဆရာကလဲလို့ InJoon ပြောလိုက်ချင်ပေမဲ့ ဆရာက အလေးအနက်ထား ပြောနေသည်မို့ ပြောင်စပ်စပ်မလုပ်ရဲ။ ဆရာချွဲက သဘောကောင်းလျှင် သူများထက်ကောင်းပြီး ဒေါသထွက်လျှင်လည်း အရမ်းကြောက်ဖို့ကောင်းသည်။

"အခု အထက်တန်း ဒုတိယနှစ်ရောက်နေပြီ။ နောက်နှစ်ဆို တက္ကသိုလ်ဝင်ခွင့်အတွက် အရေးကြီးဆုံးနှစ်ရောက်ပြီ။ ပြဿနာရှာတာတွေနားပြီး စာဘက်ကို နည်းနည်းလောက် အာရုံစိုက်ဖို့ ငါပြောမယ်။ နောက်တော့ ဒီတစ်ခါ ရန်ဖြစ်တာ၊ လက်ပါတာ နောက်ဆုံးဖြစ်ပါစေ။ နောက်တစ်ခါဆို မင်းကို မိဘခေါ်ရလိမ့်မယ်"

"Nae Sam တောင်းပန်ပါတယ်။ နောက်မဖြစ်စေရပါဘူး"

"အေး အခု မင်းကို ပြစ်ဒဏ်အနေနဲ့ ငါ့ရဲ့ သချာ်ဘာသာရပ်ကို အစကနေ အခုထိသင်ထားသမျှကို ပြန်တွက်ပြီး ထပ်ရမယ်။"

ထိုစကားကြောင့် InJoon အံ့သြပြီး ဆရာ့ကိုကြည့်တော့ ဘာဖြစ်ချင်လဲဆိုသည့်မျက်နှာအနေအထားကြောင့် ဘာမှအထွန့်မတက်ရဲဘဲ ခေါင်းသာညိတ်ပြလိုက်သည်။

"အချိန်က ဒီနေ့ အဂ်ါနေ့ဆိုတော့ နောက်တစ်ပတ် ဗုဒ္ဓဟူးနေ့ထပ်ရမယ်။ စာက အစကနေ နောက်အပတ် အဂ်ါနေ့အထိ သင်ထားတာတွေ။ မင်းမသိတာရှိရင် အတန်းခေါင်းဆောင်ဖြစ်ဖြစ်၊ ဒုအတန်းခေါင်းဆောင်ကိုဖြစ်ဖြစ် မေးလိုက်။ ကဲ သွားတော့။ ငါမှာထားတာတွေလည်း မမေးနဲ့။"

"Nae Sam" InJoon ဆရာ့ကို နှုတ်ဆက်ပြီး အတန်းထဲကို ပြန်လာခဲ့လိုက်သည်။ ဆရာပေးလိုက်တဲ့ အိမ်စာတွေကြောင့် နေ့လည်စာစားချင်စိတ်လေးတွေလည်း ပျောက်ကုန်ပြီမို့ အခန်းထဲပြန်ပြီး အိမ်စာထပ်ဖို့သာ လုပ်တော့မည်။

InJoon အတန်းဆီသို့ ဦးတည်လမ်းလျှောက်နေရင်း လှေကားအချို့အကွေ့တစ်ခုရောက်တော့ ရုတ်တရက် လက်လှမ်းဆွဲခံရသည်မို့ လန့်သွားသည်။ သူများအသားနာအောင် လုပ်ရသည်သာ အဆင်ပြေတာ၊ သူ့အသားနာမှာတော့ အသေကြောက်သည်။

InJoon လက်ဆွဲသူကို ကြည့်လိုက်တော့ နှစ်ယောက်မရှိသည့် အတန်းခေါင်းဆောင်။ ထိုမှသာ စိတ်အေးသွားဟန်ဖြင့် သက်ပြင်းငွေ့ငွေ့လေး ချလိုက်သည်။