Unicode.
"Hwang InJoon" တိတ်ဆိတ်သော စာသင်ခန်းထဲ ကျောင်းသားများကို မျက်နှာချင်းဆိုင်ရပ်နေသော ဆရာချွဲထံမှ ခေါ်ဆိုလာသောနာမည်ဖြစ်သည်။
"Nae Sam" နာမည်ပိုင်ရှင်ကောင်လေးရဲ့ ပြန်ထူးသံဟာ ပျော့ပျောင်းဟန်ရှိပေမဲ့ မျက်နှာထိ၊ မျက်နှာထားကတော့ ဆန့်ကျင်စွာရှိနေလေသည်။
"မင်း နေ့လည်စာဆင်းချိန်ကျရင် ငါ့ဆီလာခဲ့" စိတ်ဆိုးဟန်ဖြင့် ပြောဆိုပြီးနောက် တပည့်ဖြစ်သူကောင်လေးရဲ့ ပြန်ဖြေသံကိုတောင် မစောင့်ဘဲ ထွက်သွားခဲ့သည်။
ဆရာထွက်သွားပြီးနောက် InJoon သူ၏ဘေးဘက်တစ်ခုံကျော်တွင် ထိုင်နေသောသူကို မသိမသာခိုးကြည့်လိုက်ပေမဲ့ ထိုသူက သူ့ကိုစိုက်ကြည့်နေသည်မို့ ခိုးကြည့်သည့်သူ့မှာ လန့်သွားရသည်။ ဘာလုပ်ရမှန်းမသိတဲ့အနေအထားမို့ 'ဟီး"လို့ ရယ်ပြလိုက်ပေမဲ့ ထိုသူကတော့ မပြောင်းမလဲ ခပ်တည်တည်မျက်နှာနှင့် အကြည့်ကို လွှဲသွားလေသည်။
နေ့လည်ခင်းထမင်းစားချိန်ရောက်လို့ ဆရာထွက်သွားသည်နှင့် InJoon ဆရာချွဲခေါ်ထားသည့်ဆီ သွားလိုက်သည်။
"Choi Sam ကျွန်တော်ရောက်ပါပြီ" သူပြောတော့ အလုပ်လုပ်နေတဲ့ ဆရာက သူ့ကိုမော့ကြည့်လာသည်။
"မင်း ဒီနေ့မနက် ဘာပြဿနာရှာလာပြန်ပြီလဲ" လေသံမာမာနဲ့ပြောလာသော ဆရာ့အသံမှာ မည်မျှစိတ်ဆိုးနေကြောင်း InJoon ရိပ်မိပါသည်။
"အဲ့ဒါက ... အဲ့ကောင်က တစ်နေ့ညနေတုန်းက အလယ်တန်းက ကလေးမလေးတစ်ယောက်ရဲ့ ပိုက်ဆံကို လုပြီး ယူသွားတာမို့ ကျွန်တော်က ကလေးမလေး ပိုက်ဆံပြန်ရအောင် ကူညီပေးရုံပါ"
"အေး ကူညီတာမှန်တယ်။ မင်းဘာလို့ ထိုးလိုက်တာလဲ"
"သူက ကောင်းကောင်းမှပြောမရတာကို ဆရာကလဲ"
"ဆိုတော့ အခုမင်းလုပ်ခဲ့တာ မှန်တယ်ပေါ့"
"ဟဲ ၅၀-၅၀ ပေါ့ ဆရာကလဲ"
"မင်း ... တော် တော် Hwang InJoon မင်းသူတစ်ပါးကို လက်ပါတာတွေ အရမ်းများနေပြီ။ မင်းကူညီပေးတာ ငါအပြစ်မပြောလိုပေမဲ့ မင်းက သူ့အပြစ်ကနေ ကိုယ့်အပြစ်ဖြစ်အောင် သိပ်လုပ်တတ်တယ်။ ပြီးတော့ မင်းရဲ့အဆင့်ကိုလည်း ကြည့်ဦး။ အတန်းထဲ လူ၅၀ရှိတာ မင်းအဆင့်က ၄၅။"
YOU ARE READING
Hyper's bad boy [NoRen]
FanfictionNoRen | JeRen | NoJun Jeno Lee Renjun Huang / InJoon Hwang *Hyper Jeno's bad boy InJoon* Both Unicode & Zawgyi are available.