"ဟိုလေ... ညီမတို့က ပြဇာတ်ကလပ်ထဲဝင်ရင် ကောကောကဘာပြန်ပေးမှာလဲဟင်"
ရိပေါ်ထိုင်နေတဲ့အနောက်တန်းဖက်က ခပ်သွက်သွက်ကောင်မလေးတစ်ယောက်ရဲ့မေးသံကြောင့် ခေါင်းငုံ့ထားတဲ့ကြားက ရိပေါ်ရဲ့နားရွက်လေးတွေက အလိုလိုထောင်မတ်သွားတော့သည်။ ကိုယ်ကြိုက်တဲ့ကလပ်ထဲ ဝင်ခွင့်ရှိတာပဲကို အဲ့လိုပြန်မေးနေဖို့လိုလို့လားနော်။ ဝင်ချင်ရင် ဝင်ချင်တယ်။ မဝင်ချင်ရင် မဝင်ဘူးပေါ့..။
ထိုလူဘယ်လိုပြန်ဖြေမလဲဆိုတာ သိချင်တာမို့ ခေါင်းငုံ့ထားရာကနေ မျက်လုံးလေးဝင့်လို့ လှမ်းကြည့်မိတော့ ထိုလူကပါးစပ်ကနားရွက်ကိုတက်ပြီးချိတ်တော့မတတ်ရယ်ရင်း ရိပေါ်ဖက်ကိုလှမ်းကြည့်နေတာမို့ အကြည့်ချက်ချင်းပြန်လွှဲလိုက်မိသည်။
ကောကောလို့အခေါ်ခံရတာလေးကို အဲ့လောက်တောင်ပျော်နေတာလား။ သူကလည်း ဘာလို့ဒီခုံကိုမှရွေးပြီးထိုင်မိသလဲမသိဘူး။ အခုတော့ ကျီစယ်နေကြတဲ့အချစ်ငှက်နှစ်ကောင်ကြား သူကကြားခံနယ်လိုဖြစ်နေပြီ။
"ရိပေါ် မင်းလည်းငါနဲ့အတူ ပြဇာတ်ကလပ်ထဲအတူလိုက်ဝင်ပါလား။ အဖော်ရတာပေါ့"
ဘေးနားကကျင်းရီရဲ့စကားကြောင့် ကောင်မလေးတွေပတ်လည်ဝိုင်းနေတဲ့ကြားက ယုန်သွားနှစ်ချောင်းကို ဖြဲလို့ရယ်နေတဲ့လူကိုတစ်ချက်လှမ်းကြည့်လိုက်ပြီးမှ ဟွန့်ခနဲနှာမှုတ်လိုက်ရင်း
"မဝင်ချင်ပါဘူး... ရှုပ်ရှုပ်ယှက်ယှက်တွေ။ ငါသွားပြီ"
ဘာမပြောညာမပြောနဲ့ ရုတ်တရက်ကြီးထထွက်သွားတဲ့ရိပေါ်ကြောင့် ကျင်းရီဘာလုပ်ရမှန်းမသိဖြစ်နေရင်းမှ ရိပေါ်နောက်ကိုပဲပြေးလိုက်သွားလိုက်တော့သည်။ ကလပ်မှာစာရင်းသွင်းဖို့ကိစ္စကိုတော့ နောက်မှပဲလုပ်ရမည်။
ရိပေါ်အခန်းထဲကထွက်လာတာနဲ့ တိုက်တိုက်ဆိုင်ဆိုင်မားတို့ဆီက ဖုန်းဝင်လာတာမို့ ဝမ်းသာအားရဖြင့် ကိုင်လိုက်ရင်း အနားကခုံတန်းလေးမှာဝင်ထိုင်လိုက်မိသည်။
"ပထမဆုံးကျောင်းတက်ရတဲ့နေ့ဆိုတော့ ဘယ်လိုနေလဲသားလေး။ အဆင်ရောပြေရဲ့လား"
Chapter Two
Start from the beginning
![𝙱𝚎𝚏𝚘𝚛𝚎 𝚆𝚎 𝙵𝚊𝚕𝚕 𝙸𝚗 𝙻𝚘𝚟𝚎[Completed]](https://img.wattpad.com/cover/318405374-64-k608829.jpg)