قتلتُ أخي ال(داعشي )

part 5

اللهم صل على محمد وآل محمد

كلما تظن بالله خيرا يكرمك باكثر مما ظننت💜🥀

.....

كاعده بالغرفه واقرة ولطم بوحدي ضوجه
سمع ونه وضجيج حسين بخيامه
اجه ولكه الرضيع يلوج كدامه
خذه بيده الرضيع يهل عيونه
نادنه يابني سفيان رحمونه
ماي نريد لبني اليوم تطونه
ابني من العطش يابس تره كلبه

مستحيل يمر يوم وماقره
متربعه بكلبي طبعا إني كضيت طفولتي يعني من صار عمري 10 اقره على الحسين عليه السلام حتى عند جيرانه عندي جرء اقره يعني ماستحي ليش استحي واني راح يزيد قدري واصير خادمه عند سيد الشهداء...

طبعآ اني كلش متأثره بقضيه الحسين والمضلوميه اللي تعرض اله من جنت صغيره اشوف اهلي من يجي عاشوراء اشوفهم يلبسون اسود ويبجون بحركه جنت استغرب واكول عليمن يبجون.....

جنت ابجي من اشوفهم يطبرون بيوم العاشر ابجي خوف واكول ليش هيج يسون ومن كبرت وامي فهمتني الحسين شلون انقتل حرفيا نهاريت وصرت اصرخ وصرت اتاني محرم يوم يوم بس علمود الطم.....

ومن كبرت عرفت عندي صوت حلو يساعدني اقره على مولاي ابن أمير المؤمنين عليه السلام جنت اضحك واكول شبيهم هذول مجانين بس هسه اني مجنونه بحب الحسين وادعي الله يزيدني جنون......

طبت امي تلوب خايفه على خضر سالته اخفف منه الخوف

أبرار:هايمه شمالج

امي: ولج اسكتي اخوج راح يموتني هسه ب١٢ ونص وهوة ماكو وين وله

أبرار:يو يمه قابل جديده علي

قاطعنه صوت خضر طب وهو يركض ويلهث

امي:شمالك ولك وبعدين وين جنت

خضر: يمه بسعج لمي هدومنه خل نطلع منا ترة الموصل طاحت بيد داعش

شهكنا مصدومين على خايفين

امي كالت
:ولك منين الك هذا الحجي

خضر: ياحجي يمه دنيه نكلبت استعجلي

ركضنه نلملم بهدومنه وموبايله ماوكف من الدك اخر شي طلع برا يخابر ورة ١٠دقايق اجه وجه مخطوف وكال يمه ضلن هسه باجر نطلع

ماكلنه شي رحت اقرة زيارة عاشوراء ودعي تنستر ويانه وي العراق الحبيب وأهله لصبح ماغمضت
من الخوف الصبح الساعه الاربعه
اسمع خضر يكعد بأمي على كيف

خضر:ةيمه يمه كومي خل احاجيج

امي كامت وإني مثل البرق لحكتهم اتسنط

امي: خيب شمالك شتريد

خضر: يمه انتي تدرين صار ٦اشهر شني اشتغل

امي: اي ادري وي نجار

خضر: لاموي نجار بيوم طلعت أدور شغل لاكاني اكرم ابن...تعرفينه انتي وكتله اني ادور على شغل وكال اندلك خوش شغل كيفت ورحنه العصر
وتبين يبعون مخدرات كال انته بس توصل ومعليك اشتغلت وياهم أودي بعده اهرب اسلاح هسه من طب داعش طلع همه دواعش خليه ناءمه وهسه منطر انضم لداعش

أمي متعرف شتحجي بس فاكه عيونه

امي: ولك يمه ليش تسوي هيج بيه ماعدي غيرك

خضر: شوفت عينج جربت كلشي محد يرضه يشغلني

امي: جا وتخون بلدك اتصير انته والضلام عليه من امده بطني الجابتك

خضر :هو احنه شحصلنه من البلد ماتكليلي والله اعيشج ملكه

امي؛ملكتيش ها انعل عشيرتك بحرام تعيشني ملكه

خضر:شوفي عدالي ادميه وجيت احجي وياج اخذت قراري وخلص ارد اصيروي المنضمه الإسلامية اما بنسبه للعراق عده جلاب يدافعوله خل يفيدهم العراق

تفلت علي امي وحجت
امي:انته وأهلك كلهم وعشيرتك تروح فدوةللعراق ولده العراق وهمهه مايشرفون بيك يابن الكلب ابوك شحصلنه منه حتى انته يطلع براسك خير

واكفه ارجف ورة الباب اتسنط عليهم وامي تقنع بخوي الي يريد يصير داعشي

ماعرف شحجي ضاع الكلام مني
رجعت لفراشي ارجف
طبت امي ترجف وتبجي صاحت بيه صوت خلاني اكمز

امي:كومي أبرار بسعج يللله

كمت ابجي من طب خضر من شافني ارجف كال يله
خل اوديجن للبصره أمي عاطت بيه

امي:الله لايعوزهه الك عسه ماتاكلني الجلاب مامشي وياك ومن هاي الحضه متبريه منك ولانته ابني ولااني امك

اني ارجف وتحرك مثل المبنجه طلعنه من البيت وهوه يعاين علينه صاح عليه مارحت اجه كمشني من ايدي وسحبني وامي تعيط علي هوة كال هسه

طباني ونطاني ضبت فلوس كطفته بوجه ردت اطلع نطاني مسدس وترس مخزن ثاني
وطانيه كال ضميه
اجه باس راسي بقوة دفعته وضميت المسدس
وطلعت
اركض على امي ومشينه
وبدت مرحله جديده ويامن ياترى وشني الي حواجهه

يتبع ....

أبرار

اسم يوحي بالفتاة الصالحة الصادقة ذات البر والتقوى والعطاء.

دمتم برعايه الله وحفظه

زهراءعلي