" كلير انتِ عملتي حاجه في وشي وانا نايمه؟"
" غبيه يابت؟ لا بجد يعني انتِ غبيه؟ ، انا لو هعملك حاجه هعمل لنفسي ليه وبعدين ازاي هيفضل اللي عملته في وشك بعد ما خدتي شاور يعني لو ده كان كريم أو ميك أب كان زمانه اتمسح من المايه " أومأت لها ايلينا بتفهم ومازالت تنظر إلى المرآه وتتساءل
كيف تحولت بشرتها من اللون الطبيعي إلى اللون الوردي في ليلة واحده ؟
" طيب هنروح الشغل ازاي دلوقتي ياكلير "
" ياستي مش الوحيدين يعني ده نص الناس هنا بشرتهم زي كده"
"ماذا حدث ؟!" أتت ازورا على صوتهن العالي لتتفاجئ بلون بشرتهن هذا ثم تبتسم وتقول
" كنتم تصرخون بسبب ما حدث لبشرتكم أليس كذلك؟" نظرا الفتاتان إلى بعضهن ثم اردفت كلير
" سبحان الله جبتي التايهه. "
" طيب هنروح الشغل ازاي كده ياازورا؟ " كررت ايلينا سؤالها فهي تظن الذي في وجهها مرض أو فيروس ولكن فاجأتها إجابة ازورا
" لا تقلقي هذا شئ طبيعي أظن انكن رايتن أشخاص لديهم نفس لون البشره في عملكن و في أي مكان تذهبون إليه "
" قولتلها والله بس هي دايمًا بتحب تكبر الموضوع، الحكايه سهله يعني بقولك ياازورا ملقيش عندك ميك اب او فونديشن أو أي نوعية من أي حاجه في أي داهيه " قالت كلير وهي تبحث في الإدراج الخاصه بالغرفه عن كريم أو نوعية من مستحضرات التجميل لوضع طبقة على وجهها لتُغطي هذا اللون
" كلا انا لا استعمل الميك أب ولن تجدي اي مستحضر تجميل هنا "
" خلاص ياعم هنمشي كده خلاص يلا ياكلير خدي اجهزي " اردفت ايلينا ثم أخذت ملابس كلير واعطتهم لها وذهبت هي لتجهيز حقيبتها.
وبعد ساعة ونصف
كانوا يقفون داخل المصعد ومعهم بعض المواظفون مر القليل من الوقت حتى وصل المصعد إلى الدور الخامس حيث يتواجد القسم الذين يعملون به فهذا المبنى مُقسم إلى أكثر من قسم و لكل قسم عملٌ مُحدد
" استر يارب وميجيش المدير دلوقتي ويقعد يرطملنا عنجليزي هموت واعرف بيتكلم بالطريقه دي ازاي ده ولا كأنه نشأ وترعرع في أمريكا لا ومش بس كده ده بيتكلم لغة الكوكب كمان اللي مش فاكره اسمها ايه... اسمها تقريبا كازاخستانيه " اردفت كلير ساخره عن الطريقة التي يتحدث بها المدير
فهو يتحدث بأكثر من لغة ومن أكثر اللغات البارع بها هي اللغة الإنجليزية ولكنها أخطأت بالحروف الأولى في كلمة " انجليزي "
" عنجليزي! عنجليزي ياكلير! وانتِ ايه عرفك مش يمكن يكون جاي من امريكا فعلًا وبعدين مش لوحده اللي بيتكلم انجليزي وكازاخستاني ده كل المواظفين بتتكلم كده" قالت ايلينا أثناء ترتيبها لأوراقها
المبعثرة على مكتبها
STAI LEGGENDO
الكتاب السحري.
Fantascienzaكتابًا عجيب تبحث عنه الأجيال من يجده سيرىٰ ما لم يراه انسان، أوراقًا ذهبيه تجعل من يلمسها من عالمِِ آخر، أساطير اخرجتها البشريه ستؤدي بهم إلى الموت بحق ذاته ، ليالي سنقضيها في معرفه ما يختبئ خلف هذه الصفحات هم يقولون الكتاب خير صديق ولكن ليس كل...
