.........
اليوم التاني صحيت تعبانه عملت شاي وكيك قلت ليهم حمشي انا رائف قال لي يلا طيب حمشي معاك لانو حسون زعلان منك كيف م جيتي قلت ليه انت عارف أمس انشغلت في البيت قال لي اي اي ريري جات قالت لي امشي انا عملت الفطور قلت ليها انتبهي من نفسك مشيت برا انتظرت رائف بس اسمع صواريخ جريت ورميت الصحن لمن اتكسر دخلت لقيت جدي واقع ورائف بصحي فيهو هتان جا جاري على حس ريري وخالتي طبعا هي ما مشت عشان م ينفع نقعد برانا في البيت وشباب كمان انا جريت وقلت ليهم ابعدو هتان دق لي الإسعاف وجرينا بيهو المستشفى كنت خايفه شديد شديد وخالتي من الخوف دقت على ناس اني ورتهم بقو ما عارفين يرجعو ولا يقعدو والمشكله ما وصلو حيصلو بكره الصباح دخلو جدي وانا مقلقه من طابق لي طابق رائف مسكني قال لي م بحصل بيهو شي يا بت الناس قلت ليه طيب قعدت جمبو الدكتور طلع ضحك قال لينا جدكم ده مهبط بس يا خوانا شنو الجوطه د بدون نحس كلنا سجدنا
الحمد لله الحمد لله الحمد لله
رجعنا البيت بعد كمل الدرب وصلنا وكلنا جمبو وخايفين عليهو حيل هتان قال لي بيل قلت ليه ازح وين قال لي من الشارع يا متخلفه زحيت قلت ليه واي يا هتان انا م مشيت لي حسون قال لي جدك وقع امشي بكره هسي امشي اكوي لي قميصي قلت ليه اوك اوك مشيت كويت القميص وبعد تعب ظبط ياخ م بعرف عشره مرات وديتو ف الغرفه لقيتو بتكلم في التلفون ورائد زاتو ومقبلين شافوني نزلو التلفون قال لي مالك قلت ليه القميص ختيتو ومرقت مشيت لي ريري لقيتها يادوب قفلت من عساف قلت ليها حصل شنو؟ قالت لي الكلب قال مع أصحابو ويادوب مارق ماشي لحسون قلت ليها خلاص كلمي يسوقني قالت لي هتان قال نمشي بكره يااا قلت ليها اوك اوك ماشه اطمن على جدو قالت لي طيب مشيت برا لقيتو بقرا ف جريده وفاتح قناه الحدث قعدت جمبو قلت ليه جدوو عاوزه امشي القضارف معاكم قال لي امك م حتخليك انتي عارفه كده صح قلت ليه حنسها انت شكلك ما عاوزني قال لي معقول يا السمحة كيف ما ادورك عاين لي شديد بس م اشتغلت بي عينو دي مسك يدي باسها قال لي قربي مشتاق ليك حضنتو حضني شديد باسني ف خدي قال لي شفتك خوفتي علي قلت ليه خووووووفت شديد طبعا ابتسم قال لي ما تخافي على جدك زول مكنه ضحكت ضحك وفجأه ضحكتو اتلاشت وتكل راسو وعاين فوق قلت ليه اشتقت ليها😉عارفه عارفه انت اشتقت ليها 😹😹😹غايتو بطل خفه هي لسه ما وصلَ... جدو؟ جدو؟ هزيتو بس م زح هزيت راسووو قلت ليه جدو جدوووو قست النبض بقيت مصدومة قمت وبعاين ليهو فاتحه فمي بس ما عارفه بتنفس ولا لا مشيت بحركتي دي لي غرفه هتان فتحت هتان م شافني زاتو ولا رائف بس منتبهين ف التلفون بعد مسافه لاحظو لي هتان قال لي فوز؟ مالك؟ م اتكلمت جا قال لي بطلي فشنو اذا ماف شي امرقي ما عارفه مسكت يدو كيف ومشيت الصالون حتى هو وقف مسافه ومشا عليو وقاس النبض وقف وقال يارب اتقبلو قبول حسن نادا رائف جا قال ليه مال.. جدددددددييييي جرا لي خالتي ف الغرفه قال ليها امممممميييييي جددددددييييييييي يا الله شالت نفسها وجات لمن شافتو بقت تصرخ وووووووووووووااااا ابوووووي هتان قال ليها الله يرحمو خالتي وقعت من طولا شلناها انا وريري وختيناها في السرير في لحظة خبر جدي اتنشر والبيت اتملا بي الجيران بصرخو بي أعلى صوت ما كنت مستوعبه عشان ازعل مشيت وهم بغشلوهو هتان جراني طلعني خالتي بس تقوم وتقع قالت الا تخش قلت فقلبي اه مات انتهى هم بعملو كده ليه استغفر الله بعدين قلت فوز يااااخ استغفر الله صراحه كنت عاوزه عزا في بيتنا عاوزه ابكي واعيش الجو عاوزه اخت استيت واكتب جدي في ذمة الله او اكتب حزنانه وكده صح زعلت واي شي بس برضو فرحت اني حزعل واعمل جوو كنت بحب الزعل شديد.
م عارفه اتغيرت بس ما شغاله بالموضوع كتير
الناس عزو ودقو الصيوان نادوني عشان اودعو للحظة وقفت في راسو انا ما عارفه حصل لي شنو بس كلي مويه كان جواي حاجه بتصرخ فجأه بقيت اصرررخ وابكي لمن وقعت شالوني ودوني برا....
م كنت راضيه اقعد بس بنطط وببكي في مره زادتني لمن بقت توصف طبعا ناس البلد كلهم جو القضارف د ملت بيتنا وناس دنقلا كلهم
المره وهي بتوصف قالت اااااااخخخخ يا راجل الرجال اخهه يا السند وووووووواااااااا قلبي وحرقتك ااااااههه تاني منو البشيلنا في راسو واااا مشا مشا وخلا الدنيا مسيخه واااااا يا قلبي وحرقتك..
كنت ببكي شديد......
*هل أصبحت شرسه ام تمكن مني كل منتقم*🖤
*نتلاقي 👋*
