{وما بعد هذا؟!}
{كُتِبَ قَدرِي}
طل:القرار هو لااا وعاينت لي فواز قلت ليه ممكن نكون لحظه مع بعض أبوهو مرق ليهو برا واهلي اتوزعو
فواز:ليه يا طل💔
طل:فواز نحن م ينفع نكون لبعض عارفه صعبه على وعليك لكن حنعمل شنو؟ امي اعصيها؟ اخواني العارفين اني حرفض انا من اول كنت بتجاوز الموضوع موضوع انك اصغر مني نوزنهاا بالعقل كيف يعني اعرس راجل اصغر مني
فواز:الرسول صلى الله عليه وسلم عرس خديشه رضي الله عنها وهي اكبر منو
طل:فواز عاوز تقارنا بي الرسول؟
فواز :ما عاوز اقارن بس ي طل م حرام لو حرام م كان عرسها
طل:هو م حرام بس د مجتمعنا كدة
فواز:💔💔💔💔💔
طل:اتكلم
فواز:كسرتيني والله
طل:اسفه 💔💔
فواز :حتعمل شنو؟ 💔
طل:فواز محسسني اني م عاوزك او م مكسوره من القرار د
فواز:خير ي زوله موفقه في حياتك 💔
طل:وانت كمان وان شاء الله نفرح بيك قريب... عاين لي جوا عيوني وابتسم
فواز:وانتي وانتي نفرح بيك قريب يا اجمل انسانه لاقيتها💔
طل:تسلم
فواز:هه بارده زي عادتك
طل:حتمشي؟
فواز:حمشي بس لمن اقول الكلام د لاني تاني م حشوفك
طل:قول..... كنت عارفه انو كلامو حيكسرني زياده بس زي ما كسرتو بكلامي يكسرني
فواز:عمري ما اتخيلت اننا نتفرق او تجي لحظه تقولي لي البينا انتهى كان عشمي ينقفل علينا باب واحد بس الحمد لله على قدر ربنا يا طل يا ح... سكت وقال يا اختي عيشي حياتك عادي وانسيني احذفي رقمي وبلكيني م تخلي لي رسالة تجرحني اكتر من كدة طل عمرك م حتلقي زي حبي ولا انا حلقي زي حبك بس د الظروف العن ابو الظروف الشالتني منك صح حنشوف حياتنا زي ما كانت بس ابدا ولا يمكن اننا ننسا بعض دايما حنكون محفورين ف قلوب بعض ي طل💔
وفي اي وقت تحتاجيني حتلقيني فراقنا م بعني عدم التواصل قلع الدبله💔وختاها ف التربيزه كان بقول ف الكلمه دي وهو ماشي يلا ف امان الله ورعايته وطلع سلم ع اهلي واعتذر جدن ومشا
طل:"استودعتك الله حبيبي د فقلبي "يلا معسلامه
مشيت برا الصاله لقيتهم كلهم في ابتسمت ومشيت غرفتي غرفتي الاتعودته ابكي فيها برأي 💔اخخخ يا فواز
يادوب اخدت راحتي ف البكاء وحزني كلو فرغتو ف غرفتي كنت تعبانه تعبانه بحق وحقيقة انا طل لأول مره انكسر كده اول مره اجرب طعم زول يكسرني كنت دايما انا البكسر بي برودي الاتولدت بيهو بعد اخدت بكيتي التمت ساعتين قلت ان شاء الله لخير غسلت وشي وجيت مسكت التلفون بلكتو من جميع تطبيقات التواصل الاجتماعي لمن جيت الواتس لقيتو خاتي استيت اترددت اني ادخلو تاني دخلته كاتب للروح التي ماتت في تلك اللحظة إنا لله وإنا إليه راجعون ياخ انا اتخنقت وبقيت ابكي من اول وجديد م عملت زي اي زول وختيت استيت انا انا رديت ليهو واي ليه ما ارد ليهو وهو يوم من الايام كان جزء من يومي كتبت ليه للظروف التي منعتني من حبك حسبي الله ونعم الوكيل قال لي بلكيني انا م قادر قلت ليه طيب ياخ انا م عارفه بلكتو كيف دموعي نزلت وانا بشهق وببكي م عارفه وم قادره ابلكو كل ما اكون عاوزه اضغط بتذكر جملتو طلي حبيبي انتي لي وكلي💔كل ما اكون عاوزه اضغط اتذكر طل طلي حبي وكلي روحي وحياتي مرتي وام واولادي💔كنت بشهق اكتر لمن كروان و ود جات م حاولت امسح دموعي زدت زياده حضنوني هياف جا قال لي طل انتي اقوا من كدة قلت ليه هاك بلكو م قادره م قادرة وببكي شال التلفون بلكو ومسح الرسايل كان مكتوب لي فيها م تبكي ده قضاء ربنا وربنا يوفقك ويصبرك ❤️هياف حضني وبقو بس جمبي ولا واحد اتكلم لانو عارفين ماف كلام بتقال بخفف الجواي او الحاسة بيهو.
الصباح مشيت لي ارغد ومثاني لقيت البيت فاضي بس هم القاعدين واي زول ف غرفتو مشيت لي مثاني قلت ليها وين الناس؟ قالت لي ارغد قال م عاوز اي صيوان الناس عزت ومرقت قلت ليها احيييي ي بتي دي الدنيا قالت لي أرغد طول عمرو كده بقرر وم برجع لقرارو دايما بعمل حاجه بتندمو ما اول مره ولا آخر مره انا دي طلقني من راجلي بسبب مشكلة حكيته ليههو قلت ليها م بصدق ياخ م للدرجه د هو سيء قالت لي واكتر استغفر الله 💔طل انتي بت عظيمه ياخ ممكن تصاحبيني وم تنقطعي عني قلت ليها أن شاء الله حبيبي يلا ماشه انا قالت لي وين قلت ليها الشغل يبت قالت لي طيب طلعت وهي بتتونس معاي لقيت ارغد ف الصاله مشيت طوالي بقيت افكر اول بت تقول لي اني عظيمه دايما بستقبل كلمه بارده ما اول مره كتير بس المره د قلبي فرق فرقت بي كنت ماشه ارغد قال لي د. طل وقفت وقبلت قلت ليه نعم؟ قال لي متشكر انك وقفتي جمب مثاني قلت ليه واجبي وعاوزه اركب قال لي د طل قلت ليه نعم يا ارغد قال لي خلاص امشي عاوز اقول ليك اشيل ابوي ومشا ياخ م عارفه الدموع نزلت من وين بس بقيت اسوق وابكي.
........
فوز:قفلت في وشو وجريت غسلت وشي اربعه مرات وبستوعب انا فوز بخاف من البرص الليله حبيت زول عندو برص انا فوز بحب زول عندو برص وااااااااااااااااااااااااااااي كيف حتعامل مع الموضوع عادي وااي بس طلعت من الحمام وبقيت برقص وبقول سيطره حمشيك مسطره طبعا بردد مع النغمه حقت تلفوني لمن قرب يفصل رديت بي وانا بموت عليك والله قال لي اخخخخ ي داليدا قلت ليه يلا حقفل لانو بكره ف شغل تستيف عشان السفر قال لي ربنا يعينك حاضر أن شاء الله م تنسي بكرة حجي نعمل خطوبة سريعه قلت ليه مش كانت الأربع؟ قال لي ابوك دقا قال لي هسي عشان مسافرين قلت ليه واااااااي طيب وقفلت بسرعه دقيت لي صحباتي كلمتهم لمن جيت ادق لريري لقيتها دقت لي قالت لي كيفك مع الزعله بقيت اصرخ واقول ليها خطوبتي بكره وااااااااااااااااااااااااااااي كنا بنضحك لمن نمت ف الخط...
.......
ريري :طول الشهور د منتظره لحظه تجي تقول لي ارتبطنا دق لي حسون قال لي اتفقتا مع والد فوز نعمل الخطوبة بكرة اتخلعت وبقيت اقول ليه يولد انت كيف تعمل الخطوبه بكره وعاوزه تجهيزات و.. قاطعني بي بكره حنتم سنه عاوزو يكون فرحتين قلت ليه خيير أن شاء الله يلا قفلت منو وانا من الفرح م قادره اتكلم بقيت اسرخ معاها وهي فرحانه حيييييل فرحت كتير بعد قفلت منها عملت مكالمة وكل شوي بتلفت...
*نتلاقي 👋*
